تامر حسني يوجه الشكر لأهل شبرا لهذا السبب
تاريخ النشر: 18th, August 2024 GMT
نشر الفنان تامر حسني مقطع فيديو من احتفال أهل شبرا به أمس بمناسبة عيد ميلاده من خلال حسابه الشخصي على موقع" إنستجرام "
منشور تامر حسني
كتب تامر حسني:' ده مش تصوير فرح في فيلم ده احتفال من اجمل الاحتفالات اللي حصلتلي في حياتي من أهل شبرا العظيم الجميل الطيب شكرا لكل أهالي المنطقة امبارح اللي احتفلوا بيا امبارح فرحتوني من قلبي وكنت حاسس إني وسط أهلي والله
عيد ميلاد تامر حسني
حرص كل من النجمة هنا الزاهد والفنان الكوميدي محمد ثروت على الاحتفال بعيد ميلاد النجم تامر حسني أمس، وقاما باهداؤه تورتة تحمل صور تامر حسني ونظرا لانشغالهم بتصوير فيلم ري ستارت قاموا بالاحتفال في كواليس تصوير الفيلم.
وكان أبطال فيلم ري ستارت يصورون عدد من مشاهدهم في أحد أحياء منطقة شبرا وقام تامر بوقف التصوير لمدة بعد التفاف الجمهور حوله وقرر تامر أن يعطيهم وقت كاف للترحيب بوجودهم.
يذكر أن آخر أعمال تامر حسني أغنية يانهار أبيض الذي طرحها اليوم، والأغنية من كلمات أحمد المالكي، ألحان سامر أبو طالب، توزيع أمين جمال، ماستر علي فتح الله.
المصدر: بوابة الفجر
كلمات دلالية: تامر حسنی
إقرأ أيضاً:
تامر حسني: «أي كلمة بتضايقني بحولها لطاقة نجاح تفرق في مستقبلي»
كشف الفنان تامر حسني، عبر حسابه الرسمي على موقع الصور والفيديوهات «إنستجرام»، سبب استمراره في تأليف وتلحين أغانيه.
تامر حسني يكشف سبب تصميمه على كتابة أغانيهوكتب تامر حسني: «زمان وأنا ببدأ حياتي مكنتش ناوي إني أصمم أكتب أغانيا وألحنها، عملت أول لحن في حياتي لأغنيه اسمها راحت حبيبتي في ألبوم تامر وشيرين، وإنتوا عارفين الألبوم ده إزاي نجح وكل أغانيه نجحت، وكانت الأغنية كلمات الشاعر الكبير بهاء الدين محمد، طلع صحفي ينتقدني وكتب هو أنت لحقت تنجح عشان تلحن».
وأضاف: «فسألت نفسي هو كتب كده ليه مع إن الأغنية من أنجح أغاني الألبوم وأكتر أغنية ساعتها أثرت في الشباب، فسألت هو مين الصحفي ده طلع صاحب مطرب معين فعرفت إنه يمكن يكون غيران شوية وخلاص، بعد شوية نزلت أغنية عيونه دار وكسبت مسابقة كبيرة جداً في مصر ساعتها على نجوم اف إم، وأخدت لقب أغنية القرن، فطلع نفس الصحفي كتب إنت مصمم تلحن ليه تخيلوا أغنية حاصلة على لقب أغنية القرن وبتتحارب !!! من هنا خدني الحماس أدور جوه نفسي وأركز جامد إني أغيظه ومش بس ألحن لاء أنا هلحن وهكتب أغانيا».
وتابع تامر حسني: «وفعلاً من قلبي بشكر الصحفي والمطرب اللي خلاه يكتب كده لآن لولاهم مكنتش عملت الأغاني اللي هذكرها دي ومكنتش هبقى في مكانتي دي وياريت تركزوا إنهم كلهم كلامي ولحني عشان في ناس كتير متعرفش (نور عيني، كل مره، لما بتكون بعيد، أنا مش عارف اتغير، يا بنت الايه، قسمة ونصيب، هي دي، أنا ولا عارف، يا تاعبني، ضحكتها مبتهزرش، ماتوصينيش، إرجعلي، ميحرمنيش منك، الله يباركلي فيك، صوتِك، بغير عليها، اسكتي، حرقة دم، زي الأيام دي، تليفوني رن، سي السيد، 100 وش، هدلعني».
واستطرد: «طبعاً لسه في أغاني كتير بس دول اللي حضروا في ذهني دلوقتي ولما لحنت وألفت لغيري كانوا أغنيتين (قوم اقف وأنت بتكلمني لبهاء، وبص بقى لشيرين)، كل دول كلماتي وألحاني تخيلوا بقى قد إيه الصحفي ده و المطرب اللي زقه عليا فادوني في مستقبلي قد إيه كلمة جارحة المقصود منها تحطيمي بكرم ربنا أقدر أحوّلها لأحد الأسباب اللي تخليني أنجح وأكمل 20 سنة من كلامي وألحاني بكتب البوست ده عشان عارف إن كتير مننا بيسمع كلام مُحبط كل يوم فبلفت نظره إنه عنده فرصة كل يوم إنه يسمع كلمة تضايقه عشان يحولها لطاقة نجاح عظيمة تفرق في مستقبله وحياته».
View this post on Instagram
A post shared by Tamer Hosny (@tamerhosny)
الشباب والرياضة تواصل تنفيذ مهرجان ليالي مراكز الشباب ويصل للدقهلية