السيسي للمشاركين في أولمبياد باريس: احرصوا على المنافسة الشريفة وأخلاقيات الرياضة

كتب - محمود مصطفى أبوطالب:

أكد الرئيس عبدالفتاح السيسي، أن التحلي بالأخلاق والمنافسة الشريفة أمر مهم جدا خلال المشاركة في البطولات الرياضية.

وقال الرئيس السيسي خلال استقبال اللاعبين والمدربين الحاصلين على ميداليات ذهبية ببطولة الألعاب الأفريقية تكريما لهم، الاثنين: "أعرب عن سعادتي بتحقيق ميداليات ذهبية في إفريقيا، وفي انتظار تحقيق ميداليات أكتر، دايما بنقول إن الرياضة بتعكس مدى تحضر الدول والشعوب، ومعنى الحصول على ميدالية دا بيعكس قدرة الدولة على المنافسة، والدولة اللي بتحقق أكبر عدد من الميداليات يؤكد أن قدرتها على المنافسة عالية، واحنا في مصر عددنا كبير، ودا يدينا فرصة لوجود أعداد كبيرة من اللاعبين الدوليين المميزين".

وأضاف: "رغم حرصنا على تحقيق أكبر عدد من الميداليات دائما يبقى الأسلوب وتقديم نفسنا بشكل يليق بمصر، ودا جزء مهم جدا، من فضلكم مهم جدا إننا نكون حريصين على المنافسة الشريفة أخلاق الرياضة المحترمة، لأن دا بيكون محل تقييم من الناس اللي بتشوفنا، وجهوا الشكر نيابة عني إلى أسركم والتي ساهمت في تحقيق هذه الإنجازات".

وقال الرئيس السيسي: "انتوا فرحتوا الناس، وكل المصريين اللي شافوا النتايج اللي انتم حققتوها، واللي ممكن كمان ربنا يوفقنا ونحققها فى باريس بيكم برضو ان شاء الله وبزمايلكم اللي موجودين هنا او اللي موجودين في المعسكرات الرياضية برة، ربنا يوفقهم".

وتابع الرئيس السيسي: "النتائج التي تم تحقيقها في مجال الرياضة تؤكد أننا نسير على الطريق الصحيح".

المصدر: مصراوي