«أنا بتعذب».. دانا حمدان تكشف عن تعرضها لوعكة صحية| فيديو

كشفت الفنانة دانا حمدان، عن تعرضها لوعكة صحية خطيرة، منذ 3 سنوات، مشيرة إلى عدم معرفة السبب.

دانا حمدان تكشف تفاصيل تعرضها لوعكة صحية

وشاركت دانا حمدان عبر حسابها على موقع التواصل الاجتماعي «إنستجرام»، مقطع فيديو، قائلة: «أنا بقالي 3 سنين أنتم بتشوفوني دايما بضحك وبهرج وبسافر، لكن أنا بعاني معاناة ما يعلم بيها إلا ربنا بقالي 3 سنين بالضبط عايشة في تحاليل وسونار وآشعة، وهي دي بقيت حياتي، عشان أنا تعبانة من حاجة مش عارفة ايه هي، ومحدش قادر يعرف اللي عندي ايه، وعايزة حل لأني بتعذب ومش عارفة أنام ومش عارفة أعيش حياة طبيعية».

عرض هذا المنشور على Instagram

تمت مشاركة منشور بواسطة Dana Hamdan (@dhamdanofficial)

دانا حمدان تتعرض للنصب

في وقت سابق، كشفت دانا حمدان عبر حسابها بموقع التواصل الاجتماعي «فيسبوك» عن تفاصيل تعرضها للنصب، مشيرة إلى أن ذلك من قبل أحد الأشخاص الذين يتاجرون في المفروشات.

وتحدثت دانا حمدان عن تفاصيل عملية النصب عليها، قائلة: «أنا اتنصب عليا، حد قالي حوليلي فلوس عشان المفروشات اللي أنا بشتريها، وخد الفلوس ومش راضي يرجعهالي تاني، أنا بقولكم الكلام ده عشان تاخدوا بالكم، متحولوش فلوس لحد، اشتروا حاجتكم من محلات معروفة».

وأضافت: «بعترف اني غلطت في حق نفسي، مش المفروض واحدة في سني وبخبرتي في الحياة تغلط غلطة زي دي، الشخص ده مش راضي يرجعلي فلوسي بالرغم من إني طلبتها أكتر من مرة».

وتابعت: «أنا مش هسكت، وهو بالنسباله أنا فنانة يعني فلوسي مش عارفة أوديها فين، وعمال يماطل، وفيه لكنة تهديد معرفش يقصد بيها إيه، وعايزة أقوله (حسبي الله ونعم الوكيل ويا رب تترد لك في أعز ما عندك، ويا رب يبتليك ببلاوي بعدد الفلوس اللي أخدتها مني، ومش هسكتلك على الفلوس دي ومبخفش».

اقرأ أيضاً«غلطت في حق نفسي».. دانا حمدان تكشف عن تفاصيل تعرضها للنصب

تطورات الحالة الصحية للفنانة دانا حمدان بعد إصابتها بالتسمم

دانا حمدان تتعرض لوعكة صحية وتدخل المستشفى «صورة»

المصدر: الأسبوع