إبراهيم سعيد يوجه رسـائل نارية إلى إدارة الزمالك

وجه إبراهيم سعيد نجم الكرة المصرية السابق، عدة رسائل نارية إلى مجلس إدارة نادي الزمالك، بعد وداع بطولة كأس مصر.

وكان الزمالك قد خسر أمام طلائع الجيش في دور 16 من بطولة كأس ما أثار غضب كبير من جماهير الزمالك.

وقال إبراهيم سعيد في تصريحات تليفزيونية "التركيز كله في الفترة الأخيرة مع زيزو وبن شرقي، طب باقي اللاعيبة أي بالنسبالكم مش موجودين، أه هم اللعيبة معظمهم مبتعرفش تعلب بس لازم تهتموا بيهم مش كل حاجه زيزو وبن شرقي".

وأضاف: لايجب تجاهل بعض اللعيبة والتركيز مع لاعبين بعينهم، وشوف مين يستحق يكمل في نادي الزمالك ومين لا".

وواصل: "مجلس الإدارة بيضيع وقت وبيلعب على المدى البعيد، علشان يبقى فيه ظرف، ويوصل للجمهور إن في ظروف أعاقت التجديد للاعب مثلا، أو في الصفقات".

وأكمل: «المفروض إن مجلس الإدارة جاي يغير زي ما قال، وإنه دارس الموقف، لكن تنفيذ على أرض الواقع مفيش، إنما كلام بس».

وأردف: «أنت كعضو مجلس زمالك دورك اللي جيت علشانه إنك تدي حلول، مش كل حاجه تبرير».

وواصل: «لم يحدث أي تغييرات منذ مجيء مجلس الزمالك، من 6 شهور، لا صفقات ولا أي تغييرات، ولكن مجرد بس كلام على السوشيال ميديا».

وأردف: «كل صفقات الزمالك مجرد كلام بنسمعه على السوشيال ميديا، ولكن على أرض الواقع مفيش أي صفقات تمت».

وأتم  «كفاية مسكنات لجمهور الزمالك، لأنه تعب بقاله أكثر من سنتين في الموضوع ده، من قصص عن ضم بن شرقي وغيره».

المصدر: بوابة الوفد