خاص

رد المطرب المصري، حسام حبيب، على اتهامات زوجته السابقة الفنانة شيرين عبد الوهاب له بسرقتها.

وقال حبيب لـ” ET بالعربي”: “الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت واستحملت إهانات بقالي سنين على حاجات ما حصلتش، وعمري ما اشتكيت ولا اتكلمت ولا دافعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ما حصلت بالضبط”.

وأضاف “أنا عمري ما طلعت أسرار حد بره ولا عمري ما كنت هعمل كده، بس خلاص أنا اضطريت لكده، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز ابعد عنها ومش عارف، أتصرف ازاي واستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل إيه”.

ومضى حبيب قائلًا: “أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله، هو في حد يكون ضارب حد وفاتح له دماغله، ويعتذر له عادي، وقبلها كنت حالق شعرها وتعتذر لي عادي، ويرجعله تاني، هو في حاجة اسمها كدا”.

وأشار إلى أن شيرين “بتقول عشان بهددها! بهددها بإيه دا اللي هي قالته للناس أقوى من أي تهديد، أي اللي عندي أهدده به، وأقول ربنا كبير لحد ما اظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكالمة لميس الحديدي وطلعت قالت شتائم وحاجات في حقي، كفاية كفاية يا ناس”.

وتساءل قائلًا: “أنا عايز اعرف ازاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من اني أعلق عليه، كل شوية أنا صرفت وعملت، وأنا بستنجد بكل الناس ارحموني منها”.

وتابع حبيب “دا ذنب أنا عملته في حياتي أنا مش عارف إيه دا، ولسه هطلع أتكلم كمان بكل التفاصيل، ومش بقول كده عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالى”.

المصدر: صحيفة صدى

كلمات دلالية: حسام حبيب سرقة أنا مش

إقرأ أيضاً:

الحياة مش كلها ستات.. أول تعليق من والد حسام حبيب على حقيقة زواج نجله

كشف والد الفنان حسام حبيب ، حقيقة زواج نجله بعد أن تداولت أخبار خلال الساعات الماضية ، بأنه يعيش قصة حب جديدة وسيعلن ارتباطه قريبا.

وقال والد حسام، فى تصريح خاص لموقع “صدي البلد” ، أنه لا يعلم حقيقة الأمر لأنه لم يتواصل مع نجله حسام حبيب ، بشكل مستمر بسبب الخلافات التى حدثت بينه وبين الفنانة شيرين عبد الوهاب.

وعلق والد حسام حبيب ، على احتمالية حدوث الأمر، معلقا: “معنديش فكرة عن الموضوع بس أكيد هكلمه واعرف منه وأكيد لو صح هحضر ، بس المفروض ان٣ه دلوقتي يركز فى شغله أكتر ويرجع حسام حبيب بتاع زمان، لأنه موهوب ولسه معملش حاجة والحياة مش ستات”.

وعن إمكانية عودته للفنانة شيرين عبد الوهاب مجددا، قال والد حسام حبيب إن هذا الأمر يستحيل حدوثه لأن العلاقة بينهما لم تكن تشهد أى استقرار بسبب طبيعتهما الهوائية غير الثابتة.

واستكمل والد حسام حبيب ، معلقا: “شيرين عبد الوهاب بدأت تركز تاني فى الغنا وأنا بحبها جدا وهى عارفة دا وربنا يوفقها”.

حسام حبيب يعلن عن طرح أحدث أغانيه

وأعلن حسام حبيب خلال الأيام الماضية طرح عدد من أغانى ألبومه الجديد فى الصيف المقبل، حيث انتهى من تسجيل عدد كبير من أغانى الألبوم. 

حسام حبيب يهاجم شيرين عبد الوهاب 

وكت حسام حبيب، منشورين عبر ستوري حسابه الرسمي بتطبيق “إنستجرام”، كشف من خلالهما تعرضه لهجوم من جمهور طليقته الفنانة شيرين عبد الوهاب، وتطرق للحديث عن ممرض لم يكشف قصته كاملة.

وكتب حسام حبيب، عبر ستوري “إنستجرام”: «الحمد لله أنا بشكر ربنا سبحانه وتعالى على كرمه وفضله إن الناس اللى أنا بجد بشكرهم وبقولهم شكرا لأنكم سمعتوني من غير هجوم ورعب وأذی وتهدید، وإنكم حررتوني من تهديد صفحاتها والألتراس بتاعها اللي فضلو مصممين عليه.. وأنا لسه ها عرفكم على الناس اللى شغالين وعايشين معاها أصلهم إيه وفصلهم إيه وهما مين وعملوا إيه وضروني إزاي وقد إيه هما فاكريني مش هاوصل لحقيقتهم.. أقسم بالله العظيم لاخليهم آية وعبرة لمن يعتبر.. وبقولهم انتم خايفين ليه وبتفكروا تسافروا ليه؟ فاكرين هتهربوا من المواجهة.. وبقولهم تاني لو رحتوا فين ده إذا عرفوا يسافروا.. وبقولهم اللي انتم مخبيينه عليها والضرر اللى اتسببته فيه ليا وليها تاني هخليهم عبرة». 

وأضاف حسام حبيب، في منشور آخر: «وللناس اللي بتسأل ليه راجع تفتح الموضوع بعد ما اتقفل.. الحقيقة مش أنا اللي عملت كده اللي عمل كده هما صفحات جمهورها اللي من برومو حلقة رامز.. وبعدها ما وقفوش سب وقذف وإهانة.. وحذرتهم.. الصفحات دي بيتم إدارتها وتمويلها من أفراد شغالين وعايشين معاها.. وأعتقد بدون علمها.. ولكن هي المسئولة عنهم.. وهاحطلكم في الاستوري اللي بعدها مثال لصفحة الأدمن بتاعها ممرض من بلقاس اسمه إبراهيم اللى بيتم تمويله وتحريضه من الثنائي اللي هاكشفلكم حقيقتهم وإن شاء الله هيتم محاسبتهم ومحاسبة ممرض بلقاس.

مقالات مشابهة

  • حسام حبيب يعلن ارتباطه بفتاة من خارج الوسط الفني
  • حسام حبيب يرتبط بفتاة من خارج الوسط الفني والخطوبة خلال أيام
  • حسام حبيب يعيش قصة حب جديدة.. فتاة من جنسية غير مصرية
  • عروس من خارج الوسط.. حسام حبيب يرتبط وخطوبة خلال أيام
  • حسام حبيب يفجّر مفاجأة عن مروره بقصة حب جديدة
  • مش مصرية.. حسام حبيب يعلن ارتباطه رسميا
  • الحياة مش كلها ستات.. أول تعليق من والد حسام حبيب على حقيقة زواج نجله
  • حسام حبيب يقرر طرح أغانٍ من ألبومه فى الصيف
  • هاجر الشرنوبي تكشف الوجه الآخر لبدايتها الفنية: بعت آيس كريم عشان مصاريف ابني
  • حسام حبيب يستعد لإعلان خطوبته قريبا