قلم بسيط.. محمد رمضام يثير الجدل بعد رد الشاب صاحب واقعة الساحل

علق الفنان محمد رمضان على الأنباء التي أذاعتها إحدى القنوات حول تكذيبه في واقعة صفعه للشاب كريم شلبي بـ إحدى المنتجعات السياحية بـ الساحل الشمالي.

وقال محمد رمضان، خلال فيديو شاركه عبر حسابه الرسمي على موقع تبادل الصور والفيديوهات «إنستجرام »: «حق الرد على بعض القنوات، الجمهور اللي لفت انتباهي انهم متحاملين عليا بشكل كبير حتى بعد ما اعتذرت للولد الصغير وعيلته، سابوا الفيديو كله وماسكين على قلم بسيط طير الكاب والنضارة وبيلمحوا أن أنا بكدب لأن مفيش حاجة بتثبت كلامي».

وأضاف رمضان: «لكن جمهوري تداول الفيديو اللى بيوضح اللى حصل وأنى صادق وشجاع وأنى طلعت اعتذرت وأنى قوي لأني تمالكت نفسي وكظمت غيظي واكتفيت فقط بمسح الفيديو من غير ما اكسر التليفون اللي كان عليه إساءة لاسم أبويا».

كريم شلبي لـ محمد رمضان: إن كانت إيدي الشمال نموسة فإيدي اليمين مرزبة

وفي وقت سابق تحدث كريم شلبي صاحب واقعة الصفع من قبل محمد رمضان بـ الساحل الشمالي عن اعتذار محمد رمضان له ولأسرته.

وقال كريم خلال فيديو شاركه عبر حسابه بموقع التواصل الاجتماعي «فيس بوك»: «شكرا لكل واحد قال كلمة حلوة ودافع عني وأنا اعترفت بخطأي لأن الاعتراف بالحق فضيلة، تاني حاجة بقى أنا مطلعتش أتكلم في أي قناة ولا فيديو لأني مش عايز أطلع تريند زي ما كتير بيقولوا، أنا الحمد الله شبعان وعيني مليانة ومش محتاج التريند».

وتابع حديثه قائلا: «اعتذار محمد رمضان على راسي بس كنت عايز أقول حاجة أن في ناس بتتولد صغيرة وبتكبر وفى ناس بتتولد صغيرة وبتفضل صغيرة».

وأستكمل موجها حديثه لـ محمد رمضان: «أنا كنت طالع الساحل اتبسط ومش هتكلم في حوار أنك قولت أنك طيرت الكاب والنضارة بسبب القلم بس ابقى تقل إيدك شوية إن كانت إيدي الشمال نموسة فإيدي اليمين مرزبة وأنا مرضتش أعمل محضر فيك علشان العفو عند المقدرة».

اقرأ أيضاًأول قرار من النيابة العامة حول واقعة وفاة الفنان تامر ضيائي

أشرف زكي.. أبرز الحاضرين لجنازة الفنان تامر ضيائي «صور»

المصدر: الأسبوع