عصابة تجار المخدرات.. ننشر أقوال ميكانيكي شرع 7 متهمين في قتله وقتل صديقه بالوراق| مستندات

حصل موقع "الفجر" على أقوال المجني عليه ضحية الشروع في قتل من قبل 7 أشخاص وقتل صديقه بالوراق.

ادلي المجني عليه "تامر.س" 39 سنة ميكانيكي باعترافات تفصيلية أمام النيابة العامة وجاءت كالآتي: 

س: ما هي تفصيلات حدوث إصابتك؟

اللي حصل إن المدعو "صادق عبد العاطي" الله يرحمه قالي ان فيه عيال كدة صحابوه بيشربوا مخدرات اتلموا عليه من ثلاثة أيام في الشارع وضربوه وعوروه في عينه، كل دا علشان أرشد على واحد بيبيع مخدرات للمباحث والمباحث نزلوا جابوا وحبسوا الواد الأرشد عليه وحبسوه وأنا معرفش اسمه، وإمبارح كلمني وقالي العربية فيها مشكلة فأنا نزلتله وكان معاه ابنه محمد صادق ومشينا بالتاكسي بتاعه وأنا اللي كنت سابق وصادق كان جنبي وابنه وراه على الكنبة لحد ما المتوفي صادق وقفنا تحت الدائري في شارع عشرة وبعدين لقيت توكتوك جه علينا فيه نحو أربعة معرفهمش وواحد فيهم نزل وكلم صادق الله يرحمه وصادق إداله فلوس ثمن البودرة نحو خمسين جنيه تقريبًا.

وأضاف المجني عليه: وبعدين الواحد دا جري وصادق نزل جري وراه ومسكه ضربه والتوكتوك اللي نزل الواد منه كان واقف مستنيه أول ما شافوا اللي حصل جربوا وبعدين صادق حط الواد اللي مسكه عندنا في العربية في الكتبة على اليمين، وبعدين صادق قال لابنه محمد يفتشه وقال للواد دا اللى معانا هات نمرة تليفون حد من اللي معاك راح قالنا نمرة، وصادق اتصل بيه قاله لو عايز الواد تعلالي فقاله احنا في منطقة أرض الذهب تعلالنا وبعدين احنا رحنا علي هناك لقينا ثلاث مكنات بيجروا ورانا ومعاهم اسلحة ومسدسات واحنا جرينا من مكنتين واتبقي واحدة فضلت ورانا كان راكبها 3 أشخاص لحد ما طلعنا الدائري قبل سيد مكاوي بشوية كدة.

واستكمل تامر ضحية الشروع في قتل:  واللي كانوا راكبين الموتسيكل ماسكين أسلحة خرطوش كل واحد فيهم حتى اللى سايق المكنة ومركزتش فيه على المكنة أرقام ولا وبعدين لقيت حد فيهم بيقول اقف اقف بصوت عالي وكسر الإزاز الخلفي اللى علي اليمين وصادق بيقولي اجري بسرعة عشان فيه كمين ادام ولقيت المتهمين اللى على المكنة لفوا من ورا العربية الناحية الشمال وواحد فيهم اللى قاعد ورا خالص في المكنة ضرب بالخرطوش طلقة على محمد صادق وازاز العربية الخلفي الشمال اتكسر.

وذكر المجني عليه في تحقيقات النيابة العامة: صادق قال لابنه انزل استني تحت ورا الكرسي، وبعد كدة جم جنبي واللى كان قاعد في النص ما بينهم في المكنة قال احنا مش بنقول اقف راح ضرب طلقة خرطوش عليا في إيدي الشمال على مسافة نص متر تقريبًا بعد كدة صادق قالي اجري اجري بس لقينا زحمة على الدائري ادامنا وقفتنا وصادق نزل من العربية ونزل كمان الواد اللي في النص وآخر اللى كانوا راكبين على المكنة وسائق المكنة كان لسة قاعد فيها، ولقيت الواد اللى كان قاعد في النص ضرب نار عليا وانا في العربية سايق، بس المرادي جت في ظهري لما ضربي بالخرطوش، وبعدي أنا فتحت باب العربية وجريت في الشارع وبس وقعت على الأرض وهما ركبوا على المكنة وجريوا كلهم.

أحال المستشار تامر صفي المحامي العام شمال الجيزة الكلية المتهمين "عبد القادر. م" 22 سنة صاحب محل ملابس، "سالم.س" 23 سنة سمكري سيارات، "حسين. ي" 25 سنة ميكانيكي موتسيكلات، "كريم. ا" 19 سنة ميكانيكي، "يوسف.م" 20 تاجر عجول، "محمود. ش" 22 سنة مبلط سيراميك، حيث "محمد. م" 40 سنة صاحب مطبعة، لمحكمة الجنايات المختصة بدائرة محكمة استئناف القاهرة لمعاقبة المتهمين بعد أن وجهت إليه تهمه القتل العمد، وذلك على خلفية التحقيقات في القضية 5349 لسنة 2023 جنايات الوراق.

تبين أنه في يوم ١٣/ ٤ / ٢٠٢٣ قام المتهمين من الأول وحتى السادس بدائرة قسم شرطة الوراق:

قتلوا عمدًا المجني عليه "صادق عبد العاطي" مع سبق الإصرار، وذلك على إثر سابقه خلاف فيما بينه والمتهم الأول والذي استعان بالمتهمين من الثاني وحتى السادس وبيتوا النية وعقدوا العزم المصمم على إزهاق روحه، وأعدوا لذلك أسلحة نارية خرطوش وما أن ظفروا بالمجني عليه بالطريق العام حتى انهالوا عليه ضربا بإطلاق وابلا من الأعيرة النارية صوبه محدثين اصابته الموصوفة بتقرير الصفحة التشريحية التي أودت بحياته على النحو المبين بالتحقيقات.

وقد اقترنت بتلك الجناية جنايتين أخرتين وهي أنهم في ذات الزمان والمكان:

- شرعوا في قتل المجني عليهما "تامر سالم"، "محمد صادق عبد العاطي" عمدًا مع سبق الإصرار، بأن بيتوا النية وعقدوا العزم المصمم على قتل المجني عليه صادق عبد العاطي صادق أحمد.

وأعدوا لذلك ذات الأسلحة المار بيانها، وما أن ظفروا بالأخير ورفقته المجني عليها حتى أطلقوا صوبه وابل من الأعيرة النارية عالمين بنتيجتها الاحتمالية قابلين إياها، فأحدثوا بالمجني عليه الأول اصابته الموصوفة بتقرير مصلحة الطب الشرعي قاصدين قتله، إلا أنه قد خاب أثر جريمتهم لسبب لا دخل لإرادتهم فيها وهو مداركة المجني عليه الأول بالعلاج، وقرار الثاني على النحو المبين بالتحقيقات.

كما اتلفوا عمدًا السيارة الرقيمة (ج) ف ر (٢٥٧) المملوكة للمجني عليه مصطفى صادق عبد العاطي صادق

والتي ترتب عليها ضررا ماليا يجاوز خمسون جنيها، على النحو المبين بالتحقيقات.

المتهمون جميعًا:

حازوا وأحرزوا أسلحة نارية (فردين، بندقية خرطوش دون ترخيص من الجهة الإدارية المختصة)، على النحو المبين بالتحقيقات.

وأحرزوا ذخائر اثنتي عشر طلقة خرطوش مما تستعمل على الأسلحة النارية.

IMG-20240708-WA0068

المصدر: بوابة الفجر