هنا الزاهد: تعرضت للتنمر والسخرية من صوتي (فيديو)
تاريخ النشر: 16th, July 2024 GMT
كشفت الفنانة هنا الزاهد عن تعرضها للتنمر، قائلة: “تعرضت للتنمر لما جيت أمثل واتريقوا على صوتي، وأنا مش معقدة نفسيا”.
وأضافت هنا الزاهد خلال حوارها مع الإعلامية إسعاد يونس ببرنامج «صاحبة السعادة» الذي يعرض على قناة «DMC»، حيث كشفت هنا الزاهد خلال الحلقة التفاصيل عن حياتها الشخصية ومشوارها الفني.
وتابعت هنا الزاهد «أنا باردة مش بزعل من التعليقات، ولكن لو شوفت تعليقات تمس حاجات فيا بتعصب».
وقالت الفنانة هنا الزاهد، :" احسن حد بيقلدني جيلان علاء وبحبها جدا".
وأضافت هنا الزاهد، خلال لقائها ببرنامج" صاحبة السعادة"، مع الإعلامية اسعاد يونس، والمذاع على فضائية" دي ام سي"، أن الفنان تامر حسني مصمم على أنها تغني، ودائما يطلب منها الذهاب معه الاستديو.
وتابعت هنا الزاهد: " تامر حسني هو الوحيد اللي كان مقتنع أني ممكن أغني معاه في فيلم بحبك.. ومقتنعش بيا لما غنيت معاه، بس الجديد أننا بنعمل مع بعض أغنية.
وتابعت:" أول مرة شوفته قولتله تعرف يا تامر أنك كنت حاجة كبيرة بالنسبة لي وانا صغيرة، مازحة:" جبت عروسة باربي قصتلها شعرها وعملت تامر حسني في البيت".
وأعلنت الفنانة هنا الزاهد مشاركتها في الماراثون الرمضاني المقبل 2025 بعنوان مسلسل الزواج سم قاتل، بعيد غياب 3 سنوات منذ آخر مسلسلاتها "النمر" مع محمد إمام.
وكشفت هنا الزاهد تفاصيل مسلسلها الجديد الذي تنافس به في رمضان 2025، قائلة: "اسم المسلسل الزواج سم قاتل مع المخرجة ياسمين أحمد كامل وإنتاج محمد السعدي وهيكون 30 حلقة، المسلسل هيكون مفاجأة، وهما لسه بيختاروا فريق العمل".
وأضافت هنا الزاهد: "أنا متحمسة أوي أني هشتغل مع ياسمين عجبني مسلسلها "أعلى نسبة مشاهدة" هي شاطرة جدا وكل الناس اللي في المسلسل كانوا شاطرين".
وأشارت هنا الزاهد في حديثها عن سبب غيابها بموسم دراما رمضان السنوات الماضية، معلقه: "كنت السنين اللي فاتت بحب أكتر المنصات وكنت مبسوطة بـ"سيب وأنا أسيب" و"حلوة الدنيا سكر" و"أنا وهي" وكانوا شاغلني عن رمضان وكنت مكتفية بده بس حسيت يلا أعمل حاجة لرمضان".
وإلى جانب مسلسلها لرمضان 2025، انتهت هنا الزاهد قبل أشهر من تصوير مسلسل "إقامة جبرية" الذي لا تعرف حتى الآن موعد عرضه، وتحدثت عن المسلسل قائلة: "مسلسل غامق جدا ودراما وسايكو وفيه جرايم مسلسل صعب وشخصيتي صعبة وحقيقية أنا بحب الحاجات دي جدا بحب الدراما أكتر".
وأكملت هنا الزاهد: "عمري ما شفت نفسي كوميدية الناس شايفني في الحتة دي عشان الأعمال اللي بعملها فيها لايت كوميدي وبتكون أفلام عائلية".
من ناحية أخري، تواصل هنا الزاهد تصوير فيلمها الجديد "ري ستارت" الذي تتعاون فيه مع الفنان تامر حسني.
أبطال فيلم "ري ستارت"
فيلم "ري ستارت" بطولة تامر حسني وهنا الزاهد وعصام السقا وباسم سمرة وميكا ومن تأليف أيمن بهجت قمر وإخراج سارة وفيق.
المصدر: بوابة الوفد
كلمات دلالية: هنا الزاهد أعمال هنا الزاهد التنمر التمثيل بوابة الوفد هنا الزاهد تامر حسنی
إقرأ أيضاً:
تامر حسني يوجه رسالة مؤثرة لجمهوره عن الصلاة
خاص
شارك الفنان المصري تامر حسني جمهوره برسالة مؤثرة عبر خاصية “الستوري” على حسابه الرسمي بموقع “إنستجرام”.
وقال تامر حسني: «والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي وكانت من أسباب وصولي لحلمي التمسك بالصلاة أيا كنت بتعمل إيه واوعى تقول ربنا مش هيقبل صلاتي.. واوعى تصدق اللي يقولك كده إوعى تحكم انت على ربنا وتشك في رحمته إنه مش هيقبل لا لااااااا دا غلط كبير ربنا أكرم وأرحم من ما تتخيل».
وأضاف: «مهما أي غلط بتعمله مسير صلاتك تخليك تقلل أخطاء وواحده واحده لحد ما تبقى في المسار السليم اللي برضوا هيكون فيه أخطاء ولكن أقل ويتبعها إستغفار وتصدق وتوبه حتى لو رجعت تاني لنفس الأخطاء ورجعت عاشر ومليون ارجع تاني ومليون لربنا وأطلب منه العفو والمغفرة المهم تخليه قدام عينك طول حياتك».
وتابع: «خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده».
وأختتم: «بس إحنا لازم نقاوم النوع ده من الفكر ونفتخر إننا بنصلي وبنركع لواحد بس وهو الله سبحانه وتعالى ومهما علا شأننا ومهما عملنا ذنوب بنركع برضو وبنتوب ونستغفر ونشكره على كل حال ونطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه والنملة في جحرها والطيور في السما».
العراق: جدل حول تأجيل انتخابات 2025 بسبب تعديل قانون الانتخابات