نيللي كريم: كريم عبدالعزيز عنده "سينس" كوميدي خفيف وتجمعنا "كيميا" فى التصوير
تاريخ النشر: 15th, August 2024 GMT
تصدرت الفنانة نيللي كريم، التريند وذلك بعد الكشف عن كواليس العمل مع الفنان كريم عبدالعزيز، حيث أكدت أنها تحترمه وتقدره على المستوى الشخصي.
وقالت في لقائها مع الإعلامي إبراهيم عبدالجواد على هامش عرض مسرحية السندباد في مهرجان العلمين: «توجد كيميا بيني وبين كريم عبدالعزيز لما بنيجي نصور كواليسنا بتكون كوميدية جدا قبل التصوير».
وأضافت: «كريم عبدالعزيز مركز جدا في شغله وعنده سينس كوميدي خفيف، بحبه وبحترمه وإن شاء الله أحنا مع بعض في حاجات تانية مختلفة».
وأشارت: «أول مرة مسرح، ومبسوطة جدا بالمشاركة في المسرحية ومعايا النجم كريم عبدالعزيز اللي كل الناس بتحبه».
ولفتت: «المسرح مختلف لأن كل يوم بتشوف نفس الناس وامبارح غير انهاردة، وكل يوم العرض بيتعمل بشكل مختلف».
واختتمت: «أهم حاجة الروح الموجودة وراء الكواليس وكلنا أسرة واحدة وبنشجع بعض وواقفين مع بعض، ده إحساس حلو».
من ناحية أخري، أكد الفنان هشام عاشور إن طليقته النجمة نيللي كريم توقعت توجيه انتقادات له بعد زواجهما، من نوعية أنه يحاول الاستفادة من شهرتها من أجل تحقيق التقدم في مسيرته الفنية.
وأضاف خلال تصريحات تليفزيونية: "في آخر فترة من علاقتنا قررت أعمل فيديوهاتي وأنشرها بقوة، نيللي شيك جدا ولها الحتة بتاعتها، وأنا كنت مش عايز أجرب أعمل حاجة تبقى مش مظبوطة ولها تأثير عليها".
حرص الفنان هشام عاشور على كشف السبب الحقيقي وراء انفصاله عن النجمة نيللي كريم، الذي حدث خلال الأسابيع الماضية، وذلك بعد تداول أنباء تفيد أن أبناء نيللي سبب الطلاق.
وقال هشام عاشور: «أنا مش حاسس إنها طليقتي وليها كل الاحترام والتقدير وهتفضل حبيبتي وهنفضل أصدقاء وده كلام مفروغ منه، ومش كل الناس اللي بتتطلق الحب بيختفي، لكن بيحصل تقصير في بعض الأمور وكان واضح إننا هنوصل لطريق الانفصال».
هشام عاشور يرد على شائعات حدوث الطلاق بسبب أبناء نيللي كريموأضاف هشام عاشور: «كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي، لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصوروا ويقولوا أي كلام عشان يعملوا مشاهدات».
وتابع: «قبل زواجي من نيللي كريم وجدت بها طيبة مختلفة».
وأشار: «عندما عرضت عليها الزواج وافقت، وبعدها اتقال إني محطوط في خانة إني زوج نيللي كريم».
ولفت هشام عاشور إلى أن «نيللي كريم حقانية ومش مجاملة وقالت إن زواجها منِّي ضرني أكثر من إفادته».. مؤكدًا أن «نيللي كريم عمرها ما رشحتني في أي عمل فني ليها».
هشام عاشور يرد على لقب «جوز نيللي كريم»
وعلق هشام عاشور على لقب «جوز نيللي كريم»، قائلًا: «أنا معروف في العالم بتاعي لكن مرة واحدة طلعت لعالم كبير جدًا».
وأضاف: «وده لأن العالم بتاعها أكبر مني بكتير جدًا، والناس عارفة أني أحرف واحد في الاسكواش وأنا اخترعت ضربة جديدة في الاسكواش من كتر ما أنا بحب اللعبة، وكنت بلعب ماتشات استعراضية أكتر من الماتشات العادية في كل مكان في العالم وخاصًة الدوري الألماني».
وتابع: «معرفتش أطلع منها ازاي فجأة بقيت زوج نيللي كريم والخبرات دي أنا اتعلمت منها، أنا بضيف للي معايا واللي معايا بيضيف لي، وفي الوقت ده أنا زودتها في حاجات وهي زودتني حاجات، ومقدرش أزعل وأقول الوقت ده كان وحش لأنه كان وقت حلو».
