محمد علي رزق: غادة عبد الرازق عيطت على كتفي فى مشهد "صيد العقارب"
تاريخ النشر: 9th, August 2024 GMT
حرص الفنان محمد علي رزق على كشف كواليس تعاونه مع النجمة غادة عبد الرازق فى مسلسل "صيد العقارب" فى المسلسل الذي جمعهما فى ماراثون رمضان وحقق نجاحًا كبيرًا.
وقال محمد علي رزق: "غادة عبد الرازق جميلة جدًا، أنا كنت داخل أول يوم تصوير وأنا سامع كمية إشاعات إني هقابل ريتشارد قلب الأسد، أول مشهد بيني وبينها تاني يوم تصوير ليها، مشهد أنا بعيط أن مراتي وابني مشيوا وسابوني".
وأضاف: "شخصية مصطفى كانت بتاخد مني تركيز كبير قبل التصوير، كنت قاعد ومركز جدا في مود المشهد أستاذة غادة دخلت ودا كان أول لقاء قعدت جنبي وسألتني إن كنت مبسوط في التصوير عشان أول يوم تصوير كان عندي مشاهد مهمة، وقلت لها إني عملت شغل حلو بشهادة الناس لكن أنا مش بحب اتفرج على نفسي".
غادة عبد الرازق ومحمد علي رزقوتابع: "لقتني سرحان في المشهد وعمال أسبح وبدأت دموعي تنزل، راحت هي نايمة على كتفي وكل دا قبل التصوير ولقيتها بتعيط على كتفي، كانت بتساعدني عشان أدخل في المود، لدرجة أن حد على صوته طلبت منه يوطي صوته عشان أعرف أركز، وبعد ما خلصنا رحت ليها وشكرتها وكنت مبسوط بالشغل معاها".
قصة المسلسلتدور أحداثه في إطار اجتماعي مليء بالتشويق والإثارة من خلال وقوع حرب شديدة ومثيرة بين عائلتين من الصعيد، وتتحول الصداقة بين الجميع إلى عداوة قاتلة.
غادة عبد الرازق ومحمد علي رزق أبطال المسلسلمسلسل "صيد العقارب" بطولة غادة عبد الرازق، رياض الخولي، سيمون، محمد علاء، أحمد ماهر، مجدى بدر، سامية عاطف، ميار الغيطي، عماد صفوت، أحمد ماجد، أحمد جمال سعيد، منال سلامة والمسلسل من تأليف باهر دويدار، وإخراج أحمد حسن.
المصدر: بوابة الوفد
كلمات دلالية: محمد علي رزق الفنان محمد على رزق زوجة الفنان محمد علي رزق دور محمد علي رزق صاحبة السعادة محمد إمام محمد على محمد رمضان غادة عبد الرازق محمد علی رزق
إقرأ أيضاً:
بالأحمر.. زوجة مجدى الهوارى تخطف الأنظار خلال زفاف ثراء جبيل
احتفلت الفنانة ثراء جبيل بزفافها على الفنان مختار الديناري.
أقيم حفل الزفاف على شاطئ البحر بحضور الأصدقاء ومنهم المخرج مجدي الهواري وزوجته دنيا عبد المعبود.
وشاركت زوجة المخرج مجدى الهوارى الحضور واطلت بفستان احمركشف عن قوامها الممشوق .
وظهرت ثراء جبيل في فيديو وهي تقول وعود الزواج لمختار الديناري وقالت: "مختار، عايزة أقولك إني بعيش أجمل أيام حياتي وعرفت معنى الحب، وعرفت أن أجمل حاجة في الدنيا أن يبقى معاك حد أنتيمك وصاحبك وفي ضهرك وزوج حنين وبني آدم جميل وطموح ودايما مع بعض يارب ناجحين ودايما في أعلى نقطة في العالم".
فيما قال مختار الديناري: "شكرا أنكم جيتوا النهاردة لينا دا حدث جميل بصراحة أنا عمري ما تخيلت إني هتجوز بس الجميل أنك لما تلاقي حد قلبه على قلبك وفي ضهرك وبيكمل حاجات فعلا مش موجودة عندك، مش زيك مختلف عنك لكن أنتوا الاتنين بتكملوا صورة حلوة، أنا بحب ثراء جدا عشان معاها لقيت حاجة حلوة بمعنى أنك عندك طاقة تصحى كل يوم الصبح تعمل حاجات ممكن تكون بتحبها وممكن تكون مش بتحبها معندكش مشكلة تتكيف مع أي ظروف تتحط فيها بس عشان خاطر أن في حد بيشوفك بعيون حلوة وتفضل محافظ عليه، والأجمل من أي حاجة مع ثراء لقيت عيلتي ودا أجمل من أنك بتحب شخص بس، عرفت معنى العيلة والانتماء وأن يبقى عندك أهل بتحب تشتغل وتعمل حاجات كتيرة عشان يشوفوك بعين حلوة".
وكانت ثراء جبيل احتفلت بعقد قرانها في ديسمبر الماضي في الولايات المتحدة الأمريكية.
جهود الدولة لدعم ذوي الإعاقة.. غطاء قانوني ودستوري