نهى عابدين: "الطلاق ممكن يكون صحي.. ومش حاسة أن خطواتي الفنية اتأخرت"
تاريخ النشر: 9th, August 2024 GMT
كشفت الفنانة نهى عابدين خلال تصريحات إذاعية عن كواليس مسلسل العتاولة وعن حياتها الشخصية، وغيرها من الأمور.
وقالت:" مش حاسة أن خطواتي الفنية إتأخرت، ومخوفتش من دوري في مسلسل العتاولة، ولكن طبعًا مفيش حد بيسلم من الانتقادات على السوشيال ميديا".
وأضافت:"أنا ممثلة ومؤمنة باللي بقدمه وبالتالي مبلتفتش للانتقادات، للأسف الناس بقت تربط بين الممثل والشخصية اللي بيقدمها على الشاشة والموضوع ده غريب بصراحة".
وتابعت:" العتاولة كان رائعا وحقق نجاحا كبيرا، وسعدت جدًا بتجربتي مع الفنان طارق لطفي ده تاني تعاون بينا، والمسلسل كان مليان نجوم وأنا بحب البطولات الجماعية لأنها بتدي ثقل للعمل ومبتركزش على شخص واحد".
نهى عابدين تكشف عن مشاركتها بالجزء الثاني من مسلسل العتاولةوأشارت: أنا موجودة في الجزء الثاني من العتاولة، وهو لسه في مرحلة الكتابة وربنا يوفقنا في أي خطوة جاية على مستوى العمل".
نهى عابدين: الطلاق ممكن يكون صحيوواصلت:" أسعد لحظة في حياتي يوم ما خلفت ابني أيمن، هو واخد مني حاجات كتير، وساعات بنتصادم وبعدين برجع أقول أنه صح، هو عنده عزة نفس ومبيسمحش لحد يكلمه بطريقة مش حلوة".
واختتمت: "الطلاق صعب، ومش مسألة اتغيرت بعد الطلاق ولكن اللي بيفرق العشرة والعيلة اللي بنتيها، بس في الآخر الجواز والطلاق نصيب، وساعات الطلاق بيكون صحي لمصلحة الطرفين، ومش لازم يكون فيه حد وحش ممكن نكون اتنين اختلفنا ومش متلاقيين في حاجة، نتمنى لبعض الخير ونتعامل مع بعض كويس وخلاص".
المصدر: بوابة الفجر
كلمات دلالية: آخر أعمال نهى عابدين الفجر الفني نهى عابدين
إقرأ أيضاً:
طارق الشناوى: الإيحاءات فى مسلسل العتاولة 2 مقبولة رغم المشاكل الدرامية
علق الناقد الفنى طارق الشناوى على مسلسل العتاولة 2 بطول أحمد السقا وباسم سمرة وطارق لطفى وعدد من كبار النجوم.
وأوضح الشناوى خلال حواره مع برنامج “سابع سما” المذاع عبر قناة “النهار”، أنه يرى أن الإيحاءات الموجودة فى المسلسل مقبولة ولم تتجاوز حدود المنطق الفنى، معقبا:" اللغة تحتمل الكثير من المعانى".
وأكد الناقد الفنى، أن مسلسل العتاولة 2 يعانى من مشكلة فى البناء الدرامى، فهو مكتوب بطريقة “اسكتشات” وكل ممثل يؤدى اسكتش خاص به ويحاول جذب الجمهور.