- حضرتك مُصَمِّم؟
- نعم مصَمُّم.
- أنا والله مش عايز الثواب يضيع مني.
- ثوابك أخدته إن شاء الله. وأنا اللي طلبت منك تحكي تفضل.
هكذا بدأت حواري مع النقيب شرطة "محمود عيسى" بعد أن عَلِمت من صديق كيف كان موقف الضابط الشاب معه في ليلة شتوية شديدة الظُلْمة قاسية البرودة تُنْذِرُ بسقوط الأمطار على طريق محور 30 يونية (القاهرة / بورسعيد).
وبدأ النقيب "محمود" يحكي:
كنت مُخلَّص شُغلي الساعة 10 بالليل ومروَّح وفي طريقي لبيت والدي ببلبيس.. .وبعد الإسماعيلية لَفَتْ نظري على جانب الطريق عربية أجرة راكنة، كانت الساعة بقت 11 تقريباً. طبيعي إني أقف أشوف حد محتاج حاجة خصوصاً أن الطريق لسه جديد ومفيش عليه خدمات والجو برد جداً.. لقيت راجل كبير مع السواق بيحاولوا يغيروا فردة كاوتش، وكنت بالبدلة الميري حاولت معاهم نفُكْ العَجَلَة معرفناش لأن الصواميل لا تستجيب للفك.
لاحظت إن الراجل الكبير "وكان اسمه الحاج عادل" متوتّر جداً. اتكلمت معاه وطمنته، كان معاه زوجة ابنه وأطفالهم علشان مسافرين لابنه وباقي ساعة بالضبط على معادهم في المطار وخايف الطيارة تفوتهم.. كان معايا كومبروسور في عربيتي واستمرينا في محاولات فك الفردة، لكن للأسف معرفناش، اتصلت بزميل لي يبعت عربية شرطة يشوف لنا حد بتاع كاوتش، الوقت كان متأخر ومالقوش حد.المهم طلبت من عربية الشرطة إنهم يقفوا مع السواق ويكملوا محاولاتهم واتصالاتهم بأي حَد بتاع كاوتش يجيبوه.. أَخَدْتْ الحاج عادل وزوجة ابنه والأطفال في عربيتي، كان معاهم شنط كتير وكبيرة فاضطريت آخد طفل على رجلي وأنا سايق.
ويتابع الضابط الإنسان:
الحاج "عادل" كان متوقع إني هاوصله لأقرب مكان ياخد منه أي عربية لقاني عَدِّيت مَدْخَل مدينة "العاشر من رمضان". الوقت الباقي على موعد المطار قليل ومينفعش أسيبه في الطريق كَمُّلت ووصلنا المطار.. انتظر هو في العربية ودخلت أنا وزوجة ابنه والأطفال وشيلت الشُنَط معاهم ودَخَّلتُهم جوه ووصَّيت حد من الزملاء الضُباط يوصلهم بنفسه لحد ما زوجة ابنه تسلُّم الشُنَط وتختم الجوازات وفضلت على اتصال بزميلي لحد ما ركبوا والحمد لله.. رجعت بعربيتي ومعايا الحاج عادل وهو على فكرة راجل محترم جدا، طلب رقم تليفوني بس أنا رفضت علشان يكون عملي لوجه الله لكنه أصر ما ينزلش إلا لو أخد رقمي.. وفعلا منزلش إلا بعد ما إديته رقمي، عزمت عليه يطلع معايا البيت يستريح للصبح مرضيش، ركبته عربية لبلده المنصورة.. وأنا طول الطريق بأدعي ربنا يتقبل عملي خالصاً لوجهه تعالى، واللي أنا عملته ده واجب، وأي حد مكاني كان ممكن يعمل أكتر مني، وأقسم بالله إن ربنا أكرمني بخير كتير بسبب الموقف ده.. آدي الحكاية حضرت.. .
أنا: الله يحميك يا ابني ويبارك في والديك
المصدر: الأسبوع
إقرأ أيضاً:
هل يُستجاب دعاء غير الحاج في يوم عرفة؟.. أمين الفتوى يكشف
أكد الدكتور محمود شلبي، أمين الفتوى بدار الإفتاء المصرية، أن يوم عرفة هو من أعظم أيام الدعاء على الإطلاق، مشيرًا إلى أن الدعاء فيه ليس قاصرًا على الحجاج فقط، بل يشمل كل من دعا الله بصدق، في أي مكان.
