يلا نرقص شوية.. كريم محسن يطرح أغنية "قلبي الشقي " الأربعاء المقبل

 

ينتظر كريم محسن طرح أحدث أعماله الغنائية يوم الأربعاء المقبل، ونشر من خلال حسابه الشخصي بموقع تبادل الصور والفيديوهات إنستجرام صورة بوستر الأغنية معلقًا:"يلا نرقص شوية استنوا اغنيتي الجديدة قلبي الشقي يوم الأربعاء الساعة 5 في كل حتة".

تفاصيل أغنية قلبي الشقي

والأغنية من ‎كلمات: أحمد المالكي
‎ألحان: كريم نيازي
‎توزيع: شادي ديڤيد
‎ميكساج وماسترينج: ماهر صلاح.

 

‎آخر أعمال كريم محسن

يذكر أن آخر أعمال كريم محسن أغنية "خربانة خربانة" وهى من كلمات: سارة فرج
ألحان: محمد مصطفي ملك
توزيع: محمد مجدي
ميكس وماستر: محمد مجدي.

كلمات أغنية خربانة خربانة

هنا جمب إخواتك وإركن خانة الخاينين عمرانة
ضربوا المجروح على قلبه قال لك خربانة، خربانة
ومتقلقش أنا متعود ومشاعري معاك عطلانة
أنا عارف من أولها إنها على كده خلصانة
مبقتش بخاف، مبقتش بخاف ولا بتأثر
ده مفيش خسران، مفيش خسران بيخاف يخسر
دي الضربة في واحد متكسر لا مبتوجعش
نحست خلاص، نحست خلاص من اللي حاصلي
حكايات متعادة، حكايات متعادة وبالملي
واللي كان لازق ولا ظلي أهو راح مرجعش
بطلت حقيقي أتعشم عايز تبعد ده عنينا
مبقاش فينا روح نتكلم ونعاتب حد رامينا
ع القصة دي هقفل وأردم دي يا قلبي حاجات مش لينا
كم قلب علينا معلم وأظن كده اتربينا
مبقتش بخاف، مبقتش بخاف ولا بتأثر
ده مفيش خسران، مفيش خسران بيخاف يخسر
دي الضربة في واحد متكسر لا مبتوجعش
نحست خلاص، نحست خلاص من اللي حاصلي
حكايات متعادة، حكايات متعادة وبالملي
واللي كان لازق ولا ظلي أهو راح مرجعش

المصدر: بوابة الفجر