معتصم اقرع: غايتو في السودان قاعدين نتكلم عن المثقفين مجاز ساي
تاريخ النشر: 23rd, August 2024 GMT
غايتو في السودان ده قاعدين نتكلم عن المثقفين مجاز ساي. مفروض بدل مثقفين نتكلم عن ثرثارين بتاعين حنك يجيدون رص الكلام . تلقي الواحد عندو أسطوانة كليشيهات واحدة وتافهة يلوك فيها ذاتها سنين بلا كلل ولا ملل. وكمان بنتكلم عن لبراليين برضو مجاز ساي. لانو ما يسمو بالليبراليين أصلا ما عندهم فكرة عن الليبرالية الكلاسيكية كفلسفة نظرية جادة أو كممارسة سياسية في نسختيها الأوروبية أو الامريكية.
معتصم اقرع
إنضم لقناة النيلين على واتسابالمصدر: موقع النيلين
إقرأ أيضاً:
ثلاثة صور محزنة عن الحرب
ثلاثة صور محزنة عن الحرب :-
أستاذ جامعة بموت من الجوع في جنوب الخرطوم وكان بمشي للجامعة وهو راكب عاجلة وكان يومو كلو في المكتبة ومع الطلبة..
رغم العلم ما كان عندو خطة وصدق ياسر العطا بقد قال الحرب في 72 ساعة بنتهي
بروفيسور علم إجتماع ساكن في دار أيواء بكسلا وطلع في لايف تحس أنه خرج من كهف وأهل الكهف وهو يشتكي ظروف الحياة والمعاناة ...
مع انو عالم الاجتماع دا يفترض اول زول يكتشف السفينة ح تغرق ومفترض يتخارج قبل هدى عربي وسلطان الطرب
الشاعر هاشم صديق يخرج من أمدرمان وهو راكب عربة حصان ...
هاشم صديق مصاب بمتلازمة ستوكهولم زي الزول الشارع في فلم البرفيسور كلما يطلع من كتمة بيجي راجع تاني برجولو عشان يشتهر ...
عشان كدا مافي سبب بخلي هاشم صديق يقعد وينتظر والمركب واقفة قدام بيتو
صحيح في سنة بس رجعنا للعصر الحجري بعد أن اصبحت كارو الحمار هي وسيلة المواصلات الوحيدة في مدن كوستي والمناقل
والحضارة وسيارات الدفع الرباعي والبرادو كلها في ولاية نهر النيل ، حتى نهر ولاية النيل أصبحت تضع التقويم للعام الدراسي في السودان لبقية ولايات السودان او ولايات الجيش حسب التسمية الجديدة .....
انا عاوز اقول حاجة مهمة وهي :
الانسان المتعلم السوداني يعيش بلا خطة
لا خطة لمواجهة الكوارث ولا خطة لمواجهة الكوارث الصحية أو الإنقطاع عن العمل ...
شوفتا مقطع للفنان اسماعيل حسب الدايم قاعد في محل حلاقة في مصر وهو يناشد البرهان مخاطبة الفريق عماد عدويحتى يوفر له الدواء ...
يعني فناة 50 سنة ولا زال بفكر في نفسو بس !!!
إسماعيل حسب الدايم بقولي قاعد يغني اكتر من خمسين سنة لكن بعد دا اتضح ما عندو حق العلاج رغم انو مصنف كوز وداعم للمشروع الحضاري من ايام قوانين سبتمبر ...
يعني قروش النميري كانت بتكفيهو لو عمل حسابو
انا بديكم مثل بسيط عن امريكا ومافي زول يعلق ويقول لي لكن دي امريكا ما السودان
لانو مافي حاجة بتمنعك التخطيط ...
انتا بعد تشتغل في اي مكان في امريكا لازم تكون عندك خطة تقاعد وخطة طوارئ في حالة الموت او الانقطاع عن العمل لاي سبب من الاسباب
التقاعد بعد عمرك يصل 60 سنة بكون بعدها عندك راتب معاش وعندك دار ايواء لو انتا مقطوع من شجرة ، مصاريف الجنازة مع الورد والتابوت وحق صلاة القسيس مدفوع و اجرة عربية الحانوتي ...
وكل ما دفعتا اكتر كلما توفرت ليك خدمة احسن ممكن حتى يدفنوك وانتا محنط والناس تشوفك وانتا ميت من ورا القزاز وقدامك نافورة وقفص عصافير ...
الفكرة قائمة على حل معادلة برمجة خطية لادارة الموارد وتقسيمها حسب عمرك المتوقع
بالضبط زي ما عمل سيدنا يوسف عليه السلام ، وفر من السنين السمان عشان تتقي شر السنين العجاف
وخطة التقاعد فيها مستقبل اولادك ومصاريف الجامعة
والشغلة دي في امريكا بتشيل 40 % من مرتبك الحالي عشان تصرفها بعد تنزل المعاش في فترة ما بين 10-20 سنة بالمتوسط
الفرق بينا وبين الخواجات مش هم اذكياء ، الفرق هو فن التخطيط لابسط الأشياء ...
وبعد ما حصل بسبب اعصار كاترينا مافي امريكي اشترى بيت ، كلو ايجار عشان تخفيض الضرائب و لو جات كتمة زي حرب 15 أبريل تكون الخسائر قليلة وتصيب فقط ناس زي دونالد ترامب ...
الناس بتقول الدعم السريع قاعد في بيوت الناس ودا شعار سياسي للهروب من كتمة الحرب ..
لكن السؤال المنطقي ليه كل ثرواتنا وأملاكنا كانت بيوت وعقارات ؟؟عشان تجي حرب ترمينا كلنا في الشارع ونشوف الانصرافي بحرض الجيش ويقول اي بيت فيهو اكتر من طابق دكوه بالطيران دكاً دكاً
البترول: "أنربك" أنتجت 1.9 مليون طن بنزين خلال عام