1- متوزعة بين الجهات الأربعة
أخبار متعلقة
قصيدتان لــ أسامة الغزولى
قصيدتان لـ منال رضوان «شعر»
قصيدتان لـــ أسامة الغزولى
متوزعة
بين الجهات الأربعة
ومفيش علامة عالطريق
معرفش إيه بيودى فين؟
البوصلة ضايعة
والغيوم
حاجبة السما
حاسة بضيق
يا رب أنا حاسة بضيق
محتاجة منك معجزة
تنزل على قلبى بسلام
توهب لى مفاتيح الكلام
مثلا تجينى فى المنام
منك إشارة
أو مرة تبعت لى بشارة
تجمع شتات روحى
اللى ياما اتوزعت
علشان تعود لى باليقين
فتعود بكومة أسئلة
أطلق طيورى الأربعة
وبكل لهفة أنتظر
يأتونى سعيا
ما يجينى رد
إلا صدى صوتى الحزين
جربت ليك كل السكك
واللى وصل لك ما هلك
وأنا خايفة أكون م الهالكين
أنا باستعيذ بمحبتك
من حجيم المنتصف
ومن غيامة الاحتمال
وكتير باشوف الكون سؤال
كل ما أحاول أفسره
بيزيد غموض
أرجع وشايلة فى جعبتى
نفس الردود
نفس المتاهة المظلمة
نفس الإجابات البليدة المبهمة
أرجع وشايلة فى قلبى قيد
كل أما أحاول أكسره
ألقاه حديد
وأنا يادوب كائن ضعيف
بيمر عالأيام بسرعة
كأنه طيف
الوقت زاحف ناحيته
عقرب مخيف
كائن ضعيف
يوم ما اتولد
وشموا على جلده الطرى
تابوهات كتير
دقوا له فى الهون النحاس
اسمع كلام أمك وأبوك
فتحوا له باب
وحذوره من أى باب مقفول
فجأة لقى روحه فى نفق
وآخر النفق فيه غول
كائن جهول
راضع مع الخوف الفضول
كل أما يمشى فى رحلته
تكبر وتتقل جعبته
ومفيش رجوع
ومفيش مفر
من الوصول
2- صورة سيلفى
خففى التجاعيد شويه
كترى ضى الفلاتر
زودى اللمعة فى عيونك
خلى بالك
من رنين الضحكة
وإنتى بتضحكيها
زودى الإيكو شوية
واكتبى دايما قصايد
فيها إحساس التفاؤل
خلى سيرة الحب حاضرة
حتى لو طول عمره غايب
حطى باقة ورد حمرا
صبحى على أصدقائك
خلى كل اللى يشوفك
يفتكر إنك سعيدة
صدقى كل الكلام
اللى فى العادى يقولوه
إيه الجمال دا
إنتى هايلة
إنتى روعة
واللى يبعت لك
على الخاص أشكريه
وابعتى له قلوب كتير
القلوب الحمرا دى
اللى بتطير فى الهوا
جمعيها فى كف إيديك
سمعيها نبض قلبك
واطلقيها فى شاشة زرقا
كل ما فيها افتراضى
عيدى نفس الحالة عادى
كل ليلة
وكل يوم / عيشى فيها
أى كدبة فى الوجود
بذرة صالحة تكون حقيقة
المهم تصدقيها
ثقافة سور الأزبكية قصيدتان متوزعة بين الجهات الأربعة صورة سيلفى.المصدر: المصري اليوم
كلمات دلالية: زي النهاردة شكاوى المواطنين ثقافة قصيدتان زي النهاردة
إقرأ أيضاً:
بعد أزمة كلبة خالد الصاوي.. مظهر شاهين لمنتقديه: «هاتولي فتوى بتقول حرام» |فيديو
أثار الشيخ مظهر شاهين، عضو المجلس الأعلى للشؤون الإسلامية، جدلاً واسعًا بعدما قام بمواساة الفنان خالد الصاوي في وفاة كلبته، وقد واجه الشيخ انتقادات لاذعة من قبل بعض الأطراف، مما دفعه للرد بقوة على منتقديه.
قالمظهر شاهين، خلال مداخلة هاتفية مع الإعلامية نهال طايل، ببرنامج «تفاصيل»، المُذاع عبر فضائية «صدى البلد 2»: «لما اتكلمت كان معي الدليل، أن عاوز إلا ينتقدني ينتقد بالدليل ولا يقول كلام كالدخلاء»
وأضاف:«أنا قدمت التعازي وكان معي أدلة أبرزها أن الرسول عليه الصلاة والسلام واسى طفل صغير في وفاة عصفوره»، متابعا: «بقول للداعية اللي هاجمني أنت متعرفش حاجة عن الإنسانية أو الرحمة».
ولفت: «إلى أن الشيخ خالد الجندي عالم جليل يعرف قيمة الرحمة في الإسلام، وأنه أوضح قيمة الرحمة في الإسلام».
وتابع: «أتحدى كل من انتقدني في عزائي لكلبة خالد الصاوي أن يجد لي فتوى تحرم ما فعلت».
وأشار مظهر شاهين: «أتقدم بخالص التعازي للفنان خالد الصاوي في وفاة كلبته، وقلبي اتخلع لما قريت رثاء الفنان خالد الصاوي لكلبته، وعزيته في كلبته من باب الرحمة».
وقال الشيخ مظهر شاهين، في تصريحات سابقة، إن الحزن على الفقدان هو تعبير عن الرحمة التي أودعها الله في قلوب البشر، والإسلام دين الرحمة لكل مخلوق أليف، قائلًا: «قلبي اتخلع من مكانه».
وأضاف أن التعازي في الإسلام تكمن في الذهاب لأي شخص فقد حبيبا له أو وقع عليه أي ابتلاء في حياته، موضحا أن الهدف من التعزية المواساة ورفع الحالة المعنوية للشخص في ابتلائه، مردفًا أننا نعزي الأحياء وليس الأموات.
واستشهد مظهر شاهين بقول الله تعالى: «قَالَ عَذَابِي أُصِيبُ بِهِ مَنْ أَشَاءُ وَرَحْمَتِي وَسِعَتْ كُلَّ شَيْءٍ»، كما أن النبي محمد صلى الله عليه وسلم جاء بالرحمة للبشرية جمعاء، معقبًا: «الإنسان الذي لا يحمل الرحمة في قلبه لا يحمل إسلاما في قلبه».
اقرأ أيضاًمفتي الجمهورية ينعي الشيخ جابر مبارك الصباح رئيس وزراء الكويت الأسبق
وزير الأوقاف يعزي أمير الكويت في وفاة الشيخ جابر مبارك الصباح رئيس الوزراء الأسبق
الشباب والرياضة تواصل تنفيذ مهرجان ليالي مراكز الشباب ويصل للدقهلية