المصفوع من محمد رمضان يصفعه بقوة مرة أخرى.. فيديو يفجر اعترافات صادمة (ما القصة)

عاد كريم شلبي المصفوع من محمد رمضان في واقعة الساحل الشمالي، لإثارة استفزاز الفنان مجددًا خلال أول رد له على فيديو اعتذار رمضان له على الصفعة.

اغتيالات هزت العالم المصفوع من محمد رمضان يصفعه مجددًا برسالة مستفزة

وجه كريم جزيل الشكر لكل من دعمه وسانده ودافع عنه في أزمته مع رمضان خلال الفترة الماضية خلال مقطع فيديو عبر حسابه الشخصي على منصة “تيك توك”، حيث قال: "شكرًا لكل حد وقف معايا سواء بكلمة حلوة، أنا اتكلمت واعترفت بخطأي لأن الاعتراف بالحق فضيلة".

كريم شلبي المصفوع من محمد رمضان

وأضاف شلبي: "تاني حاجة أنا مطلعتش أتكلم في ولا قناة ولا فيديو لأني مش طالع أركب تريند زي ما بتقولوا لأني الحمد لله شبعان حب ناس وفلوس وعيني مليانة من صغري فمش محتاج أعمل تريند".

كما وجه رسالة حادة إلى محمد مضان مشيرًا إلى إنه كان ينوي تقديم بلاغًا ضده ولكنه قرر أن يسامحه ويعفه عنه وليس العكس حيث قال: "اعتذار محمد رمضان على راسي بس عاوز اقول كام حاجه من غير كلام كتير.. فيه ناس بتتولد صغيرة وبتكبر وفيه ناس بتتولد صغيره وبتفضل صغيرة".

محمد رمضان

واستكمل: "أنا كنت طالع اتبسط مش فارقة قرية مراسي من قرية لوتس، ومش هتكلم في حوار أنك قولت أنك طيرت الكاب والنضارة بسبب القـلم بس إبقى تقل إيدك شوية، وإن كانت إيدي الشمال ناموسة فإيدي اليمين مرزبة".

واختتم رسالته لرمضان قائلًا: "وأنت بتقول أنك مرضتش تعمل محضر بس أنا اللي كنت هعمل فيك محضر بس قولت العفو عند المقدرة".

بدأت القصة بعد تداول مقطع فيديو للفنان محمد رمضان وهو يصفع شابًا مجهول الهوية بأحد الشوارع العامة، وسط تجمهر عدد من معجبيه، حيث كان يتشاجر معه ويطلب منه هاتفه ولكن الشاب كان يرفض رفضًا تامًا مما تسبب في انفعال محمد رمضان ودفعه لصفعه بشكل مفاجئ.

محمد رمضان يصفع شابًا بسبب الموبايل

ظهر في الفيديو محمد رمضان وهو منفعل، كرد فعل على تصرف صدر من الشاب لم يوضح في الفيديو، مما أدى إلى اشتباكه معه وليقول له: "هات الموبايل .. طلع الموبايل"، ومع إصرار الشاب على الرفض قام رمضان بصفعه قائلًا: "بقولك طلع الموبايل"، الأمر الذي أثار استفزاز وحفيظة الشاب ودفعه لمحاولة رد الصفعة لرمضان، ولكنه في النهاية قال له: "ماشي هجيبه حاضر بس براحة".

هل السرقة وراء صفعة محمد رمضان للشاب؟

في الوقت نفسه، دافع عدد من الجمهور عن محمد رمضان مرجحين إن هذا الشاب من الممكن أن يكون سرق هاتفه أو حاول سرقة هاتف شخص آخر، ما يبرر تصرف رمضان ويجعله رد فعل طبيعي منه كدفاع عن النفس واستردادًا لهاتفه.

وفي سياق متصل، أكد عدد من شهود العيان على واقعة صفع محمد رمضان لشاب مجهول الهوية في الشارع، إن الشجار لم ينتهِ عند صفعة رمضان بل قرر الشاب في نفس اللحظة رد الصفعة له حيث قام بضرب رمضان بالقلم وسط العشرات من محبيه.

محمد رمضان يعتذر لصاحب واقعة الصفع في الساحل الشمالي

من جانبه، حرص محمد رمضان على الإعتذار عن صفعه للشاب في واقعة الساحل الشمالي، وذلك خلال مقطع فيديو نشره عبر حسابه الرسمي بموقع تبادل الصور والفيديوهات  "انستجرام".

وقال رمضان في الفيديو: "الجمهور العدل، الأصيل، الغالي ألف شكر، وربنا مايحرمنيش منكم على وقفتكم معايا ومساندتكم وقرأت وسمعت قد ايه دافعتوا عني، وقد ايه غلطتوا الولد الصغير، ولكن الفيديو ده برضه عامله عشان أعترف الخطأ وأعتذر لأهل الولد الصغير اللي أنا إيدي اتمدت عليه وأنا عارف أنه عيل صغير".

وأضاف رمضان: "وهو لما غلط في الأول قلعتوا الكاب وبصيت في وشه لقيته عيل صغير قلت له اسمك ايه يا حبيبي؟، وسيبته ومشيت ولما رجع غلط تاني لفيت قلت له هات التليفون خباه ومتملكتش نفسي وضربته قلم بسيط، القلم البسيط ده طير له الكاب من على راسه والنضارة اللي كان لابسها".

وتابع: "ولو اعتبر النموسة اللي وقفت على خدي قلم فأنا أستاهل من النموسة دي خمسة علشان أنا مديت أيدي على عيل صغير، ودي لا رجولة ولا بطولة ولكن أنا لم أتمالك نفسي ودي الغلطة اللي أنا طالع أعتذر عنها".

واختتم رسالته للشاب والجمهور بقوله: "لما أخدت تليفونه ومسحت الفيديو حد قالي اكسر له التليفون عشان ميعملش كده تاني، قولت له طب هو غلط أبوه وأمه ذنبهم ايه يغرموا تمن تليفون تاني خاصة أني عرفت أنه من قرية تانية وجاي يتفسح في مراسي، قلت لهم روحوه، الأمن قالي هنعمله محضر عشان، قولت لهم يروح بعد أذنكم".

المصدر: بوابة الوفد