كريم فؤاد بعد إصابة الصليبي: "شوية وقت وهنرجع نحارب من تاني"

علق الظهير الأيسر للفريق الأول لكرة القدم بالنادي الأهلي كريم فؤاد، على الإصابة التي تعرض لها بقطع في الرباط الصليبي للركبة.

متحدث الزمالك:فتوح لم يصدر قرار بحبسه حتى الآن

وكان الأهلي قد كشف في بيان رسمي عن إصابة اللاعب بقطع في الرباط الصليبي للركبة، مما يجعله يحتاج لتدخل جراحي ومن ثم تأهيل خلال الفترة المقبلة، حيث سيغيب لفترة ليست بالقصيرة عن المارد الأحمر.

تعليق كريم فؤاد على إصابته بالرباط الصليبي

كتب كريم فؤاد عبر حسابه الشخصي عبر موقع التواصل الاجتماعي "فيس بوك"، فقال: "كل خسارة دُونَ الجنة، فهي دُون اللهم لك الحمد كما ينبغي لجلال وجهك وعظيم سلطانك، الدنيا دار ابتلاء وشقاء ودايمًا الإبتلاء بيجي للشخص في الحاجة اللي هو بيحبها ونِفسه فيها وطموحه وسعادته فيها".

وتابع: "دا بيكون إختبار ليك هتعمل إيه في الموقف دا، وان الإختبار والبلاء دا بيكون ليه أجر كبير ورفع درجات في الجنة وتكفير ذنوب وحاجات كتير عظيمة أوي مقابل إني اصبر على الابتلاء دا".

وأكمل: "انا كان مكتوبلي إصابة في الرباط الصليبي للمرة التانية، بس عندي إحساس تاني خالص مع الإختبار دا، إنه انا في نعمة كبيرة أوي وإن الحمد لله ربنا رزقني باختبار سهل وهين أوي مقابل ابتلاءات ناس تانية أصعب من دا بكتير، وكمان اختبار مش جديد عليا بَعيده للمرة التانية في وقت قصير فهعرف أتعامل معاه بشكل كويس ويمكن أحسن".

وأردف: "عشان كدا بحمد ربنا إن الابتلاء اللي هاخد عليه أجر كبير وعظيم مش بالصعوبة القاسية اللي توجعني وتهدّني".

وأكمل: "أنا بحمد ربنا وراضي ومؤمن جداً، إن ربنا بيحبنا نقرب منه بالعبادات اللي منها الصبر والدعاء الحمد لله مستعد للاختبار ومتحمس".

وأختتم فؤاد رسالته: "شوية وقت وهنرجع نحارب من تاني أشوفكم على خير قريب".

المصدر: بوابة الوفد