حسام حبيب عن تصريحات شيرين: هاخد حقي بالقانون وأنا مش عايز أرجعلها
تاريخ النشر: 7th, August 2024 GMT
تحدث الفنان حسام حبيب عن عودته لشيرين عبد الوهاب قائلا: “خلاص أنا أضطريت لكدا، الحياة مش بالعافية أنا مش عايز أرجعلها، وأنا اللى بستنجد بالناس وبقولهم نجمتكم الكبيرة اللى بتحبوها من سنين كتيرة، عايز أبعد عنها ومش عارف، أتصرف إزاي وأستنجد بمين، وأنا بدعي ربنا قدامكم أهو يارب عايز أبعد عنها يارب ومش عارف أعمل أية، أنا تعبت بجد وسنين من الظلم والأهانة وبسكت ومبردش، وكل الكلام اللي كانت بتقوله غلط كله”.
وأضاف: "هو في حد يكون ضارب حد وفتحله دماغله، ويعتذرله عادي، وقبلها كنت حالق شعرها وتعتذرلي عادي، ويرجعله تاني، هو حاجة اسمها كدا، بتقول عشان بهددها!! بهددها بإية دا اللي هي قالته للناس أقوي من أي تهديد، اي اللي عندي أهددها به، وأقول ربنا كبير لحد ما أظبط ورقي وأكلم المحامين بتوعي عشان أعرف أخد حقي ومش هتنازل المرة دي خالص، وهاخد حقي بالقانون لأني عملت حساب للعشرة أكتر من مرة، وكل مرة بيطلع أكتر من اللى قبله، أيام مكلمة لميس الحديدي وطلعت قالت شتائم وحاجاة في حقي، كفاية كفاية ناس".
وحرص الفنان حسام حبيب على التعليق بشأن اتهامات شيرين عبد الوهاب له بسرقتها، والتربح من أعمالها وحفلاتها ومحاولة الإيقاع بينها بين ابنتها.
وتحدث الفنان حسام حبيب عن سرقته خزنة شيرين عبد الوهاب، قائلا:"أنا عايز أعرف إزاي سرقتها، هل دخلت وأنا لابس طاقية الإخفاء، ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرقت وعملت، وأنا بسنتجد بكل الناس أرحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالي"
وأكد حسام حبيب قائلًا: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
تصريحات شيرين عن حسام حبيبوقالت شيرين عبد الوهاب إن حسام حبيب يمارس الابتزاز ضدها، ويستخدم ابنتها كأداة لتهديدها بحسب وصف التصريحات، ولذلك تستغيث بالجمهور وبالدولة المصرية لمساعدتها.
ووصفت شيرين عبد الوهاب حياتها مع حسام حبيب على أنها قصة معاناة استمرت على مدار أكثر من 6 سنوات، تدمرت معها نفسيا بفعل متعمد منه.
واتهمت شيرين عبد الوهاب حسام حبيب في تصريحات أخرى، بسرقة أموالها وسيارتها وساعتين، والذهب الخاص بها، وحولت له مبلغ 200 ألف دولار من حسابها البنكي للتخلص من ابتزازه.
وكان تصدر المطرب حسام حبيب التريند على جوجل وإكس ومواقع التواصل الاجتماعي، وذلك بعد خناقته مع طليقته النجمة شيرين عبد الوهاب وتقديمها بلاغ ضده، تتهمه من خلاله بالتعدى عليها بالضرب في فيلتها بالتجمع الخامس.
وعلق حسام حبيب على البلاغ الذي قدمته شيرين عبد الوهاب قائلًا: «التحقيقات مازالت مستمرة وفي شهود وخلال الساعات المقبلة سوف يظهر كل شئ، والله العظيم أنا ممدتش ايدي عليها هي اللي معورة نفسها بطفاية ضربتها في دماغها ومعورة رجليها بمقص».
المصدر: بوابة الوفد
كلمات دلالية: حسام حبيب حسام حبيب حسام حبيب وشيرين حسام حبيب فيديو حسام حبيب وشيرين عبد الوهاب شيرين عبد الوهاب وحسام حبيب حسام حبيب ع المسرح شيرين وحسام حبيب حسام حبيب لسه حسام حبيب كدابة أغاني حسام حبيب المطرب حسام حبيب شیرین عبد الوهاب حسام حبیب مش عارف أنا مش
إقرأ أيضاً:
بهاء الدين محمد يحتفل بزفاف ابنه بحضور أنوشكا
احتفل الشاعر الغنائى بهاء الدين محمد بزفاف ابنه وسط حضور عدد كبير من داخل الوسط الفني، وذلك داخل إحدى القاعات فى القاهرة.
وحرص على حضور حفل زفاف ابن بهاء الدين محمد كل من أنوشكا ومحسن جابر وخالد تاج الدين والإعلامى ممدوح موسى.
علم موقع صدى البلد الإخباري، تفاصيل الزيارة التي جمعت بين الفنانة شيرين عبد الوهاب والشاعر الكبير بهاء الدين محمد، مؤخرا.
وحرص بهاء الدين محمد، على زيارة شيرين عبد الوهاب، في بيتها للاطمئنان على حالتها، وجمعتهما جلسة عمل وتم الاستقرار على عدة أغنيات ستكون ضمن ألبومها المقبل.
وكشفت المصادر أن شيرين عبد الوهاب، تعكف حاليا على التحضير لأغاني ألبومها الجديد، على أن تقوم بالتسجيل في خلال الفترة القليلة المقبلة.
وكشف الشاعر بهاء الدين محمد تفاصيل زيارته للفنانة شيرين عبد الوهاب والتى كانت تعاني خلال الفترة الماضية من أزمات متعددة مع حسام حبيب وشقيقها محمد عبد الوهاب.
وكتب بهاء الدين محمد على صفحته الشخصية بموقع التواصل الاجتماعي فيس بوك: أنا كنت مع الفنانة الإنسانة جدا شيرين عبدالوهاب وبأطمنكم عليها هى فى أجمل حالاتها مع العائلة وبتنهى آخر لمسات لأغانى ومفاجآت من قلبها وبصوتها الغالى وإحساسها العالى.
تخرج في كلية الفنون الجميلة قسم جرافيك، و تعاون الشاعر بهاء الدين محمد مع كبار المطربين والمطربات المصريين والعرب من أبرزهم: سميرة سعيد، عمرو دياب، أنغام، ايهاب توفيق، محمد فؤاد، محمد منير، شيرين، تامر حسني.
ستار ميكر وبهاء الدين محمدشارك كعضو لجنة تحكيم في برنامج المسابقات الشهير (ستار ميكر) والذي كان يُذاع على شاشة التليفزيون المصري في أوائل الألفية الثالثة.