إبراهيم عبد الجواد: أغلب الشباب عايزين يشتغلوا في العلمين.. المرتبات كويسة

قال الإعلامي إبراهيم عبد الجواد، إنّ أغلب الشباب العاملين في مدينة العلمين الجديدة، يرغبون في الاستقرار بالمدينة طوال العام، ويأملون أن يظل العمل متاحًا بنفس إقبال موسم الصيف على مدار السنة.  

العلمين الجديدة نظيفة 

وأضاف «عبد الجواد»، خلال تقديمه برنامج «صباح العلمين»، المذاع على قناة «الحياة»: «لما سألت كذا شاب عن السبب  قالوا لي بمنتهى الصراحة والوضوح إن العلمين الجديدة نضيفة وحلوة ومفيهاش ضغط وزحمة، والمرتبات هنا كويسة، كما أن أماكن الإقامة الخاصة بهم متوفرة ونظيفة وجيدة، بالتالي هما بيشعروا أنهم بتوفر ليهم بعض الإمكانيات والمعطيات في العلمين، مش بالسهولة يحصل عليها برة».

مهرجان العلمين

وتابع: «الشباب يتمنى إن اللي بيشفوه في مهرجان العلمين وإجازة الصيف يفضل مكمل، وده توجه القيادة السياسية في الدولة، أن العلمين بكل المظاهر اللي بنحاول نرصدها للمشاهدين، تفضل مستمرة على مدار السنة كلها، البيوت المفتوحة والناس اللي شغالة والشباب اللي مبسوط بالشغل، يتمنى أنها تفضل موجودة طوال العام، وده اللي الدولة بتشتغل عليه».

المصدر: الوطن