عاجل|أول تعليق من فتاة التجمع بعد السجن المشدد على سائق أوبر (فيديو)

وجهت نبيلة عوض "فتاة التجمع"، الشكر إلى القضاء المصري، لعودة حقها والحكم بالسجن المشدد 15 عاما على سائق أوبر المتهم بخطفها والتعدي عليها.

بعد واقعة فتاة التجمع.. تفاصيل اجتماع لجنة الاتصالات مع مسؤولي شركة "أوبر" محامي سائق أوبر يؤكد براءة موكله من تهمة اغتصاب فتاة التجمع رد فعلها بعد الحكم

وقالت "نبيلة عوض" في اتصال هاتفي ببرنامج "تفاصيل" المذاع على فضائية "صدى البلد2" مساء اليوم الأحد، "والله أنا ممتنة جدًا للقضاء والشرطة والنيابة، أنا عمري ما كنت متخيلة أبدا إن ممكن المحكمة تجيلي حقي في أول جلسة من المحاكمة، كنت زعلانة ودلوقتي حاسة إني فوقت، رجعتلي روحي تاني، الحمد لله".

وتابعت "حياتى كانت واقفة ولسه لحد دلوقتي مارجعتش شغلي بسبب إصابة إيدي من يوم الواقعة، معرفتش أرجع عشان أنا بشتغل مدرسة، وأخدت إجازة من المدرسة من وقت الحادثة وحاسة إني في دوامة، الحمد لله أنا كنت حاضرة الجلسة، لما سمعت الحكم كأنه حلم وربنا بيجبر بخاطري".

وأكملت "الناس كانت بتشوفني تقولي إنتى محاربة وناس قالولي بلاش تتكلمي في الموضوع، معنى إن المحكمة تحكم على المتهم من أول جلسة، ده رد اعتبار ليا، الحمد لله، عمري ما أتمنى اللىي حصلي يحصل لأي حد في الدنيا".

المصدر: بوابة الفجر