هنا الزاهد تصدم جمهور «صاحبة السعادة» بأسرار صادمة عن أبيها وقصة حب مع تامر حسني «فيديو»

هنا الزاهد.. حلت الفنانة هنا الزاهد، مساء ليل الإثنين، 15/7/2024 ضيفة مع الإعلامية إسعاد يونس، في برنامجها «صاحبة السعادة»، عبر قناة dmc، وكشفت هنا الزاهد خلال اللقاء عن علاقتها مع والدها، بجانب العديد من الأسرار الأخرى عن حياتها.

هنا الزاهد تتحدث عن والدها لأول مرة مع صاحبة السعادة

تحدثت هنا الزاهد، لأول مرة عن والدها، وكشفت عن علاقتها به، قائلة: «بابا موجود وكان موجود معايا يوم فرحي وفي ناس كتير متعرفش كده وفاكرينه مش موجود، بس هو مش قريب مننا كان نفسي يكون قريب، وأنا في المدرسة كنت بخاف أعمل حاجة غلط عشان لو جالي استدعاء ولي أمر هو مش هيجي، وكان نفسي لما أحب حد أروح أخد رأيه ويقولي شايفه كويس ولا لأ كان هيكون ليه نظرة تانية غير أمي وأوقات ببقى عايزة أشتكيله منها».

وأشارت هنا الزاهد إلى موقف الفنان صلاح عبد الله مع ابنته في حفل زفافها، ورغبتها في أن تكون علاقتها مع والدها قوية، قائلة: «في فرح بنت صلاح عبد الله كنت شايفاه بيعيط عشان بنته بتتجوز وهتسيبه بحرقة، وقفت على جنب قعدت أعيط وكنت حاسه إني نفسي أعيش الإحساس ده.. لكن في النهاية هو إنسان كويس ربنا يخليله أسرته لكن انا افتقدت مشاعر الأبوة وكان نفسي أستفاد منه لأنه إنسان مثقف جدًا».

هنا الزاهد توجه رسالة لوالدها

ووجهت هنا الزاهد رسالة مؤثرة لوالدها، وكأنه متواجد أمامها، كما طلبت منها إسعاد يونس، قائلة: «كان نفسي تكون معايا في كل فترات حياتي، وتسمع كل اللي جوايا لأنك مثقف وكنت هستفيد منك كتير ومن خبرتك وتجاربك.. أنا مفتقداك أوي وكان نفسي تقولي لأ على الحاجات الغلط اللي بعملها وكان نفسي تحضر نجاحاتي أنا لحد دلوقتي بكون مستنية مكالمتك بعد كل عمل ليا عشان تقولي رأيك».

هنا الزاهدهنا الزاهد تكشف عن بداية حبها لتامر حسني

وكشفت هنا الزاهد عن بداية حبها للفنان تامر حسني، قائلة: «كان عندي أنا واختى عروستين باربي، وقصيت لواحده منهم شعرها وعملت حواجبها زي تامر من حبي فيه، وسميت العروسة تامر حسني».

تابعت: «ولما قابلت تامر أول مرة حكيتله القصة دي، وقولتله انت بالنسبالي عروسة مش فنان، بقى كل ما أعمل حاجه غلط يقولي يلا ياعروسة».

هنا الزاهد تتحدث عن مرض والدتها

وتحدثت هنا الزاهد عن شعورها عند مرور والدتها بأزمة صحية، قائلة: «ده الوقت اللي أنا حسيت أني اتكسرت جدًا، وأنا كنت بصور ولقيت فرح بتكلمني بتقولي هنا الحقينا، وماما كانت عاملة الأشعات وكنا مستنين النتيجة وطلع عندها المرض الخبيث، وسمعت الخبر انهارت وكنت واقفة وقعدت مش عارفة أقف».

هنا الزاهد

عن تأثير مرض والدتها عليها وعلى شقيقاتها قالت هنا الزاهد: «اللي مالوش خير في أهله مالوش خير في حد، وأمي لما بروح شركات إنتاج بتبقى جمبي عشان تطمن عليا وبتبقى دايمًا معايا في كل حاجة في حياتي، وهي الحمد لله أحسن بكتير دلوقتي والفترة دي احنا التلاتة اتدمرنا نفسيًا، ودايمًا بدعي وبخاف أوي من فكرة أن في أي يوم يحصل أي حاجة والله مش عارفة هيجرالي ايه».

اقرأ أيضاً«معيطتش بعد الطلاق» وأحمد فهمي مش صاحبي.. أبرز تصريحات هنا الزاهد مع إسعاد يونس

هنا الزاهد تكشف أسباب إجرائها عملية تجميل في أسنانها | فيديو

قناة «dmc» تروج لحلقة هنا الزاهد مع إسعاد يونس

المصدر: الأسبوع