بصورة لذكريات فيلم الفلوس.. انتهاء الخلاف بين تامر حسني وخالد الصاوي
تاريخ النشر: 15th, August 2024 GMT
انتهى الخلاف بين تامر حسني وخالد الصاوي الذي حدث منذ فترة، وذلك بنشر خالد الصاوي صور من ذكريات فيلم الفلوس معلقًا:" ذكريات فيلم الفلوس أيام حلوة" ليعود تامر حسني نشرها عبر حسابه الشخصي.
ونشر تامر حسني الصور من خلال حسابه الشخصي بموقع تبادل الصور والفيديوهات إنستجرام خاصية إستوري معلقًا: "الصور حلوة علشان انت فيها " لينتهى الخلاف بينهم.
عتاب خالد الصاوي لـ تامر حسني
وقال الصاوي في برنامج "Mirror"، "إنه كان مخطئًا في اعتقاده بأن صداقته بتامر حسني وأحمد السقا وكريم عبد العزيز كبيرة، انطلاقًا من عدم رده على اتصالاته الهاتفية خلال الآونة الأخيرة".
وأضاف: "يبدو أن لديهم الرغبة في جعل علاقتنا محددة، وذلك على عكس هاني سلامة وخالد النبوي مثلًا، اللذين أتمكن من الوصول إليهم في أي وقت والعكس صحيح".
وتابع: "أعتقد إني كنت متعشم زيادة في تامر والسقا وكريم، وبعاتب نفسي إني أخدت على خاطري منهم، لإنهم هيفضلوا أصحابي إلا حتة، أو بمعنى أصح علاقة صداقة محددة بشروط معينة".
تعليق تامر حسني على تصريحات خالد الصاوي
ونشر تامر حسني من خلال حسابه الشخصي بموقع تبادل الصور والفيديوهات إنستجرام خاصية إستوري صورة له مع خالد الصاوي معلقًا: "يا عم خالد أنت صاحبي وحبيبي وتأخيرك عني مكنش شخصي لو شخصي مكنتش هزعل واستناك سنة مش أسبوع بس ده كان تأخير على كل الممثلين والمنتج والمخرج، وياريتك قولتلي أنك زعلان على تليفوني من سنتين كنت جيت لحد عندك صالحتك، والله معرفش أنك زعلان، وبالمناسبة أنا اللي زعلان علشان كان نفسي تبقى معايا وأنت اللي اختفيت وعلى أي حال زعلك عندي بالدنيا وأول ما أرجع من السفر إن شاء الله هجيلك لحد عندك أصالحك وناخد صورة حلوة زي دي ".
تعاون تامر حسني وخالد الصاويسبق وتم التعاون بينهم من قبل من خلال فيلم "الفلوس"،وتدور أحداث الفيلم حول "سيف"، نصاب محترف، تستعين به الفتاة الجميلة الثرية "حلا"، ليساعدها في استعادة أموالها من نصاب آخر، لتبدأ سلسلة لا منتهية من الخدع والألاعيب التي تختلط فيها مفاهيم الحب والصداقة والحياة.
وفيلم "الفلوس" من إخراج سعيد الماروق، سيناريو وحوار محمد عبد المعطي، وقصة تامر حسني، ويشارك في بطولته مع تامر حسني كل من خالد الصاوي، زينة، عائشة بن أحمد، ومحمد سلام.
المصدر: بوابة الفجر
كلمات دلالية: خالد الصاوي تامر حسني أحدث أعمال تامر حسني أحدث ظهور لـ تامر حسني
إقرأ أيضاً:
من الاعتزال إلى الدعم.. القصة الكاملة لـ تامر حسني وهيثم سعيد
بكلمات مؤثرة، دعم الفنان تامر حسني، صديقه الفنان هيثم سعيد من خلال مشاركة الجمهور بمنشور عبر خاصية ستوري على صفحته الخاصة بموقع الصور الشهير انستجرام، ما جعل البعض يتساءل عن القصة الكاملة.
القصة بدأت عندما قرر هيثم سعيد مشاركة جمهوره فيديو عبر صفحته الخاصة على موقع الصور الشهير انستجرام؛ كشف من خلاله عن قراره بالسفر إلى أستراليا رفقة أسرته، وذلك بسبب معاناته مع الوسط الفني، مشيرا إلى أنه قرر الابتعاد عن المنافسة على الترند، موجها التحية لأبناء جيله ممن لا يزالون يمتلكون الشغف ومن بينهم تامر حسني وتامر عاشور ورامي صبري.
وتفاعل الفنان تامر حسني مع كلمات هيثم سعيد، وقرر الرد عليه عبر صفحته الخاصة، قائلا: «حبيبي هيثم أنا أكيد بزعل لما أشوف فنان جميل زيك يصيبه اليأس بالشكل ده أنا فاهمك وحاسس بيك كويس، طبعا محدش عارف داخليات الناس وأنا ممكن أبقى مش عارف إيه اللي خلاك وصلت لكده رغم إن في ناس من جيلنا كملوا وصبروا وكان عندهم شغف وإصرار على النجاح كبير أنت عارف أنا شوفت إيه من حروب بس كملت واتحديت الظروف مش عارف أقولك ليه مصممتش ولا أقولك متزعلش على اللي أنا معرفش عنه حاجة».
وتابع: «ربنا بس العالم بيك وعالم أنت شوفت إيه وحسيت بإيه بس خليني أقولك حاجة أجمل من ده كله اتأكد من حاجة زي ما أنت متأكد إن اسمك هيثم وأكتر كمان ربنا لما بيقفل باب بيبقى عايزك تفهم إنه قفله عشان يوجهك تروح باب تاني أفضل مش عشان يزعلك ما دام أنت اخترت تسافر تجرب مش عيب جرب جايز تلاقي نجاح عالمي حصلك أكبر من اللي كنت بتحلم بيه».
وأضاف تامر حسني: «نصيحة ليك برضه ادرس التوزيع الموسيقي عشان تعمل مزيكتك بنفسك وجايز تبقى مؤسسة كبيرة في يوم من الأيام بتصنع مزيكا ليك ولغيرك وتقدم ناس مع شطارتك كمطرب ولو حسيت بأي صعوبة ارجع وكلنا حواليك إن شاء الله وأنا جنبك وجنبك من دلوقتي لو حابب ترجع ونحط خطط جديدة للشغل وتقف تاني من جديد أنت فنان جميل وشکل جمیل ومحترم وتستحق كل خير.. فكر يا صاحبي وأنا بعون الله معاك».
تعرض دورية لليونيفيل لإطلاق نار في جنوب لبنان