رامي جمال يكشف كواليس قصة حبه لزوجته ناريمان

حل كل من المطرب رامي جمال وزوجته نارمان ضيفان ببرنامج معكم مع الإعلامية منى الشاذلي والمذاع عبر قناة on مساء أمس الجمعة، في حلقة طال انتظارها من قبل عشاق المطرب والملحن رامي جمال.

رامي جمال وناريمان

وكشف الزوجان خلال الحلقة عن العديد من أسرار حياتهما ولعل أبرزها لحظة لقائهما الأول حيث  كشف المطرب رامي جمال كواليس أول لقاء جمع بينه وبين زوجته ناريمان.

وقال رامي جمال :"أنا تعرفت على ناريمان لما كانت عايزة تاخد مني لحن، وشوفتها وطريقة كلامها عجبت وداني".

وأضاف: "أنا شخص مش خفيف، ومكانش عاجبني إني مركز في حاجة غير اللحن، ولما روحت عملت حركات الشباب المصريين واتصلت بيها أسألها روحتي".

المطرب رامي جمال وناريمان

وتابع:" بقيت أنا مش أنا، خاصة وأنا من الناس اللي بتنام من الساعة 12 بليل أو 1 ليلًا لو سهران، لكن في اليوم اللي شفتها فيه نمت الساعة 6 الصبح، كل ده كان بسبب طريقتها وهي بتتكلم، أنا مكنتش عارف إني ضعيف، خاصة إن عدى عليا مواقف واختبارات كتير ومكنتش بحس بحاجة، لكن مع ناريمان فجأة حسيت إني عايز اعترف كمان لها في نفس اليوم".

وعن قرار الإرتباط الذي أقدم سريعًا عليه قال : "أنا قلت معجب وأول أجازة لأخويا من السفر خطبت يوم الإثنين، وإتجوزت يوم الإثنين اللي بعده، وصدقت فكرة إن الأرواح بتتقابل".

وعقبت ناريمان زوجته  قائلة: "في اليوم ده حسيت بحاجة مش كبيرة، وبدأت تزيد واحدة واحدة".

رامي جمال وزوجته ناريمانرامي جمال يكشف بداية إصابته بالبهاق

وأوضح المطرب رامي جمال بداية مرضه قائلًا:" كنت بصحى من النوم ألاقي نقطة ومش عارف دي من إيه والدكتور قال لي دا بهاق ولازم نسيطر عليه، علشان البهاق بينتشر".

رامي جمال وناريمان

وأشار رامي أنه تعرض للكثير من المواقف المحرجة بسبب مرضه وروى واحدًا منهم قائلًا: "كنت خارج وفيه حد كان داخل بيمد إيده ويسلم وأول ما أنا مدت إيدي راح عامل نفسه بيوطي بيربط الجزمة وراح قايل لي مبسوط جدًّا إني شُفتك وقام داخل".

المصدر: بوابة الوفد