مصطفى بكري: لا تصدقوا الخونة بالخارج.. سيبكم من الأفاقين الكذابين

قال الإعلامي مصطفى بكري عضو مجلس النواب، إن الشعب المصري دائماً ما تحمل الأزمات عبر التاريخ، لافتا لو انت عايز تعارض، عارض لكن وانت خايف على بلدك وخايف على الوطن ده، اللي لو حصلوا حاجة زي ما حصل في بلاد تانية والله ما هنسامح نفسنا ليوم الدين.

وأضاف بكري خلال تقديمه برنامج "حقائق وأسرار " على قناة "صدى البلد " سيبكم من الأفاقين الكذابين في ناس طلعت في مظاهرات 25 يناير وكانت ترفع شعارات، وبعد 3 شهور قالت فينك يا أبو علاء، متسائلاً حصل ده ولا محصلش؟

وأوضح أن الدكتور طارق شوقي وزير التربية والتعليم الأسبق اللي اتبهدل واتشتم من بعض الناس من 3 أيام في هاشتاج طلع "فينك يا دكتور طارق شوقي وفين أيامك"، منوها "دلوقتي اللي افتكرتوا الدكتور طارق شوقي وافتكرت أبو علاء بلاش نروح ونيجي خلينا ثابتين بموقف.

وأشار عضو مجلس النواب " أنا لو شايف في مشكلة في البلد هنتقد، ولكن مش هاهد البلد بس متاخدش الموقف الانفعالي الأساسي على غير ثوابت ولازم تبقى فاهم القصة بكل أبعادها، معقبا اللى بيرفعوا شعارات كذابين، ويريدون هدم الوطن من أجل مآرب شخصية.

وواصل مصطفى بكري "البلد في أزمة صحيح، وسوف تتجاوزها، بلدنا لازم تفضل واقفة وجيشنا لازم كلنا نقف خلفه، الشعب المصري سيظل وطني وياما اتحمل أزمات وعدت لكن أنا مش مصدق خاين يطلع يعمل عبارات مسيئة يابني ما انا عارفك.

المصدر: الأسبوع