مدبولي عن تخفيف الأحمال: الدولة تحملت 1.2 مليار دولار لوقف قطع الكهرباء في الصيف

كتب- محمد عمارة وأحمد السعداوي:
قال الدكتور مصطفى مدبولي، رئيس مجلس الوزراء، إن الفاتورة الشهرية لوزارة الكهرباء المفترض دفعها لوزارة لبترول تبلغ 16 مليار جنيه.

وأضاف مدبولي، خلال مؤتمر صحفي مع عدد من الإعلاميين ورؤساء التحرير، اليوم الثلاثاء: طب الكهرباء بتدفع منها كام؟ 4 مليارات فقط، والدولة تتحمل الباقي، فأنا لما أزوّد باعمل إني بازود حتة بس، وهنتحرك في ده لمدة 4 سنين، وحتى بعد ده، ستظل الدولة تدعم بعض الشرائح.

وتابع رئيس الحكومة: طبعًا عندنا مشكلة كبيرة في الفاقد في الشبكة الكهربائية، حجم الفاقد التجاري اللي راجع نتيجة السرقات، ليس بالقليل، عشان كده بنركب عدادات كودية للمنازل والمنشآت غير المقننة، موضوع التصالح شيء وموضوع حقي ده شيء آخر، فيه حجم سرقات برقم كبير، وده جزء من بناء الوعي، الدولة تتحمل وبيعمل تأثير على الخدمات، لو بوصل لـ100% تحصيل، كان ممكن ماروحش لتخفيف الأحمال، الحكومة مسؤولة، لكن المواطن شريك مع الدولة.

واستكمل مدبولي: عشان أعدِّي شهرَي الصيف، تحملت مليارًا و200 مليون دولار، عشان أوقف قطع الكهرباء.. قيسوا على ده سنة كاملة، متوسطاتنا على مدار السنة نحو 4 مليارات دولار، طب لو قدرت جزء بترشيد وجزء من تحصيل السرقات، كل ده بيساعد.

وأضاف رئيس الوزراء: هيقول لنا طب انتم ليه اتأخرتوا في دخول الطاقة الجديدة؟ لأ ماتأخرناش، كانت الأسعار اللي بتقدم لينا من المستثمر عالية أوي، عشان الموضوع لسه جديد، حاليًّا الأرقام بقت اقتصادية، محطة بنبان، متوسط العام لها من 6 ـ7 سنت في الكيلووات، وحاليًّا 2 سنت، لو كنت توسعت كانت الفاتورة هتبقى هائلة.

المصدر: مصراوي