تعرف على شروط أقامة قضية الخلع للزوجة
تاريخ النشر: 9th, July 2024 GMT
وضحت المادة «20» من القانون رقم «1» لسنة 2000 شروط لتوقيع عملية الخلع للزوجة وهم شرطين أو أمرين هامين يجب توافرهما فى من ترغب فى رفع قضية الخلع وهما:
1- تتنازل الزوجـة عن جميع حقوقها الشرعية والمالية وترد للزوج الصـداق «المهر» الذى أعـطاه لها (والمقصود به هنا مقدم الصداق الذى قبضته أو قبضه وليها).
2- على الزوجة أن تقرر صراحة أنها تبغض الحياة الزوجية مع زوجها، وأنه لا سبيل لاستمرار الحياة الزوجية بينهما وتخشى ألا تقييم حدود الله بسبب هذا البغض.
وبتوافر تلك الشرطان يمكن للزوجة أن تقيم دعوة للخلع بمحكمة الأسرة طبقاً للقانون.
المصدر: اليوم السابع
كلمات دلالية: لازم تعرف القانون المصرى اخبار الحوادث
إقرأ أيضاً:
نوال تطلب الخلع: قالي أنا يتيم وطلع سارق أمه وطفشان
وقفت نوال أمام محكمة الأسرة في المعصرة بعدما تقدمت بدعوى خلع من زوجها، للتخلص منه بعد زواج استمر لمدة عامين فقط، بسبب كذبه عليها وقيامه باستغلال إحدى صديقاته للقيام بدور شقيقته الوحيدة، إلا أنها اكتشفت في النهاية أن أسرته طردته بسبب سرقة مشغولات والدته قبل سنوات من الزواج.
سردت نوال قصتها مع زوجها قائلة «عايشة مع واحد كذاب وكان جايب واحدة صاحبته عاملها أنها اخته الوحيدة وأن ابوه وأمه ماتوا في حادثة وأنه مالوش غير أخته، وساعة الجواز كان معاه اتنين رجالة كبار قال أنهم أعمامه ومشوفتهمش تاني وبالصدفة عرفت أن أبو وأمه عايشين.
وقالت نوال عن قصتها مع زوجها، الراجل طلع بيضحك عليا سنتين، عايشة معاه وهو يتيم وطلعت كل حاجة كدب في كدب وطلعت عايشة مع بني آدم غشاش ولما قولت له قالي هما طردوني وأنا معرفتش أعمل ايه واكتشفت إنه متجوزني بـ دهب أمه اللي سرقوا من البيت بعد ما طردته من البيت ولما طلبت الطلاق منه رفض.
وشرحت نوال قصتها مع زوجها، أنا عندي 29 سنة، وبتشغل وعايشة مع والدتي بعد ما والدي توفى واتقدم لي شاب وقال إنه شغال في شركة وعايز يتجوزني وجه هو واتنين رجالة كبار وقال أنهم أعمامه ومعاه واحدة قال أنها أخته وأن والده ووالدته ماتوا، ووافقت عليه واتجوزته بعد 8 شهور وفضلت عايشة بعد الجواز عادي لحد ما بدأت أشك فيه.
وتابعت نوال، كنت حاسة أن في حاجة غلط ديما وأن الجوازة دي فيها حاجة مش طبيعية، لحد ما بعد سنة و10 شهور لقيت الباب بيخبط وحد بيسأل عليه وقالي أن والده تعبان وعايز يشوفه قولت له والد مين ده والده متوفي قالي لا وحكالي قصته وأنه سرق دهب أمه وطردوه من البيت، وساعتها مكنتش عارفة أنطق، ولما سألت عن أخته دي قالولي في المنطقة دي وحيدة وعايشة مع والدها.
واختتمت نوال قائلة، روحت اتكلمت معاه وقولت له أنا عرفت كل حاجة وعايزة أطلق وأني مش هعيش مع بني أدم كداب قالي مفيش طلاق روحت رفعت عليه قضية خلع.
الحشد يعلن عن جاهزية قواته في مواجهة التهديدات القادمة من سوريا