انتصار: "الإعلام سايب المخترعين والعلماء وماسكين في اللي بيطبخوا على النت"
تاريخ النشر: 8th, August 2023 GMT
أعربت الفنانة انتصار، عن استيائها بسبب تسليط الضوء على الأشخاص الذين يريدون تصدر تريند مواقع التواصل الاجتماعي بطرق غريبة كالغناء من دون موهبة، والطبخ في غرفة النوم، وعدم تلسيط الضوء على المخترعين وأوائل الجمهورية.
وقالت انتصار، في مقدمة برنامجها “من غير نفسنة” الذي تقدمه مع الفنانة بدرية طلبة ونوليا، عبر شاشة قناة “هي”: أوعوا تفتكروا أن التريند ده وليد اللحظة، علشان محدش يفتكر أنه مخترع التريند، هو زمان لما كان في أغنية بتفرقع وتكسر الدنيا في جميع أنحاء الجمهورية هو ده التريند الحقيقي، ولكن مكناش نعرف اسم تريند، زي مثلًا أغنية لولاكي، ده نسبة التوزيع بتاعها موجود في موسوعة جينيس كعدد أرقام، هي من أعلى الأغاني اللي اتوزعت شرايطها والناس غنتها
انتصار تتحدث عن التريندوتابعت: لما البرامج بتنجم اللي معملش حاجة، اللي عمل حاجة بجد بيزعل، لأن ده حظه ووقته واللي المفروض الناس تهتم بيه علشان ياخد طاقة ويكمل، يعني نسيب الأوائل على الإعدادية والعلم والمعرفة والمخترعين، وعمالين نمسك في اللي بيطبخوا على النت واللي بيدور على بومة تحت العربية.
من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
انتصار توجه لـ السيدات نصيحة
وجهت الفنانة انتصار، نصيحة للسيدات بضرورة إعادة تدوير الملابس والأطعمة في المنزل للحد من استهلاك النفقات.
وقالت انتصار: "عليا أقساط وحصل غلاء والدنيا اتلغبطت شوية، يعني إيه أنزل السوبر ماركت وعاملة حسابي أجيب حاجات الشهر، وألاقي الأسعار أغلى من اللي عاملة حسابي عليه.
وتابعت: متفتكروش يا جماعة أن الحاجات اللي عليها عروض دي لله، لأ دي بتكون هتخسر وتبوظ بعد 6 أو 3 شهور، وعلشان كده بيقولوا العلبتين بسعر واحدة وخد التالتة، والناس بتجري في رمضان والعيد وتجيب الحاجة وتخزن.
وأضافت: الست لازم تكون مدبرة، يعني زمان كان يبقى عندي هدوم وأنزل أجيب بلوزتين كده، دلوقتي مبشتريش، ده في حاجات جديدة متلبستش في الدولاب أو اتلبست مرة، ليه أنزل كل صيف أجيب حاجات جديدة؟
واستكملت: برا مصر مفيش عنده فاجعة الشراء زي هنا، لازم ننسى كلمة براند، ونعمل إعادة تدوير للحاجات اللي عندنا في البيت، والجو بتاع الاستهلاك بتاع زمان مبقاش موجود.
المصدر: بوابة الفجر
كلمات دلالية: إنتصار برنامج من غير نفسنة
إقرأ أيضاً:
عمرو أديب: القضية الفلسطينية في طريقها للموت والنهاية الحزينة
استنكر الإعلامي عمرو أديب على تصريحات السفير الأمريكي الجديد في إسرائيل مايك هاكابي، والتي أعلن فيها إمكانية موافقة إدارة الرئيس دونالد ترامب، على ضم الضفة الغربية للسيادة الإسرائيلية.
وعلق «عمرو أديب»، في تعليق ببرنامجه «الحكاية»، عبر قناة MBC MASR اليوم الجمعة، قائلا :"الوضع بالنسبة للقضية الفلسطينية سيكون أسوأ بعد نجاح دونالد ترامب في الانتخابات الأمريكية، والسفير الأمريكي الجديد في إسرائيل الذي اختاره ترامب لا يؤمن بحل الدولتين.
واكد عمرو أديب، أن السفير صرح بأن الإسرائيليين لهم «صك شرعي» في الأراضي الفلسطينية من 3 آلاف سنة.
وأضاف: «ناس أمينة جدًا، من الأول قالوا مفيش حل دولتين، هي دولة واحدة، الإسرائيلي مظبط كل حاجة، القضية الفلسطينية في طريقها للموت والنهاية الحزينة، اللي عايز يعمل حاجة لازم يعملها الفترة دي قبل 2028، ده الوقت المناسب عشان يدفن ويردم ويقرأ الفاتحة على القضية الفلسطينية خلال الـ4 سنوات القادمة».
ودعا الحكومات العربية إلى التحرك للتعامل مع الإدارة الأمريكية الجديدة، موضحًا: «لازم يكون للإدارات العربية حس في واشنطن، لازم يكون لينا حد يقدر يصد معاهم شوية».
الدفاع المدني الفلسطيني: الاحتلال يهدد نحو 80 ألف مواطن شمال غزة بالقتل