محمود سليم لـ الفجر الفني: كنت بسعى للتعاون مع تامر حسني من سنين وسعيد بنجاح جامدين جامدين (حوار )
تاريخ النشر: 11th, July 2024 GMT
حقق الشاعر الغنائي محمود سليم نجاحات كثيرة مع عدد من المطربين لكن حلم التعاون مع نجم الجيل تامر حسني كان يراوده منذ سنتين ليتحقق مؤخرًا بالتعاون في أغنية بعنوان "جامدين جامدين" والتي حقتت نجاح كبير جدًا.
وحاور الفجر الفني الشاعر محمود سليم ليكشف عن تفاصيل التعاون مع تامر حسني وموقفه من الراب والمهرجانات
وإليكم نص الحوار:
في البداية مبروك نجاح جامدين جامدين.
. حدثنا عن فكرة تعاونك مع تامر حسني ؟
التعاون مع تامر حسني ممتع جدًا، وكان تعاون بسعى له من سنين كتير والحمد لله ربنا وفقنا بأغنية (جامدين جامدين )، وجاء التعاون عن طريق صديقي الملحن تيام علي، أرسل لي لحن الأغنية وطلب مني العمل عليها بـ شكل ولون تامر وبالفعل عملتها بالشكل اللي الناس سمعته وسمعهاله والحمد لله عجبته جدًا.
من أين أتت لك فكرة أغنية "جامدين جامدين" ؟
ديمًا الناس تحب الكلام المواكب للجيل وحاولت على قد ما أقدر أقدم حاجة تكون دمها خفيف وتكون بها طاقة إيجابية
الجمهور أشاد بكلمات الأغنية جدا لكن كان هناك اعتراض عن كونها لم تقدم في صورة فيديو كليب.. فما رأيك في هذا ؟
بشكر طبعًا كل من أشاد بالأغنية ومبسوط جدًا بردود الأفعال، وكنت اتمني أكيد أن تكون في شكل ڤيديو كليب، لكن ده قرار راجع لتامر نفسه، والحمد لله ده مقصرش على نجاحها.
المهرجانات والراب شكل بقى مفروض علينا حاليًا وله شريحة جمهور كبيرة، لكن أنا مش بفضل اللون ده من الأغاني
هل الأغاني التي تكتبها تأتي اليك من مواقف حولك أم مجرد أفكار تتوارد إلى ذهنك وتنفذها في شكل أغنية ؟
أفكار الأغاني تأتي من الأثنين سواء موقف أو فكرة أتت بخيالي وعملت عليها موضوع
مين حابب تتعاون معاه من المطربين ؟
الحقيقة أنا معنديش مطرب مفضل لكن بحب أي حد بيعمل فن حلو وأكيد فيه مطربين كتير نفسي اتعاون معاهم زي الفنان رامي صبري وأنغام ومحمد منير وأكيد الهضبة عمرو دياب
هل لديك أعمال جديدة الفترة المقبلة ؟
فيه أكيد أكتر من حاجة الفترة الجاية إن شاء الله اتمنى تعجبكم
المصدر: بوابة الفجر
كلمات دلالية: محمود سليم جامدين جامدين أحدث أعمال تامر حسني
إقرأ أيضاً:
تامر حسني يوجه رسالة مؤثرة لجمهوره عن الصلاة
خاص
شارك الفنان المصري تامر حسني جمهوره برسالة مؤثرة عبر خاصية “الستوري” على حسابه الرسمي بموقع “إنستجرام”.
وقال تامر حسني: «والله والله اللي بيقوله صح أنا مش شيخ ولا عامل بنصح أنا بتكلم عن حاجات مريت بيها في حياتي وكانت من أسباب وصولي لحلمي التمسك بالصلاة أيا كنت بتعمل إيه واوعى تقول ربنا مش هيقبل صلاتي.. واوعى تصدق اللي يقولك كده إوعى تحكم انت على ربنا وتشك في رحمته إنه مش هيقبل لا لااااااا دا غلط كبير ربنا أكرم وأرحم من ما تتخيل».
وأضاف: «مهما أي غلط بتعمله مسير صلاتك تخليك تقلل أخطاء وواحده واحده لحد ما تبقى في المسار السليم اللي برضوا هيكون فيه أخطاء ولكن أقل ويتبعها إستغفار وتصدق وتوبه حتى لو رجعت تاني لنفس الأخطاء ورجعت عاشر ومليون ارجع تاني ومليون لربنا وأطلب منه العفو والمغفرة المهم تخليه قدام عينك طول حياتك».
وتابع: «خلوا بالكوا في أفكار بتسوق العالم ناحية إن الشخص المتدين أو الملتزم أو اللي محافظ على صلاته إنه يتكسف يقول ده قدام الناس لإن ممكن أصحابه يضايقوه بالكلام بما إن الجانب الشيطاني بقى قوي أوي في العصر ده».
وأختتم: «بس إحنا لازم نقاوم النوع ده من الفكر ونفتخر إننا بنصلي وبنركع لواحد بس وهو الله سبحانه وتعالى ومهما علا شأننا ومهما عملنا ذنوب بنركع برضو وبنتوب ونستغفر ونشكره على كل حال ونطلب منه اللي بنحلم بيه ونثق إنه هيرزقنا إذا كان بيرزق الجنين في بطن أمه والنملة في جحرها والطيور في السما».
العراق: جدل حول تأجيل انتخابات 2025 بسبب تعديل قانون الانتخابات