وأوضح هشام عاشور: كلمة طليقتي نيللي كريم أنا مش حاسسها، احنا بعدنا عن بعض، هي لها كل الاحترام والتقدير وهتفضل حبيبتي طول عمرها، والعشرة اللي بينا دي كلها، احنا محصلش بينا كارثة".
وتابع هشام عاشور: قررنا ناخد طريقين مختلفين، لكنها هتفضل حبيبتي وصاحبتي، ودا كلام مفروغ منه، مش لازم كل اللي بيتطلق الحب ينتهي بينهما، في حاجات معينة بتكون مش موجودة أو اختفت، فالناس بيبقى ليها معزة كبيرة عند بعض، بس مش عايزة تبقى هنا، لكن مش لازم أن الناس لما تطلق يبقى خلاص كرهوا بعض ومش عايزين يشوفوا بعض".
واستطرد: كان بقالنا فترة واضح إننا هنروح للحتة دي، ولا صحة للشائعات حول انفصالنا بسبب أودلادها، الولدين أصدقائي، ومافيش الكلام دا.
واستكمل هشام عاشور: لما اتجوزنا في 3 شهور منذ تعرفنا، اتخذنا القرار لوحدنا وبسرعة، وفي نفس الوقت طلاقنا كان لوحدنا وبسرعة، ومحدش اتدخل.
وكانت انفصلت نيللي كريم عن زوجها هشام عاشور، الجمعة 31 مايو، بعد زواج استمر لعامين ونصف العام، وكانا تزوجا في أغسطس من عام 2021، وأقيم حفل زفافهما في الساحل الشمالي.
وهشام عاشور لاعب إسكواش سابق، اتجه إلى التمثيل مؤخرا وشارك في عدد من الأعمال مع زوجته نيللي كريم منها مسلسل "عملة نادرة" ومسلسل "روز وليلى".
المصدر: بوابة الوفد
كلمات دلالية: نيللي كريم مسلسل نيللي كريم مسلسلات نيللي كريم زفاف نيللي كريم زواج نيللي كريم طلاق نيللي كريم انفصال نيللي كريم نيللي نيللي كريم وهشام عاشور كريم زوج نيللي كريم ابنة نيللي كريم نیللی کریم وهشام عاشور کریم عبدالعزیز هشام عاشور
إقرأ أيضاً:
بفيديو كوميدي.. محمد التاجي يطمئن جمهوره بعد إجرائه عملية جراحية
تابع أحدث الأخبار عبر تطبيق
أجرى الفنان محمد التاجي، مساء اليوم الثلاثاء، عملية جراحية بإحدى مستشفيات القاهرة، وطمأن جموره من خلال فيديو كوميدي، مثلما يفعل من حين لآخر.
ونشر الفنان محمد التاجي عبر حسابه الشخصي على موقع التواصل الاجتماعي فيسبوك فيديو كوميدي، "رجعت لك يا أحمد يا عباس، وهعمل فيك ما يعمل، واخد بالك، وزي الفل وأحلى من الأول كمان، بس أنا أقف على رجلي الأول وشوف أنا هعمل فيك إيه، وأنت يا إياد يا حبيبي لو مش محتاجه قولي وأخلصك منه خالص، أنا عندي اللي يقوسه، يالا أدينا أهو"
وتابع: "كل حبيابي اللي كانوا قلقين عليا أنا بطمنهم وأنا زي الفل الحمد لله، حتى العملية أجريت ببنج نصفي وتمت بحمد الله، أنا فايق وزي الفل".
وكان الفنان محمد التاجي كشف عن تعرضه لأزمة صحية تستوجب إجراء عملية جراحية.
وكتب التاجي عبر صفحته الشخصية على موقع التواصل الاجتماعى فيسبوك: "آخر نكته قبل ما أخش العملية.. مرة واحد مخنوق طلع الفضاء بقى مخنوق فضائي.. تمترارارم تمتم، ودعا له جمهوره بالشفاء العاجل".
ولد الفنان محمد التاجي في الثامن والعشرين من أبريل عام 1954، وعمل في المجال الفني منذ أواخر السبعينيات، وذلك في عشرات الأدوار المساعدة بين السينما والتليفزيون والمسرح، لكن كانت أغلب مشاركاته تليفزيونية، ومن أهمها: "هو وهي، بوابة الحلواني، لا، الزيني بركات، أبو ضحكة جنان، يونس ولد فضة، ملوك الجدعنة، حدائق الشيطان"، وغيرها من الأعمال الناجحة، بالإضافة إلى مسرحيته الشهيرة "المتزوجون" مع الفنانين سمير غانم، وجورج سيدهم، وشيرين.
«BMI» التابعة لـ فيتش تتوقع نموا إيجابيا في قطاع السياحة بمصر خلال 2025