رضا إدريس يكشف الأسباب الحقيقية لغيابه عن الوسط الفني
تاريخ النشر: 26th, July 2024 GMT
حل الفنان رضا إدريس، ضيفًا ببرنامج “القاهرة اليوم” المذاع على قناة "ألفا اليوم" ، وكشف خلال الحلقة عن العديد من الأمور التي أثيرت حوله في الفترات الأخيرة وأبرزها الوعكة الصحية التي تعرض لها وسبب غيابه عن الساحة الفنية.
وأوضح إدريس أنه تعرض لذبحة صدرية دخل إثرها إلى المستشفى، قائلًا: "الحمد لله أنا بخير وربنا كان معايا ومسابنيش لأن كان عندي ذبحة صدرية حقيقية، وربنا نجاني، والدكاترة قالولي إحنا مالناش يد في حاجة".
وعن أسباب تعرضه لتلك الإصابة، قال:" كنت في اسكندرية مع أصدقائي كان عندي مشكلة بخلصها وانفعلت كتير والإصابة حصلت بسبب الانفعال والبكاء، وأنا سايب كل حاجة على ربنا".
وتطرق خلال الحلقة حول أسباب غيابه عن الساحة الفنية، وأوضح قائلا: "الناس بتقولي في الشارع أنت فين يا عم رضا إزاي انت مش في الفيلم والمسلسل في الأعمال الفترة دي إزاي، إحنا عايشين الحمد لله في دم الشعب المصري، الشعب حافظنا وحبنا وعاشرنا، الناس معانا بتشوفنا ومن إحنا شباب لغاية وقتنا دلوقتي، أنا موجود مع الناس ومع الجمهور بس للأسف ياريت الوسط الفني يحبني قد ما الجمهور بيحبني".
وتابع: "أنا كنت قاعد سنتين مشتغلتش خالص، برمضانين وعيدين ورمضان اللي فات قاعد بتفرج وبقول يا رب هو أنا مش معاهم في مصر؟، أقسم بالله كان فاضل يومين على ليلة القدر وقاعد في بيتي ربنا ساترني وقاعد بكلم ربنا بقوله يارب هو أنا مش معاهم ولا أنا ظروفي كده، جالي تليفون من زميل علشان نشتغل مع بعض في مسلسل أمريكي مشهور جدا أخد جائزة جولدن جلوب".
واستنكر ما مر به من تجاهل من قبل أصدقائه بالوسط الفني ومن قبل المنتجين، وقال :"يعني إيه أقعد بالسنتين مشتغلش وأنا فاتح بيت ومعنديش مصدر دخل تاني خالص غير الفن، أنا خبطت على الأبواب وسألت على شغل، ولكن يمكن مش في إيديهم حاجة يمكن دلوقتي الدنيا مقلوبة والمخرج مش هو اللي بيعمل كل حاجة ،كلمت ناس كتير علشان الشغل وفي فنان عملي حظرعلشان بسأله وبكلمه على شغل، وهو نجم مشهور جدًا".
وأضاف: “لله الحمد أنا 40 سنة فن بكل موهبة وضمير، ويعلم ربنا إني بروح أعمل الجملة ومبقولش لأ، وهي اللي بتعيش، أنا عملت مشهد واحد في مسلسل أعلى نسبة مشاهدة وخدت جائزة زي زملائي في المسلسل، لو عملت مسلسلات وبقبض والدنيا دايرة، مش بعمل كل سنتين عمل أو كل فين وفين يجيلي شغلانة، أو ييجي بعد العمر ده كله لقطة وربنا بيبارك فيها أوي، الفن مالوش ذنب في حاجة”.
المصدر: بوابة الوفد
كلمات دلالية: رضا إدريس القاهرة اليوم ألفا اليوم ذبحة صدرية إسكندرية
إقرأ أيضاً:
يعني إيه عنقودي؟.. عمرو سعد يكشف عن معنى الكلمة لأول مرة
كشف الفنان عمرو سعد، عن سر كلمة «عنقودي» التي أثيرت في مسلسل «سيد الناس»، قائلا: «العنقودي دي بعاني منها دلوقتي.. لدرجة القهاوي عملت مشروب جديد اسمه عنقودي».
وقال «سعد» خلال لقائه مع الإعلامي شريف عامر في برنامج "يحدث في مصر" المذاع علي قناة «mbc مصر»، إن العنقودي يعني الشخص المتشعب في كذا موضوع مختلفين عن بعضهم.
وأوضح عمرو سعد، أن عنقودي لقب يطلق على بعض العناصر الخطرة في الجماعة أو الخلية، لذلك تردد أسم «عنقودي» في المسلسل، رغم إن هذه الكلمة حيرت الجارحي ولا يعرف معنها طوال المسلسل.
البرازيل تمنح الأولوية للتفاوض لحل أزمة الرسوم الجمركية مع أمريكا