أحمد أمين يفتتح مهرجان «نبتة» بإهداء الدورة للشاعر شوقي حجاب

انطلق حفل افتتاح مهرجان نبتة، الذي يقام ضمن فعاليات مهرجان العلمين في نسخته الثانية اليوم، بعلم مصر والسلام الجمهوري، وإهداء الدورة لاسم الشاعر شوقي حجاب.

وبعدها ألقى الفنان أحمد أمين رئيس المهرجان كلمة خاصة، فقال: «أحب أرحب بيكم من مهرجان العلمين في مهرجان نبتة، أحب أرحب بضيوف المهرجان والفنانين اللي مشاركينا، وأرحب جدا بالأبطال ونجوم المهرجان، اللي هما الأطفال، ومن ساعة ما أعلنا عن المهرجان، وأنا الناس بتسألني بحماس، تحب ولادك يتفرجوا على أيه، عايز أسالهم بتتفرجوا على أيه، جايبلنا الكلام بس الحقيقية انتو محظوظين، أكتر مننا زمان، كان عندنا قناتين ونص، احنا كنا بنقعد نستنى الحاجات تفتح، وكنا فرحانين جدا، وكان بيضحك علينا، احنا الجيل دا مبيضحكش عليه».

وتابع أمين: «ومع ذلك كان عندنا جيل من الفنانين مخلصين جدا، واحنا عملنا نبتة علشان بدأنا نلوم نفسنا، ليه مبنعملش حاجات ليكم قوية مصرية من الهوية بتاعتنا، وبمستوى منافس، احنا اتعلمنا من الجيل القديم إن فيه ناس قضوا عمرهم، بيقدموا حاجات للأطفال منها الفنان الشاعر شوقي حجاب الذي رحل عن عالمنا العام اللي فات، وأهدينا الدورة دي لاسمه، وعملنا فيلم صغير يعرفكوا بيه».

المصدر: الوطن