«معيطتش بعد الطلاق» وأحمد فهمي مش صاحبي.. أبرز تصريحات هنا الزاهد مع إسعاد يونس
تاريخ النشر: 16th, July 2024 GMT
هنا الزاهد.. ظهرت هنا الزاهد أمس في برنامج «صاحبة السعادة » مع إسعاد يونس، الذي يعرض على قناة «dmc »، ويعد ذلك أول ظهور إعلامي لهنا الزاهد بعد إعلان خبر طلاقها من الفنان أحمد فهمي، حيث كشفت «هنا» خلال لقائها عن كواليس الطلاق.
كواليس طلاق هنا الزاهد من أحمد فهميتحدثت الفنانة هنا الزاهد عن كواليس فترة انفصالها من الفنان أحمد فهمي، وأنها لم تكن تتوقع حدوث الطلاق قائلة:«كنت عمري ما اتخيل حاجة اسمها طلاق، وربنا كان عارف أني مش مؤهلة لحاجة زي دي، وسهلها عليا والموضوع حصل بالتدريج خلال 8 شهور».
وأشارت هنا الزاهد إلى أنها لم تتوقع رد فعلها بعد حدوث الطلاق:« أنا قلت أول ما يحصل ده هتضايق وأغضب، لكن منزلتش دمعة واحدة بعد الانفصال، عارفة لما تحسي موضوع انتهى وبقى حاجة قديمة ».
وكشفت هنا الزاهد عن تزامن فترة تصويرها لفيلم «فاصل من اللحظات اللذيذة»، مع فترة طلاقها، ودعم هشام ماجد لها:« كنا في آخر يومين تصوير، وهشام ماجد دخل عندي الأوضة وقال يا هنا انت طول الفيلم عندك مشاكل ومش قايلة، وقلت له ده شغلي، وانتم بتطلعوني من اللي أنا فيه».
هنا الزاهد مع طليقها أحمد فهميووجهت هنا نصيحة للفتيات في حالة مرورهم بنفس ظروف طلاقها:« عايزة أقول لأي بنت بتمر بحاجة زي كده أهم حاجة متبقيش لوحدك، خليكي مع عيلتك لإن عيلتك هتديكي الدعم ».
وتابعت: «لو رجع بيا الزمن هخوض التجربة تاني، عشان أنا مكنتش هتعلم غير لما اتخبط جامد عشان أركز في اختياراتي بعد كده، ولكن مش أي حد نصدقة وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة واتخطيت وكنت راضية جدا».
وأوضحت هنا عن موقفها من العمل مع طليقها:«لو دور حلو ممكن أعمله وهو دلوقتي بقا زميل في شغلي مش أكتر من كده».
هنا الزاهدأبرز تصريحات هنا الزاهد في برنامج صاحبة السعادةتحدثت الفنانة هنا الزاهد عن مواصفات فتى أحلامها، قائلة: «عاوزاه يبقا سند وضهر وبيعمل أي حاجة عشان يراضيني».
كشفت هنا الزاهد عن كراهيتها للوحدة:«مش بحب الوحدة عشان أنا ببقي عاوزة أتكلم مع أي حد، وأنا عندي نقطة أني لما بزعل بنام كتير أوي، وبنيم نفسي قصد، أو بأكل كتير رغم أني مش بيبان عليا، وبحب الرسم بالفحم وبرسم كتير، وبحب أصور».
-أوضحت هنا عن أمنيتها الفنية في العمل مع كريم عبد العزيز، وأحمد عز، وكاملة أبو ذكري، وشريف عرفة.
فيلم فاصل من اللحظات اللذيذةآخر الأعمال الفنية لهنا الزاهدحققت هنا الزاهد نجاحًا ملحوظًا بعد طرح فيلمها «فاصل من اللحظات اللذيذة » في دور العرض بالسنيمات، حيث شاركت هنا بدور البطولة أمام هشام ماجد وكان ذلك أول تعاون فني بين هنا الزاهد وهشام ماجد.
