حتعمل شنو؟ لو رفضو يطلعوا ليك من البيت؟ لو رفضو يتوقفو عن نهب المدن؟
تاريخ النشر: 29th, July 2024 GMT
دعاة الاستسلام للمليشيا باسم التفاوض ديل من وين بجيبو الثقة البأكدو بيها للناس انو “المهم الحرب تقيف والناس ترجع بيوتا” من وين بجيبو الثقة انو الشفشفة ونهب المدن والحصار والابتزاز حيقيف لو استسلمنا؟
هل عندهم نموذج واحد لي منطقة في السودان استسلمت للمليشيا وسلمت من شرها؟ بينما في مئات النماذج للعكس! الاسبوع الفات الجنجويد أجبروا أهالي منطقة في وسط دارفور على دفع تعويضات عن ناس ماتوا سنة 1989، والناس دفعوا لأنو ما عندهم خيار تاني! الواضح انو النموذج دا هو شكل العلاقة بين الجنجويد مع “الاخر المستسلم” طيب لو أجبروك تدفع دية أي زول منهم مات حتعمل شنو؟ لو رفضو يطلعوا ليك من البيت؟ لو رفضو يتوقفو عن نهب المدن؟ دعاة وقف الحرب بالاستسلام ديل عندهم شنو يمنعو بيو السيناريو المرجح دا؟
لما تعاين للأمور من الجانب دا، بتفهم حقيقة موقف “لا للحرب” دا انو هو مجرد حرب نفسية لصالح لصالح الجنجويد سواء كان عن عمد زي لا للحرب بتاعة القحاتة، أو بدون عمد زي لا للحرب بتاعة السذج والبلهاء بتاعين كوكب زمردة.
تكلفة الاستسلام أعلى بكثير من تكلفة المقاومة.
Ahmed El-Sharief
إنضم لقناة النيلين على واتسابالمصدر: موقع النيلين
إقرأ أيضاً:
شاهد بالفيديو.. الحسناء “لوشي” ترد على سخرية الجمهور من قصتها مع الدعامة: (عاملين فيها رجال أنزلوا الميدان وكامل الحب لجيشنا وربنا ينصرنا على الجنجويد وحثالة المجتمع)
أطلت الإعلامية والمودل ونجمة السوشيال ميديا الأولى في السودان, آلاء المبارك, على متابعيها في بث مباشر جديد.
وبحسب ما شاهد محرر موقع النيلين, فقد جاء ظهور المودل الشهيرة باسم “لوشي” رداً على سخرية الجمهور من قصتها التي سردتها مع أفراد الدعامة السريع وأثارت بها ضجة واسعة.
https://www.facebook.com/reel/8036838829768416
وهاجمت حسناء السوشيال ميديا, الجمهور الذي أطلق تعليقات ساخرة اتهمها فيها بالكذب ومحاولة تجميل صورة الدعم السريع قائلة: (عاملين فيها رجال أنزلوا الميدان).
كما أعلنت “لوشي” وبحسب ما نقل عنها محرر موقع النيلين, تضامنها ووقفتها مع القوات المسلحة, وقالت: (كامل الحب لجيشنا وربنا ينصرنا على الجنجويد وحثالة المجتمع).
محمد عثمان _ الخرطوم
النيلين
إنضم لقناة النيلين على واتساب