جدل بسبب تصريحات محمد صبحي عن أجور الفنانين
تاريخ النشر: 21st, July 2024 GMT
متابعة بتجــرد: حل الفنان محمد صبحي ضيفاً على الإعلامي حمدي رزق في برنامجه “نظرة” الذي يقدمه على قناة “صدى البلد 2″، حيث تحدث عن العديد من الأمور منها ورش كتابة الدراما التلفزيونية وورش تعليم التمثيل في مصر، وأجور الفنانين، مؤكدًا أنه يجب أن يتقاضى الفنان أجرًا أقل من المُعلمين وليس ملايين.
وقال صبحي: “من قتل الدراما التلفزيونية بالتحديد في مقتل هي كلمة ورشة، خمسة أو ستة يجمعوا بعض علشان يكتبوا مسلسل، ثلاثة مسلسلات في رمضان مع اختلاف مواضيعها زوجة تخون زوجها مع أخوه؟، بيعملوا ورش بياخدوا فيها 20 و30 ألف جنيه ويستغلوا طموح العيال، واللي بيدرب تمثيل غير مؤهل للتدريب من الأساس، ويبقى العيال عندهم حروف بايظة وياخدوهم بس المهم يدفعوا”.
وأضاف: “عرضنا فنانين مصر العظماء بعد حرب 1967 ومكنش فيه شغل، والتلفزيون المصري كان النوارة بتاعتنا، فتحوا ستوديوهات بيروت وعمان وعجمان وأثينا وقبرص، والأخوة العرب العظماء بينتجوا أعمالهم بياخدوا الفنانين المصريين يسافروا يعملوا مسلسل في شهر ويرجعوا، أنا كان أجري وقتها زي محمود المليجي وباخد 12 جنيه، وكنت قاعد معاه في الاستوديو وقولتله أنا خجلان إزاي آخد زي حضرتك؟، قالي افهم ده نظام بيحمي المهنة ده أعلى أجر بس أنا محمود المليجي وأنت محمد صبحي، هتبقى أحسن من محمود المليجي هيقولك هو هو الأجر، علشان محدش يجي يقولك أنا هاخد كذا وهو اللي يحكم ويطلب، ده أجر بيزيد كل أربع سنين”.
وأضاف: “ناس زعلت مني كتير في فترة وكانت فاهمة غلط لما قولت إني مقبلش كفنان إن الفنان ياخد 40 و50 مليون والمُعلم ياخد أقل من 2000 جنيه، أنا مش مستكتر عليك الـ50 مليون، بس أنا عايز أقول أنا كمحمد صبحي بشتغل بفلوسي في المسرح، ولما آجي أحسبها وأقول لو دخل واحد 6000 جنيه للأسرة والأسرة متقدرش تعيش بأقل من 10000 يعني المواطن هيعيش مستور يا دوب.. أنا كفنان آجي أقول إن الفنان المفروض ياخد أجر أقل ألف مرة من المعلم.
main 2024-07-21 Bitajarodالمصدر: بتجرد
إقرأ أيضاً:
كواليس مكالمة الزعيم عادل إمام لـ محمود حافظ
كشف الفنان محمود حافظ موقف دعم الزعيم عادل إمام له حيث قال: “الزعيم كلمني في مرة، وهو بيختار شخص أو اتنين في كل موسم وفجأة يتصل بيهم، وأنا مش قريب من الزعيم، لكن اشتغلت مع ابنه محمد إمام عملين، فكلمني المنتج طارق الشورى قال لي فيه حد عاوز يكلمك، قلت آلو، ومن أول آلو ما كنتش مصدق إن الزعيم هو اللي بيكلمني وبيقول لي إنت ضحكتني واستمتعت بيك، فده بيزيدني ثقة ويقول لي إني ماشي في طريقي الصحيح”.
