ألقت الأجهزة الأمنية، القبض على  متهم بالتعدي على الفنان تامر ضيائي بمنطقة التجمع الأول.

 

القبض على المتسبب في وفاة تامر ضيائي


وتلقت  أجهزة الأمن،  بمديرية أمن القاهرة  بلاغا من شرطة النجدة بوفاة الفنان تامر ضيائي أمام أحد مستشفيات الأورام، وعلى الفور انتقلت اجهزة الأمن لمكان الواقعة.

وتبين أن المتوفى دخل المستشفى برفقة زوجته التي تعاني من مرض سرطان الثدي، وحاول الدخول لكن فرد الأمن منعه، ونشبت مشادة كلامية تطورت لمشاجرة قام على إثرها بصفع فرد الأمن “بالقلم”.


وقام الآخر برد الصفعة له وبعد ذلك انصرف الفنان تامر ضيائي، وأمام المستشفى أصيب بالإغماء وتوفي، وتم ضبط فرد الأمن المتهم، وتم اتخاذ الإجراءات القانونية.

 

أعلن الفنان أحمد  وفيق عبر صفحته  الشخصية عبر موقع التواصل الاجتماعي فيس بوك عن وفاة الفنان تامر ضيائي قائلًا:“ الله يرحمك يا تامر.. ربنا يصبر أهلك ويصبرنا، ولا حول ولا قوة الا بالله … الأحباب يرحلون”. 

 وصية تامر ضيائي  

حيث كتب التالي:" بوست وصية 

ده هيفضل باين علي صفحتي لحد ما أموت، الحقيقة إللى كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد". 

 

وتابع:" ودي وصيتي صلاة الجنازة أهم من العزا وهى إللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل". 

 

 

وأضاف:" من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه، بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة". 

 

وأكمل تامر ضيائي:" دى نقطة مهمه أوي بالنسبة ليا، محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجه بتقول إن العياط معناه عدم رضا بقضاء ربنا “وأبيضت عيناه من الحزن فهو كظيم، أهم حاجة تاني هى الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زي دي”. 

 

واختتم: "الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تاني، اللي بيحبوني يدعولى كتير عشان لو مفيش حد يدعيلي، ودى مهمة أوى أوى أوى عاوز الكل يسامحني علي اي حاجه عملتها فيه بقصد لو دون قصد، اللهم إن كثر موت الفجأة من حولي وكثر موت الشباب غفلة، ف يارب إن كنت أنا القادم فأحسن خاتمتي وارزقني نطق الشهادة عن الموت ويسّر طلوع روحي وهوّن عليّ سكراتي فإني أحب أن ارحل في هدوء وسكينة وطمأنينه، ولا تقبض روحي إلا وانت راضٍ عني لكي اكون عبدا مقبولا عندك  حتي أليق بلقائك العظيم وإن كان لي من العمر باقي فأغفر لي ذنوبي ومعاصي نفسي الأمّارة بالسوء وأعفو عني وأمحو لي كل ما يعرقل طريقي إليك وردّني إليك ردًّا جميلًا يارب العالمين".

 

المصدر: بوابة الفجر

كلمات دلالية: تامر ضيائي الفنان تامر ضيائي وصية تامر ضيائي الفنان تامر ضیائی

إقرأ أيضاً:

أحلى قطايف.. تامر حسني يهنئ سامح حسين على نجاح برنامجه

حرص الفنان تامر حسني على تهنئة ودعم الفنان سامح حسين بمناسبة نجاح برنامجه “قطايف” ونشر له صورة على صفحته الشخصية بموقع التواصل الإجتماعي إنستجرام.

وكتب تامر حسني: “أحلى قطايف من أحلى سامح في الدنيا.. مبروك يا حبيبي بجد برنامج محترم وهادف، وكلنا محتاجينه وبجد أنصح كل الناس يشوفوه، ده بجد برنامج مهم ومن القلب، ولازم شبابنا يتفرجوا عليه لأنهم هيعرفوا معلومات كتير بجد لازم يعرفوها”.

وتابع نجم الجيل: “شكرا للنجم سامح حسين، وللإعداد العظيم، والشاعر المتميز، والمخرج الكبير”.

برنامج قطايف

ويقدم الفنان سامح حسين خلال برنامج قطايف مجموعة من النصائح وذلك من خبرته الحياتية وهي نصائح موجهة لجميع الأعمار.

يتم عرض برنامج “قطايف” يوميًا خلال شهر رمضان في تمام الساعة العاشرة مساءً بتوقيت القاهرة، عبر الصفحات الرسمية للفنان سامح حسين على منصات التواصل الاجتماعي.

مقالات مشابهة

  • استمرار حبس المتهم بالتعدي على سائق مشاجرة الفردوس
  • تجديد حبس المتهم بالتعدي على ضحية مشاجرة الفردوس 15 يوما
  • أحلى قطايف.. تامر حسني يهنئ سامح حسين على نجاح برنامجه
  • سماح أنور: كنت عارفة إني هقوم من محنة المرض وهلعب كورة.. عشان كان فى حاجة ربانية جوايا
  • حبس المتهم بالتعدي على سائق الفردوس وإخلاء سبيل المجني عليه
  • المشدد 10 سنوات للمتهم بالتعدي على طفلة بالقناطر الخيرية
  • تامر عبدالمنعم يشيد ببرنامج قطايف لسامح حسين
  • بسبب ركنة عربية .. القبض على المتهم بالتعدي على شاب بسلاح خرطوش بالإسماعيلية
  • بالتعاون مع مدين.. تامر حسني يستعد لأحدث أعماله «صور»
  • انتظروا الجديد.. تامر حسني من أحدث جلسة تصوير