مسؤول بنادي بيراميدز يشن هجومًا ناريًا: «والله أبطال إننا بنافس»

شن أحمد زاهر المدير الإداري بنادي بيراميدز هجومًا شرسًا على منظومة كرة القدم المصرية، اليوم الثلاثاء، وذلك بعد هزيمة فريقه أمام الأهلي بهدف نظيف، أمس الإثنين، ضمن منافسات الدوري الممتاز.

وكتب أحمد زاهر عبر حسابه الرسمي بموقع التواصل الاجتماعي رسالة نارية، وجاء نصها كالتالي:

"والله أبطال إن إحنا بننافس.

.

العب من غير الشيبى ده موقوف.. حاضر

العب من غير رمضان صبحى وهو فى أعلى فورمه وكان رايح منتخب بحجة منشطات وهمية.. حاضر

إبراهيم عادل واحد من أحسن اللاعيبة في مصر هيلعب معاك وبعدها يسافر.. لا معلش ده مصاب يوم 12 ويلعب مع المنتخب 14 سبحان الله مع إن حقى إنه ميروحش خالص.. بس برضه حاضر

أكتر حاجة مضحكانى فى موضوع إبراهيم عادل تصريحات عضو مجلس الجبلاية، إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا.

إعادة شوط سموحة مع إن اللائحة واضحة وبتقول المباراة تحتسب لبيراميدز.. بس برضه تاني حاضر

أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة.. حاضر

انت لازم تلعب الساعة 4 وبعدها 5 ونص في عز الحر مع إني بنافس، بس المنافس يلعب عادي بالليل.. حاضر

معلش أصل حكم مباراة المقاولون المفروض ميحكمش كارت معاهم لوقت اللزوم نطلعه

ظلم واضح من حكام مباراتين الدوري.. ويقولك الدورى ذهب لمن يستحق

ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة… إحنا أبطال والله".

وبعد مباراة الأمس، رفع الأهلي رصيده إلى 66 نقطة في المركز الثاني، بفارق نقطتين خلف بيراميدز المتصدر، والذي خاض 29 مباراة، فيما خاض الأهلي 26 مباراة.

المصدر: الأسبوع