وقال أمين الفتوى بدار الإفتاء المصرية، خلال تصريحات تلفزيونية، اليوم الأربعاء: "علمه بحالي يغنيني عن سؤالي.. ربنا سبحانه وتعالى يعلم ما في النفس وما يرجوه العبد قبل أن ينطق به، لكن مع ذلك جاء عن سيدنا رسول الله ﷺ قوله: (خير الدعاء دعاء يوم عرفة، وخير ما قلت أنا والنبيون من قبلي: لا إله إلا الله وحده لا شريك له، له الملك وله الحمد وهو على كل شيء قدير)".
حكم أداء الحج والعُمرة عن الغير بمقابل مادي .. عمرو الورداني يجيب | فيديو
أول أيام ذو الحجة 2025 وموعد رؤية الهلال.. اعرف موعد وتواريخ وقفة عرفات وعيد الأضحى
حكم النيابة فى الحج عن الغير .. الإفتاء توضح
متمتع وقارن ومفرد.. الإفتاء توضح الفرق بين أنواع الحج وكيفية أدائها
وأضاف: "الإنسان يدعو بما يشاء.. اطلب من ربك بالعربية أو بلهجتك، بكلماتك البسيطة اللي خارجة من قلبك، مش لازم صيغة محفوظة أو دعاء من كتاب، لأن الأهم هو حضور القلب والخشوع، مش الترتيب اللفظي".
وتابع: "مش غلط تستخدم كتاب أدعية، لكن الأفضل تدعي من قلبك بالحاجة اللي انت فعلاً محتاجها.. اطلب الرزق، الشفاء، المغفرة، الهداية، أو إن ربنا يبلغك الحج، المهم إنك تكون صادق في طلبك".
وحول استجابة الدعاء، أوضح أن الدعاء في يوم عرفة ليس حكرًا على من يقف بعرفة فقط، وإنما هو يوم مفتوح للفضل والعطاء من الله، قائلا: "سيدنا النبي ﷺ حج مرة واحدة فقط، فهل معنى كده إن دعاؤه لم يُستجب إلا في الحج؟ طبعًا لا.. الدعاء مستجاب للحاج ولغير الحاج، لمن صام هذا اليوم ودعا الله من بيته، أو تابعه عبر التلفاز، أو حتى جلس في خلوته يناجي ربه".
كيف تغتنم يوم عرفة؟قال الدكتور محمود شلبي، أمين الفتوى بدار الإفتاء المصرية، إن يوم عرفة هو الركن الأعظم في الحج، وإن الحضور في هذا اليوم الفضيل داخل حدود عرفة يحقق المقصود الشرعي من الوقوف، حتى وإن كان الشخص جالسًا أو مريضًا أو غير قادر على الصعود أو الحركة.
وأضاف أمين الفتوى بدار الإفتاء المصرية، خلال تصريحات تلفزيونية، اليوم الأربعاء: "يوم 9 من ذي الحجة هو يوم الحج الأكبر كما جاء في الحديث عن سيدنا رسول الله ﷺ، الركن ده بيتحقق عند جماهير الفقهاء بالحضور في عرفات بعد الزوال، يعني من بعد الظهر، حتى لو الشخص موجود من يوم 8، فوجوده في اليوم التالي بيدخل في الوقوف ويجزئه تمامًا".
وأوضح أن البعض يظن أن الوقوف بعرفة يعني التواجد على الجبل أو الصعود إليه، وهو اعتقاد غير دقيق، قائلاً: "الوقوف هنا معناه الحضور، مش لازم أكون واقف فعليًا ولا لازم أطلع الجبل، لأن عرفة كلها موقف. حتى لو الشخص مريض أو نايم أو قاعد في المخيم، مدام داخل حدود عرفات، فقد تحقّق له الركن الأعظم".
وقال: "يوم 9 يوم عظيم… الناس بتبدأ اليوم بترقب وفرح، وفيه روحانية كبيرة، زي العيد بالضبط، ويمكن أعظم، لأن ده الأصل والعيد فرع.. الناس بتتواجد في المخيمات، واللي يقدر يروح يصلي في مسجد نمرة بيروح، وفيه اللي بيتأمل ويتأثر برؤية الحجاج والزحام".
وتابع: "من بعد الظهر لحد غروب الشمس، ماعندناش غير الدعاء، والذكر، والثناء على الله. ده يوم الغفران، ويوم الرجاء، ويوم ربنا بيباهي بنا ملائكته، فالمطلوب من الحاج إنه يكون حاضر بقلبه وعقله قبل جسمه، وربنا بيفتح لنا أبواب الرحمة والمغفرة يوم عرفة، واللي بيحج أو حتى بيصوم في بيته، لازم يكون مستشعر عظمة اليوم ده، ويستغله في الدعاء لنفسه ولأهله ولأمته".
غدًا.. تدابير سير على الطريق البحرية من بيروت الى الضبيه