حسن الردّاد يفجّر مفاجأة عن علاقته بإيمي سمير غانم
تاريخ النشر: 20th, August 2024 GMT
متابعة بتجــرد: خلال لقائه في برنامج “حد النجوم” الذي تقدّمه المذيعة ريهام السهلي عبر قناة dmc، كشف الفنان حسن الردّاد عن مفاجأة جديدة تجمعه بزوجته الفنانة إيمي سمير غانم بعد نجاحهما في مسرحية “التلفزيون”.
وقال الردّاد: “اللي بيسأل إذا كنت أنا وإيمي هنعمل حاجة جديدة وبيحبوا التعاون بينا، إن شاء الله في حاجة جديدة فيلم بيجمعنا”.
وأضاف: “بدأنا التحضير، السيناريو خلص وحالياً بيتم اختيار باقي فريق العمل وهو فيلم كوميدي وفكرة جديدة وهيتصور بين مصر وكذا بلد وإن شاء الله ينزل في عيد الفطر”.
وخلال اللقاء، كشف حسن الردّاد عن طبيعة علاقته بزوجته إيمي سمير غانم، قائلاً: “إيمي دمها خفيف جداً وهي مش بتكون قاصدة إنها تهزّر أنا بحس إنها سمير غانم الصغير، وأنا شخصيتي بحب الحركة والموسيقى تبقى بصوت عالي وأسوق العربية بسرعة وفي البيت أرقص وأهزّر… هي عكسي بتحب تمشي بالراحة وصمت في العربية ومن هنا بيبقى في مواقف كتيرة بينا”.
وعن كيفية تعارفه على إيمي سمير غانم وبداية قصة حبّهما، قال حسن الردّاد: “أنا في 2009 كنت بعمل مسلسل “ابن الأرندلي” وكانت أمي في المسلسل هي الفنانة دلال عبد العزيز، وقت تصوير المسلسل والدتها توفيت ورحت أعزّي وقابلت إيمي ودنيا وسلّمت عليهم مكنتش أعرفهم قبلها، وبعد كده حصل 3 صدف، قابلت إيمي مرة ماشي بالعربية في وسط البلد بالليل والدنيا فاضية ولمحتها، ومرة تانية داخل المسرح وهي خارجة منه، وتالت مرة أنا داخل المعهد عندي محاضرات وهي بتصوّر مسلسل، متكلّمناش لكن الصدف دي حسيت أن هيكون في بينا حاجة مع أننا متكلّمناش، لغاية لما رحت العزاء وبدأنا نبقى أصحاب وشلّة كبيرة وبدأنا نقرّب من بعض وأنا بحب الضحك جداً وبحب الناس اللي تقعد وتضحك ولقيت دمها خفيف وروحها حلوة وبدأنا نقرّب لبعض، مقدرش أقول في توقيت معين أن هو دا الحب، لكن في توقيت معين حسيت إننا منسجمين جداً وأن مينفعش نكون بعاد عن بعض”.
main 2024-08-20 Bitajarodالمصدر: بتجرد
كلمات دلالية: إیمی سمیر غانم
إقرأ أيضاً:
خالد يوسف عن علاقته بـ يوسف شاهين: اطّحنت فى فيلم المهاجر
كشف المخرج خالد يوسف، تفاصيل علاقته مع المخرج الراحل يوسف شاهين، والتى امتدت إلى أكثر من عشرين عاما كاملة.
وقال يوسف، في تصريحات تليفزيونية، : «قُدر ليا إنى أشوف يوسف شاهين وهو بيجيب فكرة الفيلم من سطر، ومن سطر إلى معالجة إلى سيناريو وكل ده شفته، وبعدين فجأة بلاقي بنى آدمين قدامى لحم دم ومشاعر وصراعات وكره وحب ودراما بقي، دراما حياة، ففيه حياة اتخلقت قدامى».
وأضاف أن المخرج بيخلق حياة كاملة، لمدة ساعتين على الشاشة، وبيقرر مصائر أبطاله، ده هيموت.. لأ مش هيموت براحته.
وأوضح، أن «حالة الخلق اللى لقتها قدامى، يعنى بتقرر مصائر أبطالك، شخوص بتخلقها من العدم، وتقرر الحياة اللى هيخشوا فيها، والمشاهدين بيقعدوا فى السينما اللى هى الأوضة الضلمة دى، ساعات يتأثروا وبيعيطوا مثلا أو بيخافوا على البطل، والناس دى لو عارفه أنهم بيشوفوا تمثيلية وعيطوا تبقي ناس هبلة».
وأكد أن جمهور السينما ينسي أنه يشاهد مشاهد تمثيلية، مضيفا: «الناس دى بتنسي أنها فى تمثيلية، وإلا مش هتتأثر وتعيط، إذن انت بتخلق حياة كاملة لمدة ساعتين لدرجة أن المشاهد يتماهى معاها، ويتضامن مع البطل، ويقلق عليه ويضايق لو مات أو مرض إلى آخره، فهنا حالة الخلق هى اللى بهرتنى".
وتابع خالد يوسف:" في فيلم المهاجر قالى يوسف شاهين.. تعالى عايز تبقي إيه؟ قلتله عايز أبقي مخرج.. قالى تعالى اتعلم، وخدنى بقي طحنى فى المهاجر».
رحيل صادم لرياضي مصري واتحاد اللعبة يعلن وقف النشاط