بشرى عن فيلم أهل الكهف: كبير وصناعه كبار

أشادت الفنانة بشري بفيلم "أهل الكهف" المعروض حاليا بالسينمات عبر صفحتها الشخصية علي موقع التواصل الاجتماعي "فيسبوك".

إشادة بشرى بفيلم أهل الكهف

ونشرت بشري صورة مع بوستر الفيلم من السينما وعلقت عليها قائلة: "ليه لازم نشوف فيلم أهل الكهف؟؟ أنا مش هقدر اتكلم وأفسر كتير لأن الكلمة دلوقتى وهى حق أصبحت خطر على حياة الإنسان.

. بغض النظر عن الفيلم حلو ولا لا أو يعجبك ولا لا الخلاصة إنك لازم تروح تشوفه".

بشرى تشيد بأهل الكهف

وأضافت: "أنا شخصيا عجبنى فيه حاجات كتير وأحترم المجهود البصرى وأداء الممثلين والملابس والموسيقى بس الأهم من ده كله أنه مش معمول له نفس بروباجاندا الآخرين يعنى بالبلدى مش واخد حظ أخواته الكبار رغم أن الفيلم كبير وصناعه كبار لكن هو نموذج للفرق بين الفيلم الأورجانيك والفيلم المصنوع جيد صحيح بس صناعة الدعاية هى الأساس فيه".

إيرادات فيلم أهل الكهف

ونوهت: "على صعيد آخر دعم الفيلم ده يرجع أمجاد شبه دعم القطن المصرى كده فى أيام عزه قبل ما يبقى قطن فقط للتصدير.. لقد أصبحت السينما و الفنان منتج للتصدير ف لو عندنا منتج محلى نجح ينافس فى عز المقاطعة رغم افتقاده لبعض التاتشات السحرية بتاعت الإمبريالية ولزوم البروباجاندا يبقى لزم ووجب الدعم مش فقط لكينونة الفيلم نفسه او لشخص صانعيه بس للمصيبة اللى هتيجى بعد كدة لو استمرت هذه الايدولوجية الا وهى اما الفيلم يكون مصبوغ بصبغة البروباجاندا الإمبريالية او كأنك يا أبو زيد ما غزيت".

واختتمت: "نفسى مرة نلحق البلا قبل وقوعه.. والله العظيم بنشرب ازوزة محلى وتمام ولسه عايشين.. ونقدر كمان نعيش من غير ازوزة خالص.. فـ ما بالك بقى لو كمان العمل متعوب عليه؟!!!!مش هيبقى فى قيمة مضافة لو ظل المنتج للتصدير يا متعلمين يا بتوع ال.. .. .. .!!!".

أبطال فيلم أهل الكهف

ويضم فيلم أهل الكهف مجموعة من النجوم منهم خالد النبوي، وأحمد عيد، وغادة عادل، ومحمد ممدوح، ومحمود حميدة، ومصطفى فهمي، وصبري فواز، وهاجر أحمد، وريم مصطفى، ومحمد فراج، سيناريو وحوار أيمن بهجت قمر، إخراج عمرو عرفة.

المصدر: الأسبوع