بالأمس دق جرس المنبه مرة ومرتين قبل أن أقوم بوأد صوته كالعادة والاستمرار فى النوم، فى المرة الثالثة انتفضت لتذكرى أن اليوم موعد كتابة المقال. فى دقائق معدودة كنت قد اختصرت طقوسى اليومية وألقيت بنفسى فى أول ميكروباص ينادى رمسيس.. ركبت وبينما أبحث فى جيبى عن ستة جنيهات ونصف تعريفة الركوب رن جرس موبايلى.
- جود مورننج يا فندم مش حضرتك هشام بك مبارك؟
- هو بغباوته بس أنا مش بيه ولا حاجة هشام وبس خلى البساط أحمدى.
- هاهاهاها دم حضرتك خفيف موت زى ما سمعت.
- معلش اعذرنى مش سامعك كويس من دوشة الميكروباص، ممكن بس تدينى فرصة أوصل المكتب؟!
- هاهاها بلاش تواضع واضح طبعا ان حضرتك فى ميتنج خلاص هكلم حضرتك بعد «هاف آن آور» يقصد نصف ساعة!
وصلت المكتب وفى طريقى اشتريت سندوتشين طعمية وقبل أن أشرع فى التهامهما اكتشفت أن الطعمية السخنة الجميلة ليس عليها السلطات المعتادة وانتابنى شعور بالقهر من ذلك البائع الذى خمنى وأوشكت أن أعود له لأخذ حقى منه لولا أن رن جرس الموبايل.
- يا فندم عندنا عروض ماتتفوتش أبدًا، قصر على البحر يرد الروح وبالتقسيط المريح على 9 سنين بحالهم!
- هو انت يابنى عارف بتكلم مين؟
- يافندم وهل يخفى القمر، احنا شركة فاهمة شغلها، عارفين حضرتك كاتب كبير وعشان كده اخترنا لك قصراً الفيو بتاعه تحفة يعنى تقدر تقعد فى البلكونة وتكتب وتبدع بقى يا استاذ وتبسط القراء بتوعك!
- أنا بشكرك على حسن ظنك طبعاً بس عايز أقولك إنى مش محتاج فيو للكتابة يعنى ممكن تلاقينى بكتب فى الميكروباص فى الأتوبيس فى السوق واًنا باشترى الخضار، ولما كلمتنى كنت جاى جرى من البيت علشان المقال يلحق المطبعة لولا بس بتاع الطعمية عكنن عليا وقفلى اليوم!
- طعمية ايه بس يا افندم وميكروباصات ايه، ده احنا عاملين كوليكشن قصور وفيلات مخصوصة للسادة الصحفيين المبدعين، انتو ثروة يا فندم ولازم نحافظ عليكم.
- يا بنى الله لا يسيئك سيبنى اكل ساندوتش الطعمية واشرب كوباية الشاى علشان أبعت المقال لرئيس التحرير لأنى كل أسبوع باكون آخر واحد يسلم مقاله وشكلى بقى وحش جدا.
- ياريت يافندم تدينى رقم سعادته كمان عشان ألحق أحجز له القصر اللى جنب سعادتك!
- سيب الراجل فى حاله علشان يلحق يطلع الجرنان. ولو ممكن تسيبنى أنا كمان «هاف آن آور» أخلص المقال وتكلمنى؟!
لاحظ زملائى السُعاة فى قسم الخدمات المعاونة وكانوا يجلسون فى الطرقة أن صوتى كان مرتفعا فجاءوا يطمئنون، حكيت لهم الحكاية، فاقترحوا علىَ فكرة قررت تطبيقها، وقبل أن تنتهى «الهاف آن آور « كان الشاب يطلبنى مرة أخرى فرددت عليه بعد أن قمت بتغيير نبرة صوتى ونجحت فى تشكيكه.
- هو مش حضرتك برضه الكاتب الكبير هشام بك مبارك؟!
- كاتب مين وكبير مين يا استاذ هو سيادتك بتتمهزأ بيا؟
- سورى الظاهر طلبت رقم غلط هو مين معايا حضرتك؟
- وبتقولى حضرتك كمان؟ متعرفش ان ده تنمر عموما محسوبك هشام السباك أجدعها صنايعى فيكى يا«منتئة»!
- ياه صدفة سعيدة جدا يافندم، أنا عايز أعرض على حضرتك قصر فى الساحل إنما إيه حكاية وكمان سعادتك من الطبقة اللى ممكن متحتاجش تقسيط وتقدر تدفع تمنه كاش!
- يعنى مش عايز اسمه إيه ولا الأبصر إيه ده الصحفى؟
- لا يا راجل وهم الصحفيين دول حيلتهم حاجة، إسمع بقى يا سيدى العرض!
[email protected]
المصدر: بوابة الوفد
كلمات دلالية: هشام مبارك طلة
إقرأ أيضاً:
يزيد الراجحي: ممكن نشتري نادي رياضي في السعودية .. فيديو
ماجد محمد
أكد سائق الراليات ورجل الأعمال يزيد الراجحي، أنه كانت لديه نية للاستثمار في نادٍ رياضي غير سعودي، على الرغم من عدم حبه للكرة والرياضة .
وقال الراجحي خلال لقائه على برنامج روتانا خليجية :” أنا مالي في الكرة إطلاقًا ولكن كان هناك حديث عن إمكانية الاستثمار في نادي ولكن الآن لا يوجد، ولكن من الممكن شراء نادي سعودي . ”
وكان الراجحي قد كشف في وقتٍ سابق عن قيمة ثروته الحالية مقارنة بما كانت عليه قبل عشر سنوات، قائلاً:” اليوم المحافظة على الثروة مشروع صعب جدًا، والحمد لله، ثروتي خلال العشر سنوات الماضية تضاعفت 10 مرات”.
https://cp.slaati.com//wp-content/uploads/2025/03/ssstwitter.com_1741351282060.mp4اقرأ أيضًا:
يزيد الراجحي: ثروتي تضاعفت 10 مرات وشركتي تقدر بـ30 مليار ريال .. فيديو يزيد الراجحي يفاجئ الجميع بوصيته غير المتوقعة .. فيديو
الاحتلال الإسرائيلي يواصل مسلسل الجرائم والانتهاكات بحق الفلسطينيين في غزة