في 5 أيام..حماقي يحقق مليون مشاهدة بـ واكلة الجو
تاريخ النشر: 15th, July 2024 GMT
نجح الميجا ستار حماقي في تحقيق مليون مشاهدة بأحدث أغنياته "واكلو الجو " في وقت صغير وبـ 5 أيام فقط من طرحها كما أنها تصدرت تريند يوتيوب.
تفاصيل الأغنية
ويذكر أن أغنية "واكلة الجو" هي من كلمات تامر حسين وألحان عزيز الشافعي ومن توزيع تميم.
أنا جنبي قاعدة أحلى واحدة في القعدة
واحدة واخدة قلبي واحدة واحدة
ضرب نار دمار دي مش بتهدا
جامدة مش هزار
أنا جنبي قاعدة أحلى واحدة في اللمة
لأ بجد فينها وفين همّ
حد شاف جمال كده بالذمة
دايسة ع الزرار
واكلة الجو
اليوم بوجودها احلوّ
هفضل 100 سنة هنا لو
قدامي عينيها الحلوين دول
واخدة الناس
بالرقة وبالإحساس
أنا عيني عليها يا ناس
إيه اللي بتعمله فيا ده معقول
أنا جنبي قاعدة أحلى واحدة في القعدة
واحدة واخدة قلبي واحدة واحدة
ضرب نار دمار دي مش بتهدا
جامدة مش هزار
أنا جنبي قاعدة أحلى واحدة في اللمة
لأ بجد فينها وفين همّ
حد شاف جمال كده بالذمة
دايسة ع الزرار
أنا جنبي واحدة الجمال يغير منها
والقمر يموت يبقى مكانها
واللي شافها مرة بيدمنها
مايصادفش نوم
وأنا ع العموم بقول وأحب أعرّفها
لو مافيش مضايقة أنا هخطفها
خطفة م اللي هتحب تشوفها
مني كل يوم
واكلة الجو
اليوم بوجودها احلوّ
هفضل 100 سنة هنا لو
قدامي عينيها الحلوين دول
واخدة الناس
بالرقة وبالإحساس
أنا عيني عليها يا ناس
إيه اللي بتعمله فيا ده معقول
أنا جنبي قاعدة أحلى واحدة في القعدة
واحدة واخدة قلبي واحدة واحدة
ضرب نار دمار دي مش بتهدا
جامدة مش هزار
أنا جنبي قاعدة أحلى واحدة في اللمة
لأ بجد فينها وفين همّ
حد شاف جمال كده بالذمة
دايسة ع الزرار
تفاصيل ألبوم "هو الأساس" لـ محمد حماقي
ويضم ألبوم حماقي الجديد 10 أغنيات يتم طرحهم تباعًا وتعاون حماقي في الألبوم مع عدد كبير من الشعراء والملحنين والموزعين وعلى رأسهم الملحن عزيز الشافعي والشاعر تامر حسين والذي كتب لحماقي أكثر من أغنية في هذا الألبوم، كما يتعاون حماقي مع وسام عبد المنعم وتوما.
المصدر: بوابة الفجر
كلمات دلالية: في 5 أيام حماقى أحدث أغاني محمد حماقي
إقرأ أيضاً:
الفنان خالد كمال: بجدد دعمي الشخصي لمهرجان الإسكندرية للفيلم القصير