نفسي أعرف المواهيم ديل الفكى حقهم اسمه منو؟

□□ يَحكي أحدُهم :
□ من المواقف الغريبة المرت علينا بالكلية؛ طالب عمل إعادة تصحيح.
□ لما طلعنا كراسو لقيناهو غير اسمو ما كاتب حاجة!
□ لاحقا اكتشفت إنو الطالب ده مشى لي (فكي ساحر وكاهن ودجال ومتشعوذ ) أيام الامتحانات.

□ والفكي قال ليهو: أمرك منتهي؛ أكتب اسمك وأجمع الكراس وخلي الباقي علي.
□ لمن ظهرت النتيجة، ولقى نفسو ساقط رجع للفكي وقال ليهو: كتبت اسمي زي ما قلت والنتيجة ظهرت ولقيت نفسي ساقط!.

الفكي قال ليهو: أمشي أعمل مراجعة!

□ وبالفعل الطالب بكل ثقة دفع رسوم وعمل إعادة تصحيح.
□ هسي القحاطة ديل لا شايلين بندقية، ولا عندهم قاعدة شعبية.
□ وبعد ده بكل ثقة دايرين يحكموا البلد.
□ نفسي أعرف المواهيم ديل الفكى حقهم اسمه منو؟
#من_أحاجي_الحرب

Hiba Elrasheed

إنضم لقناة النيلين على واتساب

المصدر: موقع النيلين