بين أحمد الفيشاوي وحسن الرداد.. من يكون “سفاح التجمع”؟

متابعة بتجــرد: تصاعدت خلال الساعات الماضية أزمة مسلسل “سفاح التجمع” بعد أن أعلنت شركتان نيتهما إنتاج المسلسل ببطلين مختلفين، حيث قرر المنتج أيمن يوسف إنتاج العمل على أن يقوم الفنان أحمد الفيشاوي بالبطولة، فيما أعلن المنتج أحمد السبكي عن تعاقده مع السيناريست محمد صلاح العزب لكتابة مسلسل عن نفس القصة على أن يقوم الفنان حسن الرداد بدور البطولة.

وفي تطورات الأزمة كشف السيناريست جوزيف فوزي مؤلف مسلسل “سفاح التجمع” للمنتج أيمن يوسف، عن سبب وجود عملين مطروحين بنفس الاسم، مؤكداً أنه اتفق مع المنتج أيمن يوسف على إنتاج مسلسل سفاح التجمع وحصلا على الترخيص وجرى تسجيل العمل، مستكملًا: “أي عمل لما بيكون فيه سيناريو وشركة إنتاج وداخلين مجال التنفيذ بيتم الإعلان، إنما محدش بيعلن عن ورق”.

وأضاف: واقعة سفاح التجمع موضوع مهم بالنسبة للناس وأكيد فيه مؤلفين كتير وشركات عاوزين يعملوه، لأنه قضية مطروحة ولافتة للنظر.

وواصل فوزي: “المنتج قال هنستنى على الإعلان لما يكون معانا نجم وكده كده مرخصين الورق في الرقابة والاسم بتاعنا، والحدوتة أصبحت ملك المؤلف، لقصة سفاح بيقتل في منطقة التجمع”.

واستطرد: “أول ما لقينا حد بيدعي إنه بيعمل سفاح التجمع أعلنا بالمستندات، ومفيش واحد طلع صورة ترخيص لأن الرقابة مستحيل ترخص الاسم مرتين، علشان كده أنا حاطط الغلاف بتاع قصة سفاح التجمع بتاريخ ترخيصه، وهما عندهم تصميم بشكل كبير على تقديم المسلسل وده مينفعش لا مهنيًا ولا أخلاقيًا.

وأردف: “لما راحوا يسجلوا الاسم منفعش لأن الاسم متسجل في الرقابة ومينفعش يسجلوا باسم متكرر، وشركة الإنتاج تعاملت رسمي وبعتت إنذارات رسمي إن العمل مترخص من البداية ومينفعش ولا يجوز ترخيص عمل تاني بنفس الاسم”.

وأوضح جوزيف فوزي، أنه جرى التوقيع مع الفنان أحمد الفيشاوي للعب دور البطولة في العمل، مضيفًا: اللي عاوز يقدم العمل يقدمه باسم تاني وحدوتة مختلفة، أما كلمة سفاح التجمع مينفعش خالص”.

واستطرد فوزي: في الأول والآخر السوق كبيرة وربنا يكرم كل الناس، 20 في المئة كانوا عاوزين يعملوا سفاح التجمع، ومحدش بيتكلم علشان عرفوا إن فيه عمل بيتعمل، و99 في المئة من المنتجين محدش قال إنه هيعمل المسلسل وإحنا كنا عمليين بالتعاقد مع بطل العمل”.

main 2024-08-20 Bitajarod

المصدر: بتجرد