زوج يدعم زوجته بكلمات مؤثرة في رحلة علاجها من السرطان.. يوم حزين في بيتي

نهش السرطان جسدها ووقفت عاجزة أمام المرض اللعين ضعيفة للغاية، لتستند على زوجها طول الوقت لدعمها، رسالة مؤثرة تصدرت منصات التواصل الاجتماعي للزوج عمر أشرف وهو يدعم زوجته يسر بكلمات لامست القلوب، وتعاطف الجميع معها «مفيش حاجة في إيدينا إلا الدعاء».

رسالة مؤثرة من زوج تتصدر التريند 

باتت رسالة «عمر» عبر حسابه الشخصي على منصة التواصل الاجتماعي فيسبوك حديث الجميع، خاصة بعد تداولها بشكل كبير الساعات الماضية فكتب فيها قائلا: «النهاردة يوم حزين جدا على بيتي، مراتي وحبيبتي وصاحبتي، وأكتر شخص مُحارب أنا قابلته في حياتي، اللي كانت بتحارب وبتقاوم في سرطان الرئة من السنة اللي فاتت، وفعلا لحد فترة قريبة جدا، كانت بتتحسن والورم حجمه بيصغر».

واستكمل عمر:« لكن مش هنقول إلا لن يصيبنا إلا ما كتب الله لنا، النهاردة اكتشفنا أن المرض مش بس رجع يكبر في الرئة تاني، ده انتشر في عضمها وفي الغدد والله أعلم بالمخ، بكتب البوست دا عشان هي داخلة عمليات بكرة ومحتاجة الدعاء جدا، عشان مفيش حاجة بإدينا فعلا إلا الدعاء».

تفاعل جمهور السوشيال ميديا مع البوست 

حصد «البوست» بمجرد نشره على مئات من الإعجابات والدعوات، التي لم تكف ألسنتهم عن ترديدها فكتب أحدهم :«يا الله ربنا يشفيها ويعافيها وتقوم بألف سلامة وميحرمكوش منها أبدا وتكون محنة واختبار ويعدي بأمره وفضله وكرمه الواسع»، بينما علق آخر:« لاحول ولاقوة إلا بالله ربنا يشفيها يارب»، وكتب الأخير:«ربنا يشفيها ويقومها بالسلامة وتعدي على خير، ده اختبار وان شاء الله ربنا هيجبركم ويشفيها ويخليها لكم وربنا يبعد عنكم أي شر يارب».

المصدر: الوطن