رسالة خالد الصاوي لأصحاب المصالح: «كلابي زيي بتشتبك»

وجه الفنان خالد الصاوي رسالة غامضة إلى أصحاب المصالح، مستعينًا بحيواناته الأليفه في فيديو عبر حسابه الرسمي بموقع الصور والفيديوهات الشهير “إنستحرام”.

 

"لو مُت هكون أول واحد يقول".. خالد الصاوي يخرج عن صمته بعد شائعة وفاته خالد الصاوي يحرج تامر حسني برد فعل صادم.. اشتعال الخلاف يكشف أسرارًا خفية عن كريم والسقا

 

وكتب خالد الصاوي على الفيديو الذي ظهر خلاله وهو يداعب كلابه، قائلًا:" دول اعرفهم من كم سنة بس وبيرحبوا بي كده ومش عاوزين مصلحة، بينما الناس دكها ودكهم ودولم عشرة عشرين وثلاثين سنة وأتصل لعرض مشروع أو طلب صغير بعشم السنين فما يردوش أو يردوا ويقولوا بكرة نخلصها ويدوبوا! وفجأة أصحى بعد شهرين على حد منهم اتصل عشر مرات وكلم مكتبي وبيتي بل وبيت أمي! وياخدني بالصوت ويعتب عليا عشان مش بسأل! ".

 

وأضاف "الصاوي":" كلابي بتاكل معايا ودولا بيحاولوا دايما يأكلوا آخر دفعة مني!، كلابي بتعملي هيصة لو سمت صوتي جي من التليفون او أخش الكمباوند، بس دولم بيغيروا ارقامهم لما تخلص حاجتي من ستي وما يفكروش يبعتلولي الجديدة! ".

 

وتابع خالد الصاوي:" كلابي بتكتئب وتنام جنبي ورديات وتمسح دمعي وانا نايم لما بكون حزين أو عيان أو مشقوط بين انتاج مش بيدفع وضرايب ما بترحمش، اما دوكهم فرغم العشرة والأحضان والتلزيق لكن في ظهري بياخدوا صف خصومي وهم عارفينُ ان خطيئتي الكبرى بالنسبة لهم ولأسيادهم ان دمي حر لا اقبل اهانة من اي حد مهما كان حجمه..، وكلابي زيي بتشتبك مع أي كلب يفكر يبلطج وساعات أخش معهم وأدي المغرور صاحب العدو نصيبه، وأروح البيت مع كلابي/عيالي آخر هيبرة وهيس رغم الكدمات والخدوش واثقين في إخلاصنا لبعض وعزة نفسنا، مستعدين للي بعده،!، وتمر لحظة شجن يعدي طيف ميكي حبيب قلبي اللي كان الأقل حجما بس الأشرس_ وهو الذكر القائد على اربعة من فصيلته وثلاثة بلدي!

 

واختتم خالد الصاوي حديثه، قائلًا:" الآن أرتاح لصداقة اللي عندهم نخوة من اي من مخلوقات الله، ولم أعد أطيق من ولدوا احرارا فزحفوا بحريتهم الاخيرة صوب معبد الذهب وعبودية الانانية والندالة وعبادة الفلاتر والمؤثرات ومكياج الترند ".

 

View this post on Instagram

A post shared by Khaled Elsawy (@khaledelsawyofegypt)

 شائعة وفاة تزعج خالد الصاوي

كان قد تداول عدد من مستخدمي منصات التواصل الاجتماعي، شائعة وفاة الفنان خالد الصاوي ، ما جعله يخرج عن صمته للرد على تلك الشائعات المتداولة في الساعات القليلة الماضية .

خرج خالد الصاوي عن صمته للرد على شائعة وفاته، وذلك خلال مقطع فيديو عبر حسابه بموقع الصور والفيديوهات الشهير "إنستجرام"، قائلًا :" السلام عليكم إزيكم يا أحبائي، أنا سمعت إني موت امبارح جيت اتطمن خير في حاجة ولا إيه؟، على العموم بالنسبة للشخصيات اللي بيقولوا كده أنا موتوني 4 مرات من 4 سنين، وأحيانًا قالوا إن أنا أولادي ماتوا، اللهم احفظنا طبعًا بس أنا معنديش ولاد الحقيقة.

 

وأضاف خالد الصاوي، قائلًا:" مش هقول الناس دي نوياها إيه، لما تطلع إشاعة يبقى عندك غرض ولا أنت بلا شخصية واللي بتسمعه بتحطه على النت على طول؟، طب أنت عارف إن ده ممكن يكون تأثيره بايخ على الأهالي؟ ما علينا، أول حاجة الشخص اللي يعمل كده ده كاذب فهو عايز لايكات، نطلع من الحساب بتاعه وننبه الآخرين أنه كذاب، وبأكد أني في الحاجات الضرورية جدًا والحساسة لازم أطلع أكد أو أنفي الحاجة، وتأكدوا يا جماعة إن أنا لو مُت هكون أول واحد بيطلع وبيقول ".

خالد الصاويآخر أعمال خالد الصاوي

كانت آخر أعمال خالد الصاوي، مسلسل صدفة، الدي عرض ضمن الماراثون الرمضاني الماضي 2024، والذي حقق صدى واسعًا على منصات السوشيال ميديا، كما حصد إشادات عدد من الجمهور والنقاد .

شخصية خالد الصاوي 
 

يلعب الفنان خالد الصاوى في مسلسل  صدفة شخصية مصفف شعر شهير يتعرف على ريهام حجاج عن طريق الصدفة وتحدث بينهم العديد من المفارقات التي تقلب الأحداث رأسا على عقب.

 

يشار الى ان مسلسل "صدفة" بطولة النجمة ريهام حجاج، والنجم خالد الصاوى، ميار الغيطى، سلوى خطاب، عصام السقا، رحاب الجمل، فراس سعيد، سليم الترك وعدد آخر من الفنانين.

المصدر: بوابة الوفد