انفراد| نص تحقيقات النيابة في مقتل شاب على يد صديقه بأوسيم
تاريخ النشر: 11th, August 2024 GMT
تنشر "بوابة الفجر" نص تحقيقات النيابة العامة في القضية رقم 1254 لسنة 2024 إداري مركز أوسيم، بشأن مقتل شاب ويدعى "سيد بريك حسين" 21 عامًا صاحب مغسلة سيارات بالبراجيل، على يد صديقه ويدعى "حسام صابر خليل" 23 عامًا، عامل بذات المغسلة، بعد خنقه بكوفية، بالإضافة إلى كدمات ردية بفروة الرأس، وجرح قطعي بالشفة العليا من الجهة اليسرى للفم، وجرح قطعي أسفل الذقن
وجاءت نص اعترافات المتهم بقتل صديقه في أوسيم، كالتالي:
وقال المتهم، " أني كنت خاطب واحدة اسمها رحاب رشدي من ٣ شهور بداية شهر ۱۲ اللي فات ده عالطول والعلاقة ما بينا كانت كويسه جدا لغايت ما شهر ٢ اللي فات أبتدي لقيت تصرفاتها معايا اتغيرت وطريقتها ما بقتش حلوة خالص وتكدب عليا في حاجات كتير، وساعات أقولها أروح معاكي في أي مكان ترفض مش زي الأول معايا، وابتديت الشغل مع سيد بريك في المغسلة قعدت معاه في فرح واحد صاحبنا من البلد من فترة كبيرة لغايت ما سيد بريك قالي تشتغل معايا في المغسلة، قولتله تمام أنا هشتغل معاك
وتابع المتهم، فعلا ابتديت الشغل وأنا كنت خاطب وكنت بحكيله كل حاجه على انا ورحاب رشدي لما يكون ما بينا مشكلة، لغايت الأسبوع اللي فات لما ابتدا قبل شهر ٣ عالطول لقيت سيد بريك صاحب المغسلة يقولي رحاب خطيبتك رافعه بوست على الفيس بوك بتقول فيه ( تم بحمد لله فشكلة خطوبتي أنا أستغربت جدا من طريقته معايا وقتها، وبعد كده لقيته يوم السبت اللي فات الموافق ٢٠٢٤/٣/٢ واحنا الصبح لسه كنا فاتحين المغسلة علشان نبدأ شغل، لقيته بيقولي (أنا رايح مع رحاب رشدي مشوار علشان هيا اتصلت عليه انا استغربت وقتها من اللي بيقولهولي وبعدين أيه علاقته برحاب بالظبط لغايت ما لقيته رجع على أذان العصر في نفس اليوم، فقولتله عملت أيه مع رحاب بالظبط قالي أنا كنت معاها في كذا مشوار وبعد كده خلصنا المشواير وروحتها البيت وأنا سكت ما ردتيش أرد عليه لغايت ما اليوم خلص وقفلنا المغسلة مع بعض بليل متأخر بعد الساعة 10 العاشرة مساء
وتابع، فقولتله أنا عايزك في موضوع مهم تتكلم فيه، قالي توصل محمد بشير الأول وبعدين تتكلم في اللي انت عايزة، وفعلا، ركبنا المكنه بتاعتي بس سيد بريك هو اللي ساق المكنه، وأنا ركبت من ورا سيد عالطول ومحمد بشير ركب ورايا ووصلنا لبيته في قرية البراجيل بس أنا عارف أسم الشارع بتاعه وبعدها وأحنا راجعين قولتله أنت إزاي بتكلم رحاب رشدي اللي في الأصل خطيبتي من المفروض تستني لغايت ما تنهي الموضوع ده وبعدين تتكلم معاها، رد عليا بالظبط قالي بقولك إيه اللي بينكم وبين بعضيكم أنا مليش دخل فيه واللي أعمله ميخصكش يا حسام رديت عليه وقولتله إزاي يعني مش في بينا عيش وملح، لقيته بيرد عليا ويقولي الملح داب والعيش كلته الكلاب فقولتله ده إزاي ده ياريس، قام شتمني وشتمني بأبويا وأمي، رديت عليه الشتيمة عالطول، قام هو واقف بالمكنه بتاعتي ونزل منها نزلت وراه لقيته بيشتمني ثاني
وأضاف المتهم، قومت قايله أنا أتخنقت منك ومسك فيا من فوق هدومي وأنا مسكت فيه من فوق هدومه وفضلنا ماسكين في بعض لغايت من قوة مسكني ليه وهو برضوا ماسك فيا من هدومي، فوقع على الحجر بوشه وأنا وقعت من فوق منه بس وشي لضهره، قمت عدلته على ضهره لغيت وشه كله جاب دم وبالذات من مناخيره والحجر اللي وقع عليه لقيته برضوا فيه دم وقعدت أزق في الحجر الكبير اللي كان موجود على الأرض اللي سيد وقع عليه بوشه لغايت ما الحجر بقا فوق صدر سید وقومت واخد الشبشب بتاعه وحادفه بعيد في الزراعات الأراضي الزراعية، وبعد كده حطيت ايدي في جيوبه وجدت التليفون بتاعه والفلوس وبطاقته ورخصه بتاعت مكنه كده كانت في جيبه، وبعد کده رکبت المكنه بتاعتي ومشيت عالطول وهو ده كل اللي حصل لغايت ما روحنا نقطة البراجيل وبعد كده مركز شرطة أوسيم.
يذكر أن، حددت جنايات الجيزة، أولى جلسات محاكمة المتهم يوم 18من شهر أغسطس الجاري
المصدر: بوابة الفجر
كلمات دلالية: البراجيل اعترافات جريمة أوسيم تحقيقات النيابة العامة مقتل شاب على يد صديقه مركز أوسيم اللی فات وبعد کده
إقرأ أيضاً:
مسؤولون كبار في مرمى تحقيقات الفرقة الوطنية حول سوق الصالحين بسلا
زنقة 20 ا متابعة
شرعت الفرقة الوطنية للشرطة القضائية في الاستماع لعدد من تجار سوق الصالحين بسلا، في إطار التحقيق في ملف السوق، الذي تسببت الاختلالات الواقعة به في غضبة ملكية خلال افتتاحه.
وفي خضم اتهامات من التجار المحرومين من الاستفادة بوجود “نشاط محموم لبعض السماسرة والوسطاء، بتنسيق مع بعض الأطراف في السلطة المحلية، من أجل تفريخ عدد من المحلات”، بإضافة عشرات المحلات التي تم بيعها لاحقا بأثمنة تراوحت بين 16 و25 مليون سنتيم ، وفق ما أوردته يومية الأخبار.
وكشف عدد من التجار الذين تم الاستماع إليهم،أن “أسئلة الفرقة الوطنية انصبت حول الشكايات التي وجهوها ضد مسؤول في السلطة المحلية تم تنقيله، بالإضافة إلى بعض أعوان السلطة وأمينين للتجار، كانوا يلعبون دور الوساطة”.