"كيادة أوي".. مراد مكرم يكشف رأيه في أغنية "معلمين" لـ تامر حسني وبهاء سلطان

 

كشف الفنان مراد مكرم رأيه في أغنية "معلمين" الذي طرحت مساء أمس وهي إعلان لإحدي شركات الإتصالات وأغنية "معلمين" هي للفنان تامر حسني والفنان بهاء سلطان.

حيث نشر الفنان مراد مكرم عبر صفحته الشخصية بموقع التواصل الإجتماعي "فيسبوك" قائلًا: "إعلان وي أغنية تحفة وتامر وبهاء روحهم حلوة أوي بس كلمات الأغنية كياده أوي".

منشور مراد مكرم تفاصيل أغنية "معلمين"

 

طرحت أحدي شركات الإتصالات أحدث حملاتها الإعلانية، وذلك بمشاركة كلًا من الفنان تامر حسني والفنان بهاء سلطان وظهور خاص للفنانة دارين حداد وكارولين عزمي.

وشهد الإعلان ظهور تامر حسني في الأغنية بـ لوك مختلفة وهو  حليق الرأس، وظهر بهاء سلطان في سيارة يقودها وبجواره دارين حداد، ويبدو أنه في طريقه لتامر حسني، ووقف تامر حسني أعلى يخت وبجواره كارولين عزمي، في أجواء مُبهجة معبرة عن فصل الصيف.

ثم بدأوا يتغنون بأغنية "معلمين" وسط أجواء من البهجة والسرور.

 كلمات أغنية "معلمين" لـ تامر حسني وبهاء سلطان 

 

ما هو مش كده

ما هو برضه ميصحش نكون جامدين كده

جامدين أو ي ورايقين أو ي

ومعلمين على ناس أو ي

مش ذنبنا يشيلوا مننا

وحاجات كده كده كده

لما القمر يبان عادي يكتر الكلام

خلوا اللي يقول يقول

ما هو مين ده يوقعه

مش باين صوتكوا ليه

ولا إحنا فوق أو ي

طب واقفين تحت ليه

ما تيجولنا ما تطلعوا

زعلت.. طب معلش

لا متقفش.. طيب حاضر

طب هاعمل عادي

مش عايزك تزعل

أنا عايزك فاكك

أنا عايزك رايق

أنا عايزك هادي

ده في جز وزمزقة

ده في بص وبحلقة

لا ده إحنا معلمين على ناس كتير

كتير بقى

يا ساتر مش كده

دي خلاص بانت كده

لا ده إحنا معلمين على ناس كتير

كتير كده.. مين ها

مش سامعين صوتكوا ليه

هنعلي على اللي يعلي علينا وهنعلم عليه

ما تعلو الطبلة شوية

كده ولعت ولا إيه

مين ها.. مش سامعين صوتكوا ليه

هنعلي على اللي يعلي علينا وهنعلم عليه

لينا في الجمدان علامات

عننا بيقولوا حكايات

ده كلامكوا تمامه سكات

ولا مين يهزنا

علينا سقف الولعان

جمدان وعليه جمدان

وإن عوزتوا نعلي كمان

هنعلي وتزعلوا مننا

طب معلش.. لا متقفش

طيب حاضر.. طب هاعمل عادي

مش عايزك تزعل أبدا

أنا عايزك فاكك خالص

أنا عايزك رايق كده

أنا عايزك هادي هادي

ده في جز وزمزقة

ده في بص وبحلقة

لا ده إحنا معلمين على ناس كتير كتير بقى

يا ساتر مش كده

دي خلاص بانت كده

لا ده إحنا معلمين على ناس كتير كتير كده

مين ها.. مش سامعين صوتكوا ليه

هنعلي على اللي يعلي علينا وهنعلم عليه

ما تعلو الطبلة شوية

كده ولعت ولا إيه

مين ها.. مش سامعين صوتكوا ليه

هنعلي على اللي يعلي علينا وهنعلم عليه

المصدر: بوابة الفجر