أنت اللي كلمتني عشان الصلح.. محامي كهربا يفتح النار علي مرتضي منصور ً
تاريخ النشر: 7th, August 2023 GMT
وجه أشرف عبد العزيز محامي كهربا رسالة إلى مرتضي منصور عبر السوشيال ميديا.
وكتب عيد العزيز من خلال حسابه الشخصي فيس بوك:" رداً علي مرتضي منصور
سمعتك وهرد عليك في نقاط مختصرة وبطريقتك وعايز أقولك :-
١- القضية اللي انت بتكلم عليها انا مش هاقول الاسماء عشان انا محامي أعرف أصول مهنتي ( أتعلمنا كده في أولي حقوق ) ان ده اسرار موكلين لا يجوز ابداً اني ارد عليك علي السوشيال ميديا بس انا كسبتها منك وانت اللي كلمتني عشان الصلح انت فاهم طبعاً وبعدين انا ذهبت لبيتك وليس مكتبك بناء علي رغبة رجل كبير في السن خائف ينزل عشان كورونا وموكلي خد حقه كاملاً .
٢- بخصوص عبدالله السعيد انت استلمت فلوس النادي في اتحاد الكرة فلا يعتبر صفقة لان عبدالله لم يقيد في الزمالك ولا انت قيدته واحنا منعرفش هي ( صورة فقط ) وعلي فكرة انت قدمت شكوي وبلاغ ضده وصدر قرار من النيابة العامة بحفظ شكواكم .
٣- بخصوص صفقة القرن ( كهربا ) انت بنفسك بتقول انك اعارته بثلاثة ملايين دولار وخمسمائة ألف دولار في عام واحد والحكم باثنان مليون دولار واربعمائة الف يعني أقل من عام إعارة ولا تنسي انت كنت طالب من المحكمة الرياضية مبلغ تسعة ملايين يورو وبعدين انت محضرتش القضية انت كنت منسق مع المحامي الايطالي زي بالضبط منسق مع المحامي التونسي ولا الكلام ده غلط اه أسف ( انت كنت بتاخذ معلوماتك من اعلامي زي م انت قلت ) فبلاش دغدغة مشاعر جماهير الكرة .. حرام .
٤- وإن عدتم عدنا بمحاضر الجلسات طبعاً انت فاهم معهليش - اه بالمناسبة انا محامي لا يسعي للشهرة لاني مش محتاج الكلام ده خالص وانت عارف كده كويس بلاش - أنا - اه أخر حاجه - كيد النساء اللي انت بتقوله - ده انا معرفوش انا بنفذ كلامي وانتظرني في فيديو في خلال ٤٨ ساعه بس افضي لك عشان مشغول جداً بمهنتي المحاماه وأكشف لمصر كلها الحقيقة كاملة ومش هخليها ابداً أهلي وزمالك ؟ لا هخليها رجل لرجل او محامي أمام محامي مع تحياتي .
المصدر: صدى البلد
كلمات دلالية: محامي كهربا مرتضى منصور محامي عبدالله السعيد
إقرأ أيضاً:
تامر حسني لـ أحمد العوضي: فنان كبير وكسرت الدنيا رمضان اللي فات
وجه الفنان تامر حسني الشكر للفنان أحمد العوضي، عبر خاصية «الاستوري»، على موقع تبادل الفيديوهات والصور «إنستجرام»، بعدما أثنى العوضي عليه كثيرا ومدى حبه له وذلك خلال لقائه مع الإعلامي خالد فرج ببرنامج «Mirror»
تامر حسني يرد على أحمد العوضيوقال الفنان أحمد العوضي، خلال لقائه مع الإعلامي خالد فرج ببرنامج «Mirror»: «تامر حبيبي وبهنيه على أغنيته الأخيرة مكسرة الدنيا (معلمين)، بني آدم طيب جدًا وأنا بحبه على المستوى الشخصي جدًا وبحبه وبحترمه جدًا كفنان كمطرب وممثل هايل وأفلامه دايما بتحقق نجاحات كبيرة، تامر شخص محترم جدا عمري ما شفت ليه تصريح يضايق حد، في حاله».
ليعلق تامر حسني عبر ستوري «انستجرام»، قائلا: «حبيبي يا عوضي يافنان يامحترم.. انت اللي حبيبي وفنان كبير وكسرت الدنيا رمضان اللي فات.. ومستنين نجاحك الكبير إن شاء الله في رمضان اللي جاي».
وكان أحمد العوضي شارك في موسم دراما رمضان السابق من خلال مسلسل حق عرب، والذي شارك في بطولته دينا فؤاد ورياض الخولي ووفاء عامر، وحقق نجاحاً كبيراً، ويستعد لتصوير أحداث مسلسل فهد البطل الذي من المقرر أن يعرض في موسم دراما رمضان 2025.
اقرأ أيضاً«قافلة حواجبك بالقلم».. تامر حسني يمازح ابنته بعد تقليدها له في فيلم «عمر وسلمى»| صورة
«راح دار الحق».. تامر حسني ينعى شقيق إيساف بهذه الكلمات |صورة
تامر حسني يدعم أحمد عزمي: «نجم كبير.. ومستنيين نشوفك بأدوار مميزة»
شركة أمريكية متخصصة في الصناعات العسكرية تخطط لإنشاء مصنع لها بالمغرب