«المصرى كيدز».. مرجان سليط اللسان
تاريخ النشر: 9th, August 2023 GMT
أدهم ولد نشيط ومنجز شاطر وذكى بيحب الكورة ولعب الكورة، وكمان بيحب يرسم ويلون وعنده كتير مميزات دايما على طول يحب يخلص كل حاجة وراه، ويوم تمرين الكوره تلاقيه جاهز فى المعاد ومتحمس جدا انه يروح التمرين بدرى كمان، بس دايما وهما بيلعبوا فى التمرين بتحصل حاجه مش تمام، أدهم يتعصب جدا جدا على صحابه وممكن يغلط فيهم ويقول الفاظ مش تماما ودا بيخلى اصحابه تزعل وميحبوش يلعبوا معاه، الكابتن كلمه كتير وقاله يا أدهم انت ولد شاطر لازم كمان لسانك يكون نظيف ومينفعش نغلط أو نشتم حد من أصحابنا ونقول كلام مش لذيذ.
أخبار متعلقة
«المصري كيدز».. حدوتة.. (البطل إسماعيل)
«المصري كيدز».. «يفرغ المشاعر ويقوى الذاكرة» فوائد الرسم للأطفال
«المصري كيدز».. مميزات وعيوب التعليم المنزلى
مرجان ولد زيك تمام كان كل ما يتعصب أو يغضب يغلط أو يشتم فى حد، لسانه بقى يطول شويه ولانه اتعود انه يقول كلام مش تمام لسانه فضل يطول يطول لحد ما بقى خارج برا بقه والناس كلها بعد ما كانت بتخاف منه بقت تتريق عليه ويقولوا مفهوش غير لسان، تحب الناس تقول عليك زى مرجان؟، قالها لا طبعا مش هيحصل كدا فيا أصلا دى حدوته أى كلام.
ونام أدهم وحلم انه كل ما يتخانق مع اخته أو أى حد من صحابه لسانه يطول شويه وفضل يطول يطول لحد ما بقى لسانه طويييل قوى وسابقه فى أى مكان، وكل ما يحاول يدخله جوه بقه ميعرفش. وفجأة صحى من النوم مفزوع جدا وجرى على المرايا يطمن على لسانه وبقى خايف جدا يحصل فيه زى الحلم، وقال الحل إنى مش هشوف صحابى ولا اروح التمرين ولا أى مكان ومش هكلم اختى فى البيت، وفضل كدا يوم واتنين وكان زهقان ومن الزهق والملل نام تانى، حلم نفس الحلم تانى كل ما يقول لفظ مش تمام لسانه يطول شويه، بس لاحظ كمان انه لما شكر مامته على الاكل وقالها تسلم ايدك لسانه صغر شويه كتير وعرف ولاحظ انه كل ما يقول كلمه حلوه لحد لسانه يرجع يصغر تانى، فقرر انه هيقول كلام حلو لكل الناس وبقى لسانه طبيعى ولما صحى من النوم حضن مامته وشكرها انها حضرت ليه الفطار وباس أخته وطلب منها إنها تلعب معاه وكانت فرحانه جدا ومبسوطه، وبقى أدهم اجمل وألطف ولد بيقول كلام حلو وكل الناس بتحبه كمان.
هو و هي المصرى كيدزالمصدر: المصري اليوم
كلمات دلالية: زي النهاردة شكاوى المواطنين هو و هي المصرى كيدز زي النهاردة
إقرأ أيضاً:
طريقة عمل جيلي المانجا اللذيذة للإنتعاش في الصيف
يعتبر جيلي المانجا من الحلويات اليابانية التقليدية التي تتميز بمذاقها اللذيذ وملمسها الناعم والمميز، وتعتمد هذه الوصفة على استخدام عصير المانجا الطازج لإضفاء نكهة فاكهية غنية، مما يجعلها خيارًا مناسبًا خلال فصل الصيف لانتعاشها وبرودتها المميزة.
المكونات:
- 2 كوب عصير مانجا طازج
- 1/2 كوب سكر
- 3 ملاعق كبيرة من مسحوق الجيلاتين
- 1/2 كوب ماء بارد
الخطوات:
1. في قدر على نار متوسطة، اخلطي عصير المانجا والسكر حتى يذوب السكر تمامًا مع التحريك المستمر. ثم ارفعي القدر عن النار.
2. في وعاء صغير، ضعي مسحوق الجيلاتين واخلطيه مع الماء البارد حتى يصبح المزيج سميكًا.
3. أضيفي مزيج الجيلاتين إلى عصير المانجا المذاب في القدر واخلطي جيدًا حتى يذوب الجيلاتين تمامًا ويمتزج بالكامل مع العصير.
4. اسكبي الخليط في قوالب الجيلي الصغيرة أو في وعاء كبير واتركيه يبرد إلى أن يتماسك.
5. ضعي الجيلي في الثلاجة لمدة 4-6 ساعات على الأقل حتى يجمد تمامًا ويتماسك.
6. بعد أن يجمد الجيلي، قدميه مبردًا ومزينًا بشرائح من المانجا أو فواكه طازجة حسب الرغبة.
تتميز حلوى الجيلي بالمانجا بمذاقها الشهي وسهولة تحضيرها، مما يجعلها خيارًا رائعًا للأوقات الصيفية أو كوجبة خفيفة منعشة في أي وقت من السنة.. استمتع بتحضيرها واستمتع بمشاركتها مع الأصدقاء والعائلة.