وفاء عامر تستغيث من شائعات السوشيال ميديا: «طالت بيتي»| ماذا طلبت من جمهورها؟

أثارت النجمة وفاء عامر جدلاً واسعاً بعدما نشرت فيديو لها تحذر متابعيها وجمهورها من خطورة مواقع التواصل الإجتماعي، مؤكدة:«بلاش تبقى قلوبكم قاسية»، وذلك عبر حسابها الرسمي على موقع "الفيسبوك".

وفاء عامر 

ووجهت وفاء عامر رسالة لجمهورها تطلب منهم مراعاة الله في أفعالهم ونشر الحب والتسامح والتراحم بين الناس، قائلة: "بلاش تبقوا جلادين، بلاش تبقوا قاسين، بلاش تبقى قلوبكم قاسية، حبوا بعض، خافوا على بعض، واسألوا على بعض.

وفاء عامر تطلب من جمهورها مراعاة الله

واضافت وفاء عامر: "اعرفوا النهاردة حياة ودنيا بكره آخرة هتعملوا إيه بقى مع ربنا ياريت نساعد بعض ياريت منقفش قدام بعض ياريت منبقاش قاسين اوي على بعض أنا بكلمكوا من التصوير جه على دماغي إن أنا أقول الكلمتين دول لإن بجد شيء صعب جدًا جدًا لما نبص نلاقي الناس عمالة تأسفن تأسفن طب وبعدين الدنيا مش مستاهلة".

وفاء عامر 

أشارت وفاء عامر أن وسائل التواصل الاجتماعي من أسوأ الأمور التي سيطرت على حياتنا وأخذت وقت كبير، بسبب سرعة انتشار الأنباء دون التحقق من صحتها أو من المصدر الذي نشرت من خلاله، مُعلقة: "أول ما واحد يقولك أنا سمعت يا جماعة بطلوا حكاية أنا سمعت وقالوا وقولنا وقولنالهم وهنقول أصل فلان قالي أصل فلان سمع إيه يا جماعة في إيه لازم يبقى في برهان لازم نبقى شايفين بعينينا السوشيال ميديا دي من اسخم الحاجات اللي دخلت حياتنا إن لم تكن من أزفت لإنك بتقرا الخبر وفي شوية ناس كده طالعين زي الليمون الأصفر في كل حتة بيقولوا حاجات ممكن متكونش حصلت وحاجات بتبقى ساعات مدفوعة علشان بس يعملوا شو".

وفاء عامر: شائعات السوشيال ميديا طالت أهل بيتي

وأكدت وفاء عامر على أهمية التأكد من كل ما يقال حولنا ومن الشائعات التي تُكتب على وسائل التواصل الاجتماعي من المصدر الذي نشر عنها الخبر، قائلة: "ده وصل إن أهلي بيتي بصحى من النوم بيقولولي يا حول الله يا رب فلانة الفلانية دخلت في غيبوبة وبنتها خدت فلوسها إيه ده بيحصل في بيتي أنا بيحصل عندي أنا أنا بجد حقيقي كنت اتمنى إن مطلعش بالعصبية دي اقولكوا متصدقوش أي حاجة ولا حتى أنا اكتبها على صفحتي على السوشيال ميديا".

وفاء عامر 

وانهت وفاء عامر حديثها ترجوا جمهورها بعدم الانسياق وراء الأخبار المنتشرة وألا يصدقوا أي شيء يُكتب عبر صفحاتها على وسائل التواصل الاجتماعي، فقد يكون ذلك قد كُتب بواسطة المشرفين على الصفحة، مؤكدة: "لازم تتقال في نشرة إخبارية بجد لازم تتقال بجد على قناة موثوق منها ممكن يكون عندي أدمن أنا مش شيفاه أو مخدتش بالي منه يكون له مصلحة في نشر شائعة ما ياريت نحب بعض ونخاف على بعض، ومتصدقوش أي حاجة تتكتب على السوشيال ميديا لازم تبقوا متأكدين من صحة الخبر المتداول لازم يبقى المصدر أكيد مصدق ومجرب منأذيش بعض لمجرد إشاعة، وياريت منأذيش بعض خالص وياريت نحب بعض عشان الحب شح بقى قليل أوي".

وفاء عامر آخر أعمال وفاء عامر

شاركت وفاء عامر مؤخراً في مسلسلين خلال الماراثون الرمضانب الماضى، فى حق عرب إلى جانب أحمد العوضى، دينا فؤاد، رياض الخولي، وليد فواز، دنيا المصري، كارولين عزمي، أحمد صيام، سلوى عثمان، سامح السيد، وفاء مكي، أحمد عبدالله محمود، إبراهيم السمان، ميدو ماهر، الطفل منذر مهران، تامر شلتوت، يُمنَى طولان، وعدد آخر من الفنانين. والعمل من تأليف محمود حمدان، وإخراج إسماعيل فاروق.

وفاء عامر 

كما شاركت وفاء عامر فى مسلسل جودر - ألف وليلة وليلة من 15 حلقة بطولة ياسر جلال، نور اللبنانية، ياسمين رئيس، تارا عماد، وفاء عامر، جيهان الشماشرجي، عبد العزيز مخيون، أحمد بدير، وليد فواز، أيتن عامر، هنادي مهنا، محمود البزاوي، محمد التاجي، سامي مغاوري، عايدة رياض، أحمد فتحي، مجدي بدر، محمد علي رزق، أحمد كشك، أحمد ماجد وتأليف أنور عبد المغيث وإخراج إسلام خيري.

فيلم "حياة الماعز" .. حكاية هندية من رحم الواقع

المصدر: بوابة الوفد