ريم أحمد عن فيديو فادي خفاجة: زعلانة عليه.. بس مش قادرة اساعده
تاريخ النشر: 3rd, August 2024 GMT
علقت الفنانة “ريم أحمد” على واقعة فيديو الفنان “فادي خفاجة” على تطبيق تيك توك الذى كان يشكو فيه من عدم قدرته على المشاركة في أعمال فنية جديدة بطريقة غريبة.
ريم أحمد: فادى خفاجة قهرنىقالت الفنانة “ريم أحمد” خلال حوارها مع الإعلامية مروة صبري في برنامج "قعدة ستات" المذاع عبر قناة ألفا: "زعلانة طبعا على فادي، لما طلع قال في الفيديو إنه محتاج فلوس ومعندوش اختيار، وإنه خريج معهد فنون مسرحية ونقابي، دي حاجة تقهر وإحساس صعب جدا، وزعلت على الدرجة اللي وصل لها".
كشفت “ريم أحمد” عن سبب عدم تواصلها مع “فادي خفاجة” بعد الفيديو، بالرغم من عملهما معًا لفترة طويلة في مسلسل "يوميات ونيس"، قائلة: "مقدرتش أعمل كده، لأن مش من حقي أحكم على حد، وأنا مش عارفة ظروفه، ولو حطيت نفسي في موضع الحكم أبقى ظالمة زي الناس اللي إتكلمت عليه وشوهت سمعته وسمعتنا، إحنا الأربعة من مسلسل ونيس إتشتمنا شتائم غير لائقة من لجان".
وتابعت: “لو كان في إيدي حاجة كنت كلمته، لكن مفيش في إيدي حاجة أقدر أساعده بيها، وردا على سؤال على تواصلت مع الفنان الكبير محمد صبحي لمحاولة مساعدة فادي خفاجة، قالت ريم أحمد: “إتكلمنا وأستاذ ”محمد صبحي” بيكلم فادي كتير".
ووجهت “ريم أحمد” في النهاية رسالة لفادي خفاجة قالت فيها: "أتمنى يعرف يخرج من الكبوة اللي هو فيها، إحنا كلنا بنتحط في المواقف دي، وهو خانته اللحظة في نظري، لكن ألتمس لأخي مليون عذر".
وكان “فادي خفاجة” فاجأ متابعيه بانهياره على "تيك توك" في بث مباشر، بسبب عدم عرض أعمال فنيه عليه خلال الفترة الماضية.
وظهر “فادي خفاجة” في حالة انهيار وهو يتحدث عن لجوئه إلى جولات تيك توك بسبب عدم عرض أعمال فنيه عليه وقال: "اضطريت أدخل في جولات تيك توك لإني مش لاقي شغل والفنانة وفاء عامر حاولت كتير تجيبني معاها في أعمال فنية، لكن مفيش فايدة قاعد في البيت من غير شغل".
لكنه قدم اعتذاره لمتابعيه في سبتمبر الماضي، بعد انهياره في بث مباشر،قال “فادي خفاجة” خلال مداخلة هاتفية مع الإعلامي تامر أمين في برنامج "آخر النهار" المذاع على قناة النهار: "أنا مش قادر اقول حاجة غير اني كنت في لحظة ضعف وبرجو الناس زي ما شايفين اني فنان أنا انسان ولو رجع بيا الوقت مش هعمل الفيديو ومش عارف أنا عملته ازاي وانا بسعى بقالي كتير طول الوقت الناس بتقولي أنت فين احنا متربيين على ونيس"
المصدر: بوابة الوفد
كلمات دلالية: ريم أحمد الفنان فادي خفاجة تيك توك مسلسل يوميات ونيس تامر امين فادی خفاجة ریم أحمد تیک توک
إقرأ أيضاً:
إيناس الدغيدي: بقالي أكتر من 10 سنين مش قادرة أقدم اللي نفسي فيه
اعترفت المخرجة إيناس الدغيدي، بأنها فقدت تأثيرها، قائلة: "الفنان لديه مراحل في حياته، وفي فترة نشاطي كُتب عني الكثير، وبعد ذلك لم أقدم أفلاما بنفس قوة الموضوعات، لاني انخرطت في السينما التجارية".
وأضافت "الدغيدي"، في حوارها مع الإعلامية بسمة وهبة، مقدمة برنامج "العرافة"، على قناتي النهار والمحور: "في السينما التجارية بدفع فلوس في الأفلام عشان أجيب فلوس، لكن مش بعمل اللي نفسي فيه، وبقالي أكتر من 10 سنين مش قادرة أعمل اللي نفسي فيه".
وتابعت المخرجة، أنها لم تعتزل، لكن كل الأفكار التي تكتبها تقابل بالرفض.
وأضافت الدغيدىhttps://www.elbalad.news/6499033 "لدي مسلسل مكتوب، وفيلم مكتوب وأفكار مكتوبة وكلها تُقابل بالرفض، لأنها داخلة في موضوعاتي التي أحبها، لأن الكل يريد الأكشن والكوميدي، وكلنا نعرف الآن نوعيات الأفلام المقدمة للجمهور.. لم أعتزل، لكن أعتبر روحي إنهم اعتزلوني، الجو والمناخ اعتزلوني".
فريدة سيف النصر: الست لو عدت الـ 60 سنة من حقها تقلع الحجاب شرعًا