اقرأ أيضاًهنا الزاهد تكشف أسباب إجرائها عملية تجميل في أسنانها | فيديو
قناة «dmc» تروج لحلقة هنا الزاهد مع إسعاد يونس
لأول مرة.. هنا الزاهد تكشف تفاصيل انفصالها عن أحمد فهمي في «صاحبة السعادة» (فيديو)
المصدر: الأسبوع
كلمات دلالية: برنامج صاحبة السعادة هنا الزاهد اسعاد يونس هنا الزاهد واحمد فهمي احمد فهمي طلاق هنا الزاهد من احمد فهمي خبر طلاق هنا الزاهد هنا الزاهد عن أحمد فهمی
إقرأ أيضاً:
بعد تصدرها الترند بسبب ضربها.. ملك زاهر لـ محمد سامي: أنت أبويا التاني
أعربت الفنانة ملك أحمد زاهر، عن سعادتها العارمة بالتعاون مع المخرج محمد سامي في مسلسل "سيد الناس"، موجهة الشكر إليه على اختياره لها في دور ميادة، واهتمامه بكافة الممثلين المشاركين معه، وذلك بعد تصدرها الترند بسبب مشهد اعتداء والدها عليها بالضرب.
ونشرت ملك، صورة برفقة محمد سامي وفريق عمل المسلسل، من بينهم عمرو سعد، إلهام شاهين، منة فضالي، ريم مصطفى، بشرى، عبر حسابها بموقع التواصل الاجتماعي "إنستجرام".
وكتبت ملك: "بوست في حب وتقدير الأستاذ محمد سامي، شكرا أستاذ محمد على الفرصة اللي ادتهالي والدور اللي أنا سعيدة وفرحانة من قلبي إني بعمله، وشكرا عشان من غيرك ماكنتش حبيت الشخصية كده وعشت جواها ومعاها وفي وقت قليل جدا بقيت ميادة، شكرا يا أستاذ عشان مش بتسيب ولا حد فينا من الكبير للصغير".
وأضافت: "وشكرا عشان أنت بتخاف على ممثلينك وبتغير عليهم أكتر منهم هما شخصيا وعمرك ما بتعدي ولا حتى لو غلطة صغيرة عشان أنت أكتر حاجة بتهمك هي الممثل بكل تفاصيله وعشان كده محدش غيرك بيعرف يجمع كمية النجوم اللي كل واحد فيهم بيشيل عمل لوحده في عمل واحد لآن كل ممثل عنده ثقة غير محدودة فيك وفإنك هاتطلعه بأحسن شكل".
وأكدت أنها لم تكن تتخيل هذا النجاح الكبير على شخصية ميادة، قائلة: "أنا ماتوقعتش عمري رد الفعل ده علي الدور دلوقتي خصوصا إن الشخصية لسه هتشد أكتر قدام بس حقيقي اللي يطلع في مشهد في مسلسل لمحمد سامي بيتشاف وبيتميز بنفس القدر اللي ممكن ياخده بعد 30 حلقة من أي عمل تاني مش بس مشهد واحد".
وأشارت إلى أنها فخورة لكونها جزء من عمل مهم مثل "سيد الناس"، مضيفة: "وفخورة إني كنت اختيارك ويارب أكون كنت قد الفرصة شكرا عشان اديتني الفرصة أكون ضمن مدرسة محمد سامي، وشكرا عشان أنت أبويا التاني يا سمسم بحبك".
وتفاعل والدها الفنان أحمد زاهر مع المنشور، وعلق، قائلا: "أهم مخرج في الوطن العربي".
الجدير بالذكر أن مسلسل "سيد الناس" شارك في بطولته بجانب عمرو سعد، كلا من وريم مصطفى، إلهام شاهين، أحمد زاهر، بشرى، إنجي المقدم، خالد الصاوي، صلاح عبد الله، منة فضالي، نشوى مصطفى، أحمد فهيم، أحمد رزق، محمود قابيل، رنا رئيس، إنجي كيوان، ساندي، جوري بكر، ملك أحمد زاهر، سليمان عيد، سلوى عثمان، وهو من تأليف وإخراج محمد سامي.
قصف حوثي يطال منزلاً في "الشماسي" شرق تعز