شيرين عبدالوهاب تشكر هيفاء وهبي على دعمها: «هفضل لحد ما أموت ممتنة ليها»

وجّهت المطربة شيرين عبد الوهاب، الشكر إلى الفنانة هيفاء وهبي، التي هنأتها بطرح أغانيها الجديدة وعودتها للساحة مره أخرى.

ونشرت شيرين عبد الوهاب عبر صفحتها الرسمية بموقع التدوينات القصيرة "إكس" صورة هيفاء وهبي، وكتبت: "أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة أقرب الناس ليا ما عملتهاش علشان نفسيتي تبقى أحسن، كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".

وأضافت: "هيفا أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها في الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.. الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا أخت فعلا شكرا يا هيفا يا حبيبتي.. وياريت ياريت في مصر لو في مشاكل أنا بناشد أي حد إن الست دى طيبة جدا جدا متستاهلش إلا كل خير".

هيفاء وهبي تهنئ شيرين عبدالوهاب بعودتها

وهنأت هيفاء وهبي المطربة شيرين عبد الوهاب عبر حسابها الرسمي بموقع تبادل الفيديوهات والصور إنستجرام قائلة: "ألف مبروك حبيبي اللي نور مكانه الصح، والفراغ اللي محدش يعرف يملاه"، وأرفقت تهنئتها بأسماء الأغنيات الثلاث التي طرحتها شيرين "هنحتفل" و"اللي يقابل حبيبي" و"بتمنى أنساك".

المصدر: الوطن