محدش كان له فضل عليّ لكن بمجهوديوأضاف محمود حافظ: “الحاجات لما بتتبني براحة بتطلع ثابت في مكانك، وأنا الحمد لله محدش كان له فضل عليا لكن بمجهودي، وفيه ناس دعمتني حتى لو بكلمة أو طبطبة عليا وكانوا بيقولولي كمل استمر وده كان مهم بالنسبة لي”.
وأكد الفنان محمود حافظ أن مسلسل السبع وصايا كان وش الخير عليه من خلال شخصية الدوكش وهي اللي عرفتني بالسوق وفيه ناس فكروا إني مش مصري أول ما ظهرت.
وأضاف: ثم بدأ الانتشار مع بين السرايات والأسطورة وكلبش والممر والاختيار ودي محطات هي اللي رفعتني، المخرج خالد مرعي قال لي في (السبع وصايا): أنا سلمتك للساحة فخد بالك من اختياراتك.
وتحدث محمود حافظ عن دوره فى مسلسل عمر أفندي قائلًأ: “اشتغلت مع المخرج عبد الرحمن أبو غزالة قبل كده لما كان مساعد إخراج وهو من زمان كان عاوز يخرج عمل يكون فتحة خير عليه بجد، ولما كلمني في شخصية أباظة عجبتني التركيبة من اللي قالهولي فهو نوعية من الأدوار اللي تركيبتها حلوة، الشر اللذيذ مش اللي الناس تتضايق منه زي الأستاذ توفيق الدقن وأستاذ عادل أدهم، ومتوقعتش النجاح الكبير دا للمسلسل”.
وأضاف الفنان محمود حافظ، أنه لم يتخوف من المشاركة في دوره بمسلسل «عمر أفندي»، الذي يعرض حالياَ، موضحًا أن السيناريو أعجبه للغاية
أحمد حاتم نجم محترم وناجحوأضاف الفنان محمود حافظ، خلال تصريحات تليفزيونية :«المخرج عبدالرحمن أبوغزالة، كلمني في الدور وعجبني تركيبته وهو مخرج شاطر وناجح، وشخصية أباظة موجودة في الحياة وبها الخير والشر وأحمد حاتم نجم محترم وبحبه على المستوى الشخصي والفني».
مصور أحبطني فى بداية حياتيوأشار الفنان محمود حافظ، إلى أن هناك مصور أحبطه في بدايته لذلك كان بعيدا عن اللقاءات التلفزيونية في بداية حياته، موضحًا أن البعض ينتقده بسبب صوته العالي في أعماله.
واختتم الفنان محمود حافظ حديثه قائلًا: «السوشيال ميديا سلاح ذو حدين فيها حاجات كويسة وحاجات وحشة زي ما حصل مع النجم محمد فؤاد ناس كتير جات عليه في بداية المشكلة وبعدها ناس أتعاطفت معاه علشان شافت الحقيقة من الطرفين».
قصة مسلسل عمر أفندي
مسلسل "عمر أفندي" مكون من 10 حلقات فقط، وتأخذ الأحداث منحنى دراميًا شيقًا مع عودة عمر بالزمن إلى فترة الأربعينيات، وذلك حول شخصية "عمر" التي يجسدها أحمد حاتم ويقع في حب آية سماحة ويعيشان قصة حب رومانسية، يعود عمر فجأة إلى أربعينيات القرن الماضي، ويقع في حب رانيا يوسف، الأمر الذي سيؤدي إلى تعقيدات في حياته وعلاقاته العاطفية.
أسرة مسلسل عمر أفنديمسلسل عمر أفندي يشارك في بطولته بجانب أحمد حاتم كل من: آية سماحة، رانيا يوسف، محمد رضوان، محمود حافظ، ومن تأليف مصطفى حمدي، وإخراج عبدالرحمن أبوغزالة.
الرياض: إغلاق 8 محلات ومصادرة 600 رتبة وشعارات عسكرية مخالفة